Makawandili Kumɛnu 7:17 - ALLALA KUMƐ

¹⁷ Mɔgɔ kana wunduyogoyɛ dan-natenbi, ado mɔgɔ kana ma kun-takolɔn la fanan alako i kana faga, ila wati ma ke wɛ.

Makawandili Kumɛnu 7:17 ပူးပေါင်းရင်းမြစ်များ

2 Samuwɛli 6:20

Mansa Dawuda fanan tara ala bɔn la ka ta ala mɔgɛnu kɔndɔn. Ala musi Mikali nara a taran. A ya a fɔ ala kei ma ko, “Isirɛla mansɛ ara tɔgɔ sɔrɔn bi. A ara a nyɛrɛ gbu makolonya ala mɔgɔ-banuna yɔɔn-musinu yala iko yuwɛ.”

Yobu 22:16

Yanni anuta wati ni ke, wo ya a taran, Alla ara yi latugu anu kun na ka anu firan dugi kɛ kuma yi wo la.

Yaburi 55:23

E, Alla, i si mɔgɔ-fagalɛ anubɛ foninya-fɔlɛnu natosokɔrɔ lakira hali anu siyi ma ban. Kɔnɔ nde lanɛ ile la.

Hɛnkilimaya-Kumɛnu 10:27

Ni i ya Marila kumɛ bira, i si simayɛ sɔrɔn kɔnɔ karagbɛlɛ si faga yanni ala wati ni ban.

Isikiyɛli 16:20

Min sanɛ wo kuma, i ya dunmusi anubɛ den-kei minnu sɔrɔn n ye, i ya wonu ma kɔ-fan la ila bɛsɛ wonu ye. Ha bi, ile yisi ma sa yɛlɛnya-koe rɔ, wa?

Isikiyɛli 8:17

Mari ya n manyinika ko, “Ile hadama-dan, i wara wo yen? Anu bi ko kɔsɔnɛ min bɛɛsi mala yan tɔ wo, anu bi karagbɛlɛyɛ ranyɛnsɛnna nyamanɛ rɔ nya min wo, wo dɔrɔn sa Yuda bɔnsɔn-mɔgɛ kɛnu wasala. Anu bi sɛgila nala ko-yogomɛnu kɛla Bato-Bɔn la yan tɔ tun. Kɛ le dama ara n kɔrɔtɔ dɔgɔma-ma-de! N nanyini-koe gbansan, anu bi bɔla wonu denu na yan tɔ.

Kɛwɔlɛnu 12:23

Tiriyante wo rɔ, Marita melika ya Hɛrodi gbesi a rɔ. A buira dugi ma bawo a ma Alla gbiliya. Tɔ-a-la, tunbinu kɛra a rɔ ha a fagara.

Kɛwɔlɛnu 16:28

Kɔnɔ Pɔli gbele-gbelenta kan-ba la, a ko, “I kana i nyɛrɛ madumɛ! Ma dama ye yan!”

Kɛwɔlɛnu 5:10

A buira Pita kin kɔrɔ ka faga kelenna! Keminɛnu donta gbɛ! Anu ya a faganɛ yen min kɛ, anu tara a la ka a togon ala kei dafɛ.

Kɛwɔlɛnu 5:5

Ananayasi ya wo lamɔɛn nkɛkuna, a buira. A niyi bɔra. Min bɛɛ ya wo lamɔɛn, wonu kilanta kati!

Yemesi 1:21

Wo ni ko-latinyanɛ bɛɛ boloka anubɛ kɛ-nya-yoge bɛɛ. Wo ni sɔnnaya Alla ye ka ala kumɛ bira min siginɛ wo yisi rɔ, ado kumɛ wo si ke wo kisila le.

1 Samuwɛli 25:38

Tele tan tenbinɛ, Mari ya a ma, kirayɛ wo ya a faga.