Makawandili Kumɛnu 7:16 - ALLALA KUMƐ

¹⁶ Mɔgɔ kana ko-nyimɛ kɛ ka tenbi a dan kun na. Mɔgɔ kana ata hɛnkilimayɛ fanan natenbi a dan kun na. Ni i ya wo ma, i si i nyɛrɛ tabunden wo rɔ.

Makawandili Kumɛnu 7:16 ပူးပေါင်းရင်းမြစ်များ

Ko-Dabirɛnu 3:6

Woletɔ musi wo ya bɔra kɔlɔma-gbɔɛ wo la bawo a kin. A dɔn-sɔgɛ ya a bira. A ya a lɔn ko ni a ya a dɔn, a si hɛnkili sɔrɔn. A ya wo gbɔɛ do keri ka a dɔn ka do di ala kei ma. Wo fanan ya do dɔn.

Yobu 11:12

Ni sofɛli-feremɛ si den-kolonɛ sɔrɔn, nba, ni wo si ma, mani kun-takolɔn si ma hɛnkilimɛ la.

Yobu 28:28

Alla ya a fɔ hadama-dan ye ko, “Ni mɔgɛ ko a ni hɛnkilimayɛ sɔrɔn, fɔ a ni nde a tigi fɔlɔn gbiliya. Ni a sɔgɛ ye a la ka ko-kɔrɛ lɔn, fɔ a ni fara ko-yogoma-kɛ la.”

Hɛnkilimaya-Kumɛnu 23:4

Ila hɛnkili lawɔli alako i kana i nyɛrɛ tinya nɔnfulu-nyini-tinɛ.

Hɛnkilimaya-Kumɛnu 25:16

Mɔgɔ kana ta liyi-ladiyɛ fɛ ka a dɔn-belebele-wɛ kɛ. Ni wo ma, i si teseri.

Makawandili Kumɛnu 12:12

Nna den, a ma i fɛrɛma fanan koe dola ko la. Kɛdi-sɛbɛ ti ban, ado karan-ba-dɛgbɛ si mɔgɛ rabɔ le.

Matiyu 23:29

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, nɛbi minnu ya telenbagayɛ kɛ fɔlɔ-nun, wo ye kanba-nyimɛnu sinna wonu ye ka bɔnnu sɔ kanbɛ wonu kuma.

Matiyu 23:38

Nba, Alla-Bato-Bon rakolonyanɛ si to feu!

Matiyu 23:5

Anu si anuna ko-nyimɛ bɛɛ kɛ alako mɔgɛ ni anu yen dɔrɔn! Allala kumɛ min sɛbɛnɛ ata kitabu rɔ, anu bi wo mala lɛsimɔgɛnu na ka wonu kiri anu telɛnu anubɛ anu bolenu ma. Wonu mafɛlɛn! Anuna duruku-yan bunsannu yanyɛ-nya fanan mafɛlɛn!

Matiyu 9:14

Yɔni-Batasi-Kɛlɛ gba-fɛ-bilalɛnu nara Yisa wara ka a manyinika ko, “Malebɛ Farisinu bi sunyɛ donna tuma-wo-tuma kɔnɔ nfenna ila karan-dannu ti sunyɛ don mumɛ?”

Luka 18:12

Lɔgɔkun-wo-lɔgɔkun, n bi sunyɛ donna tele fila. N bi min bɛɛ sɔrɔnna, n bi wo yaka dila i ma.’

Romu 10:2

Anu sere le nde la ko Allala hɔnyɛ ye anu na kɔnɔ anu ma a lɔn anu si Alla bato a kilɛ fɛ nya min.

Romu 11:25

N na-kelen-nyɔgɛnu, n bi a fɛ, wo ni gbundu-koe kɛ tonyɛ lɔn. Wo si a ma, wo ti wasi wola hɛnkilimayɛ rɔ. Gbundu koe wo le kɛ la ko Isirɛla mɔgɛnuna yisi-gbɛlɛyɛ ti to a la habadan! A si to ha Alla ara sibolo-gbɛrɛ min nyɔgɔn yatɔnbɔn, wonu da ni fa.

Romu 12:3

Alla ara n kɔ ata hinɛ rɔ alako n ni kɛ fɔ wo kelen-kelennamɛ-bɛɛ ye. Wo kana wo miri wo nyɛrɛ ma ko wo nyɔgɔn sa. Min fisa, wo ni wo famayigi wo miriya rɔ. Alla ara dɛnkɛninyɛ min nyɔgɔn di wo ma, a bɛnta, wo kelen-kelennamɛ-bɛɛ ni wo lɔn wo nyɛrɛ ma.

1 Kɔrɛnti 3:18

Mɔgɔ-wo-mɔgɔ kana a nyɛrɛ yanfa. Ni min mirinɛ ko hɛnkilimɛ le ale la duninya kɛ rɔ, a fisa, duninya ni a lɔn kuntan la alako a si hɛnkili-bɛrɛ sɔrɔn nya-min.

1 Kɔrɛnti 3:20

A sɛbɛnɛ kan tinɛ do rɔ tun Allala kitabu rɔ ko, “Hɛnkilimɛnu miriya Mari yala, ko-fuyi le wo la.”

Filipai 3:6

N bara n taya ha n ya a lagbɛlɛya chɔchi kuma, ado ni mɔgɛ si ke mala telenbagɛ la tɔn-birɛ fɛ, fɛɛ-wo-fɛɛ ma taran n na wo rɔ.

Kɔlɔsi 2:18

Wo kana sɔn, mɔgɔ-wo-mɔgɔ ni wo yiliki min bi a nyɛrɛ gbiliyala ko-rayen rɔ ka a famayigi foninyɛ rɔ. Wo kana don melika-bato-koe rɔ. Mɔgɔ sifa wo wasinɛ hadama-danta miriya le la fufafu!

Kɔlɔsi 2:23

Nba, melika-batoe fɔrɔsɛ la wo, foninya-famayigiyɛ wo, nyɛrɛ-bagbuyi-tɔrɛ wo, tɔn wonu mani de iko hɛnkili ye anu tɔ kɔnɔ wonu ti ko-wo-ko nyinya bagbuyi-natanu-bira-koe rɔ.

1 Timoti 4:3

Wo mɔgɔ-sufanu bi mɔgɛnu karanna ko furu-kiri-koe anubɛ dɔn-fan-donu dɔn-koe, ko-yogomɛ le wonu na. Kɔnɔ ni i wara ban baraka birala Alla ye wonuna ko la, Alla ko wonu ma yogo. A ya wonu nadan dɛnkɛninya-mɔgɛnu ye minnu bara ban tonyɛ lɔnna.

Lankɛnimayɛ 18:19

Anu ya gbangban kɛ anu kunyɛ rɔ yisi-tinya bolo. Anu gbele-gbelenta di-kɛ-tinɛ ko, “E, gbalo! Gbalo ye so-karantan wo kuma! Soe le nun. Kulun-tigi min bɛɛ ye kɔgɔ-yi kuma, anu bara ma nɔnfulu-tiginu na ala nɔnfuli rɔ! Kɔnɔ a ara bɔnɔ fan wo bɛɛ rɔ hawa kelen pe kɔrɔ!”