Makawandili Kumɛnu 7:13 - ALLALA KUMƐ

¹³ I miri Allata kabana-koenu ma. Alla ara min tadu, yon si ke wo latelenna?

Makawandili Kumɛnu 7:13 ပူးပေါင်းရင်းမြစ်များ

Yobu 11:10

Ni Alla ya i ladon yele la, a tenbi i kitila, yon si a lakala?

Yobu 12:14

Alla ara ban min nawuyala, mɔgɔ-wo-mɔgɔ ti ke wo lasɔla tun. Alla wa mɔgɛ min nadon yele la, mɔgɔ-wo-mɔgɔ ti ke wo kunkala.

Yobu 34:29

Ni ko-wo-ko ma-sɔgɔ sa Alla la, yon si ke a manyinikala ko, “I ma kɛ ma kama?” Ni a ya a kolonkɛ dogon ma ma, yigi ti taran ma ma tun!

Yobu 37:14

Nba Yobu, i wɔlɔ matɔlɔ fɔlɔn, Alla ye kabana-koe minnu mala, i miri wonu ma.

Yobu 9:12

Alla wa fen bɔ mɔgɛ do bolo, mɔgɔ-wo-mɔgɔ ti ke tɔn sigila a ma. Mɔgɔ-wo-mɔgɔ ti ke a manyinikala ko, “Ile ye nfen kun na kɛ la?”

Yaburi 107:43

Hɛnkilimɛnu ni anu hɛnkili to kumɛ kɛ ko ka anu miri Marita keninteya-dannatɛgɛbɛlɛ ma.

Yaburi 8:3

N ba san-kolo-ladannɛ mafɛlɛn, i wara karɛ anubɛ lolenu sigi anu gbɛ rɔ nya min,

Makawandili Kumɛnu 1:15

Min ta ara ban dula, wo la ti telen tun. Ni min sa, wo dan ti lɔn.

Makawandili Kumɛnu 3:11

A ara koe bɛɛ wati latɛgɛ a kilɛ fɛ. Alla ara habadan-ko-lɔn-koe sigi hadama-dan yisi rɔ kɔnɔ hali wo, ka a bi duninya dabirɛ ma ha duninyala ban, mɔgɔ ti ban Alla wara-koe lɔnna dɛnkɛninyɛ kɔma.

Makawandili Kumɛnu 8:17

n ti a lɔn Alla ye min kun na. Hali mɔgɛ ya a raya nya-wo-nya, a ti ban Alla wara-koe nya-yenna. Hali hɛnkilimɛ donu si a fɔ ko anu ya Alla wara-koe lɔn kɔnɔ anu foni.

Aiseya 14:27

Ale Mari Sɛnbɛ-Bɛɛ-Tigi ara ban kɛ latɛgɛla. A ara a kɔɛn kɔrɔbi duninya mumɛ tɔrɔ-koe la, ado mɔgɔ-wo-mɔgɔ ti ke a lakalala wo ma.

Aiseya 43:13

A ko Habadan-Alla le ale la. Mɔgɔ-wo-mɔgɔ ti ke a burila ata sɛnbɛ kɔrɔ. Mɔgɔ-wo-mɔgɔ ti ke ala ko-ladannɛ bɔla a gbɛ rɔ.

Aiseya 5:12

Wo ye sɔrɔnnu anubɛ bɔlɔnnu anubɛ wasanbɛnu anubɛ fulinu kɛla-a-rɔ wola ladiyɛnu tɔ kɔnɔ katarala gbɛɛ, wo ye nyɔ duk! Wo ma a lɔn Mari ye min kun na lefan

Daniyɛli 4:35

Fenfen ma mɔgɛnu na dugu-kole kɛ ma ale yala. A si melika anubɛ mɔgɛnu namara iko a di ale ye nya na. Mɔgɔ-wo-mɔgɔ ti ke tɔn sigila a ma, ado a ye koe minnu bɛɛsi mala, mɔgɔ-wo-mɔgɔ ti ke a manyinikala wo ma.’

Luka 12:26

Ni wo ti ke ko-nyantarani wonu mala, nfenna wo haminyanɛ fan-toe bɛɛla ko la?

Romu 9:15

Alla ya a fɔ Nɛbi Musa ye ko, “N bi a fɛ ka kinikini min ma, n si kinikini wo ma. N bi a fɛ ka hina min na, n si hina wo la.”

Romu 9:19

Mɔgɛ do wa n manyinika ko, “Ni Alla ya wo le fɔ, n si yiliki sɔrɔn nna hakɛla ko la kama worɔ? Yon si ke Alla sako kɛlɛla?”

Ɛfɛsa 1:11

Fan bɛɛ si ma iko Allata ko-latɛgɛnɛ anubɛ a sako ye nya min. Woletɔ a ya ma yabɔ ko mabɛ Kirasiti ni to ko kelen tɔ ka ma a halalɛ la, ado a ara a latɛgɛ wo nya le kebi fɔlɔ.