Makawandili Kumɛnu 6:9 - ALLALA KUMƐ

⁹ Wo ragbɛlɛ. Wo mani de iko mɔgɛ tenbi fɔnyɔ birala. Yanni mɔgɔ yɛ ni to bɔla fan bɛɛ la tuma-wo-tuma, a fisa, min bi a bolo, wo ni a hɛnɛ.

Makawandili Kumɛnu 6:9 ပူးပေါင်းရင်းမြစ်များ

Yobu 31:7

Ni n bara kilɛ boloka tele-kelen-bɛrɛni, n ni a ma, karagbɛlɛyɛ ni n sagan a wara la, ni n bara kɔsɔ hakɛ-kɛ bolo,

Makawandili Kumɛnu 1:14

N bara koe kɛ bɛɛ lakɔrɔsi duninya ma kɔnɔ duninya ragbɛlɛ! Ko-sufa wo mani de iko mɔgɔ tenbi fɔnyɔ birala.

Makawandili Kumɛnu 1:17

N sigira ka n miri. N ko n ni hɛnkilimayɛ anubɛ kuntanyɛ dan-nafarɛ lɔn. N ya wo bɛɛ lakɔrɔsi. Wo mani de iko mɔgɔ wa a fɔ ko a ye fɔnyɔ birala.

Makawandili Kumɛnu 1:2

Nde, karan-mɔgɔ ko duninya kɛ ragbɛlɛ. A ragbɛlɛ dɔgɔma-ma-de, ado a nya ti yen mumɛ!

Makawandili Kumɛnu 11:9

Wole fonikenu! Wo ni wo nyɛrɛ ladiya. Fananta i pose, i ni i tele kɛ. Ko-wo-ko di i ye, wo ma fasai! Kɔnɔ i miri de, lunyɛ do, i wara koe min bɛɛsi ma, fɔ Alla wa i kiti wonuna ko la.

Makawandili Kumɛnu 2:11

Wo kɔma, n sigira. N ya n miri n kɛ-nya kɛ bɛɛ ma. N ya n miri nna sɛbɛ-don fanan ma koe kɛ bɛɛ ma-tinɛ. Kɔnɔ a laban, n ya wo bɛɛ yen ko a ragbɛlɛ! Wo mani de iko mɔgɛ tenbi fɔnyɔ birala. Fenfen sa duninya rɔ min si ko-nyinya mɔgɔ ma.

Makawandili Kumɛnu 4:4

N bara a lɔn gbɛ, mɔgɛ bɛɛ sɛbɛ donnɛ wɔlɛ ma minna ko la. Ni i ya mɔgɔ-sɛbɛ-donnɛ yen, a sɔgɛ le a la, a ni tenbi a sigi-nyɔgɛ la. Hali wo, wo fanan tagbɛlɛ. Wo mani de fanan iko mɔgɔ tenbi fɔnyɔ birala.

Makawandili Kumɛnu 5:18

N ya kɛ le dɔrɔn yen duninya ma min kin. Alla ara wati-kundu-nɛ min di mɔgɛ ma duninya kɛ rɔ, a fisa, a ni fen dɔn ka a min ka sewa a bolo-fen-sɔrɔnnɛnu tɔ. Duninya damɛ le wo la.

Makawandili Kumɛnu 6:2

Alla si nɔnfulu-tigiyɛ anubɛ gbiliyɛ latɛgɛ mɔgɛ do ma, ado a nyinita fenfen ma, a si wo sɔrɔn. Kɔnɔ Alla ti a ma, mɔgɛ wo ni ala nɔnfuli wo diya bɔ fɔ mɔgɔ-gbɛrɛkɛ! Wo ragbɛlɛ, ado a ma telen.

Yɛrɛmaya 2:20

Wo Tigi Mari ko wo ara wo kan-kɔ sɔ ata Mariyɛ la bi-ko-ma! Yili min sɔnɛ wo la, wo ya wo ratɛgɛ. Wo ya a fɔ ale, Mari ye ko wo ti ala kumɛ bira hali ka a bato, ado wo ye bɛsɛnu kɔla kɔnkɔ-layan-bɛnu kuma anubɛ kɔlɔma-kuru-wɛnu kɔrɔ bɛsi-fuyinu kɔ-tinɛ. Wo ma telen ale, wota Mari ye iko musi-yɛlan.