Makawandili Kumɛnu 6:2 - ALLALA KUMƐ

² Alla si nɔnfulu-tigiyɛ anubɛ gbiliyɛ latɛgɛ mɔgɛ do ma, ado a nyinita fenfen ma, a si wo sɔrɔn. Kɔnɔ Alla ti a ma, mɔgɛ wo ni ala nɔnfuli wo diya bɔ fɔ mɔgɔ-gbɛrɛkɛ! Wo ragbɛlɛ, ado a ma telen.

Makawandili Kumɛnu 6:2 ပူးပေါင်းရင်းမြစ်များ

1 Mansɛnu 3:13

Hali i ma n manyinika fan minnuna ko ma, n si wonu fanan di i ma, fen-tigiyɛ anubɛ gbiliyɛ, kɔni. I nyɔgɔn-takɛn ti taran mansɛnu tɛma i siyi-tele-bɛɛ kɔrɔ.

1 Ko-Kɔrɔta-Karan 29:25

Mari ya a ma, Isirɛla mɔgɛ bɛɛsi kawara Mansa Silamɛni ma. Mari ya a ma fanan, ala mansaya-sɛnbɛ koloyara Isirɛla mansɛ bɛɛtɛ ko minnu bara mansayɛ kɛ fɔlɔ nun.

1 Ko-Kɔrɔta-Karan 29:28

A kɔrɔyara kɔbɔkɔbɔ, a nara to so-sɛgi-kɛla. A ya so-sɛgi-kɛ fen-tigiyɛ anubɛ gbiliyɛ rɔ. Ala den Silamɛni sigira a gbɛ rɔ.

2 Ko-Kɔrɔta-Karan 1:11

Alla ya a fɔ ale Mansa Silamɛni ye ko, “I wara ko-kɛndɛ le yabɔ wo la. I ma nɔnfuli manyinika n bolo anubɛ fen-kolomɛnu. Wo kɔma, i ma n manyinika gbiliyɛ anubɛ i yogenu halaki-koela ko la. Hali, simayɛ, i ma n manyinika wola ko ma. I wara hɛnkilimayɛ anubɛ ko-kɔrɔ-lɔn manyinika alako i ni nna mɔgɛnu bira boloko-nyimɛ-kɛ. I ma kɛ fenfen manyinika min kɛ,

Yaburi 17:14

I ni nde lakisi bana wonu ma, fen bi min bolo duninya kɛ dɔrɔn tɔ. Tɔrɔya-dagɛ min siginɛ i bolo, anu tɔrɔ wo la. Tɔrɔyɛ wo kana dan anu denu dɔrɔn ma. Hali anuna dannu anubɛ anu mamanɛnu ni do sɔrɔn a rɔ.

Yaburi 39:6

A si sama iko ninɛ. Hadama-dan ye koe min bɛɛsi mala, fu le wo la ile yala. Hali a ya nɔnfuli ladɛn bui, mɔgɔ-wo-mɔgɔ ma a lɔn wo ye a labanna min bolo.

Yaburi 73:7

Wunduyogoyɛ ye tugula anu yisi rɔ iko yi. Anu kunyɛ lafanɛ yanfanteyɛ la.

Makawandili Kumɛnu 4:4

N bara a lɔn gbɛ, mɔgɛ bɛɛ sɛbɛ donnɛ wɔlɛ ma minna ko la. Ni i ya mɔgɔ-sɛbɛ-donnɛ yen, a sɔgɛ le a la, a ni tenbi a sigi-nyɔgɛ la. Hali wo, wo fanan tagbɛlɛ. Wo mani de fanan iko mɔgɔ tenbi fɔnyɔ birala.

Makawandili Kumɛnu 4:8

Mɔgɛ do ye nyɔ, a kelan le siginɛ. Den sa a bolo, ado a na-kelen-nyɔgɔn sa. A sɛbɛ donnɛ wɔlɛ ma bɛrɛbɛrɛkɛ kɔnɔ a ye fan minnu sɔrɔnna, wonu ti a wasa. A ye wɔli-belebele wo kɛla yonna ko la ka a kan-kɔ sɔ nyɛrɛ-ladiyɛ la? Mɔnima-wɔli-su wo ragbɛlɛ de!

Makawandili Kumɛnu 5:13

N bara ko kelen de yen duninya ma, min ma kin hali doni bɛrɛn. Mɔgɛ do si a raya ka nɔnfuli lamara a nyɛrɛ ye sinanna ko la.

Makawandili Kumɛnu 5:16

Iko n ya a fɔ nya min, ko le kɛ la min ma kin duninya ma. Mɔgɛ ye wɔli-su min bɛɛ kɛla fɔnyɔ-gbansanna ko la, nfen tɔnɛ ye wo la? Mɔgɛ nara nya min, a ye sɛgila wo nya na le.

Makawandili Kumɛnu 5:18

N ya kɛ le dɔrɔn yen duninya ma min kin. Alla ara wati-kundu-nɛ min di mɔgɛ ma duninya kɛ rɔ, a fisa, a ni fen dɔn ka a min ka sewa a bolo-fen-sɔrɔnnɛnu tɔ. Duninya damɛ le wo la.

Makawandili Kumɛnu 5:19

Ni Alla ya nɔnfulu-tigiyɛ latɛgɛ mɔgɛ ma, ado a ni a ma, a ni ala nɔnfulu-tigiyɛ wo diya bɔ, mɔgɛ wo ni baraka bira a ye ka sewa a bolo-fen-sɔrɔnnɛ wonu tɔ. Kɔ-fan le wonu na ka bɔ Alla bolo.

Aiseya 55:2

I si wodi labɔ fan dola ko rɔ min ti i fa? I si i sara-kunyɛ lagbana, kɔnkɛ ni to i niginigila? Ni wo ya wo tole masɔ ale Mari la, wo si to fen-diyamɛnu dɔnna. Dɔn-fan min bi i sɔndɔmɛ wasala, i si to wo dɔnna.

Nimisa Koe 5:2

I ya ma halala-dugi don sibolo-gbɛrɛnu bolo kaka. Mala bɔnnu fanan bi anu bolo.

Daniyɛli 5:18

“Alla Min Bi Fan Bɛɛ Kun Na, wo ya i fa Nɛbukanasa ma mansa-sɛnbɛ-tigi la. A ya a ma, mɔgɛnu ya a matɔgɔ ka a gbiliya.

Hoseya 7:9

Sɛnbɛ sa wo bolo tun bawo wo ara wo dun sundan wonu na. Sundan wonu bi wo tabundenna kɔnɔ wo sa wo kalama.

Tɔn-Fɔɛ-Fila-Nyɔgɛ 28:33

Wo wa ban tɔrɔ-dɛgbɛ kɛla sɛnɛ minnu na, sibolo-gbɛrɛkɛ-mɔgɛnu si na sɛnita-fan wonu bi ka ta a la anu bolo pon! Woleta tɔnɛ si ma tɔrɛ anubɛ bosɛ la.

Tɔn-Fɔɛ-Fila-Nyɔgɛ 28:43

“Sundan minnu bi wo tɛma, wonu fanka si koloya wotɛ ko, wole fanka ma si to yigila doni-doni!

Kɛlɛ-Kurugbɛnu 18:10

Ma si ta wonu natɛrɛna nyɔ rɔ. Anu ti ko-wo-ko lɔn a rɔ. Nyamanɛ wo kolo dɔgɔma-ma-de! Mɔgɛ ye fenfen nyinina duninya rɔ, wo ye nyɔ. Alla ara nyɔ don ma bolo.”