Makawandili Kumɛnu 6:12 - ALLALA KUMƐ

¹² Yon si mɔgɔ-munanfaga-koe lɔn duninya kɛ rɔ min tagbɛlɛ? Bawo mɔgɔ siyi-tele kunduyani de iko ninɛ. Yon si i kan-kɔma-koe lɔn duninya kɛ rɔ ni i fagara?

Makawandili Kumɛnu 6:12 ပူးပေါင်းရင်းမြစ်များ

1 Ko-Kɔrɔta-Karan 29:15

E, Mari, i ya a lɔn ko sundan le ma la duninya kɛ rɔ yan iko ma benbanu bi nya min nun. Saya masangba tina sa ma bolo. Ma ye yan iko ninɛ.

Yobu 14:2

Anu si koloya kɔnɔ anu ti mɛ. Anu ma si fɔsɔ iko kɔn-fere. Iko ninɛ, anu si tunu yen!

Yobu 14:21

Mɔgɛnu si to furi wola dan matɔgɔla kɔnɔ aleta sa wo rɔ. Hali ala dan miliyara, ale sa wo kalama.

Yobu 8:9

bawo male sɔrɔn-san le, ado ma hɛnkili dafani ma. Maleta wati manɛ tele-dande la duninya kɛ rɔ iko ninɛ si tenbi nya min.

Yaburi 102:11

N siyi-fɛ ara wuruya iko wurala-ninɛ. N bara gbala n kin kun na iko bin-gbalɛ.

Yaburi 109:23

A ara to sɛ, n bara-koe ni ka-a-la iko wurala-ninɛ. Fɔnyɔ ye tala n na iko kɔinkian.

Yaburi 144:4

Hadama-dan-niyi mani de iko ni-lafɛ kelan i yala. A si tunu yen, iko ninɛ.

Yaburi 16:5

Ile Mari ye n bolo min kɛ, fan bɛɛ ye n bolo worɔ. N makoe ye fan min bɛɛ la, ile le ye wonu dila n ma. Hali n si fan min bɛɛsi sɔrɔn yarɔ, wo bɛɛ ye ile ma.

Yaburi 17:15

Kɔnɔ sɔn sa n na min kɛ, fɔ n ba i yen. N ba n yɛ laka, i yen-koe si a diya don n tɔ.

Yaburi 4:6

Mɔgɔ-siyaman kɛnɛna a fɔla ko, “E, Mari, a ma, ma ni sabati tun. I ni ko-nyimɛnu kɛ ma ye.”

Yaburi 47:4

Male, a diyana-mɔgɛnu bi sigila nyamanɛ min tɔ, ale le ya wo yabɔ ma ye. Nyamanɛ wo, a diyana-mɔgɛnu bi anu wasila wo le la.

Yaburi 89:47

N siyi-fɛ wuruyanɛ ye nya min, i fonde lamiri wo ma. Fenfen ma male, hadama-dannu na iko i ya ma ladan nya min.

Makawandili Kumɛnu 10:14

ado kun-takolɔnla kuma siya. Mɔgɔ-wo-mɔgɔ ti a lɔn koe minnu bi nala mala a la yarɔ ma, ado mɔgɔ-wo-mɔgɔ ti ke a fɔla a ye min bi nala mala a kɔma.

Makawandili Kumɛnu 12:13

N bara ban kɛ bɛɛ fɔla nkɛkuna, kuma kelen de tonɛ n bolo gbɛ! I ni kilan Alla la ka to ala tɔnnu birala bawo Alla ya ma ladan wo lela ko la.

Makawandili Kumɛnu 2:24

Min fisa, fɔ mɔgɛ ni to fen-dɔn anubɛ minnɛ kun na alako a ni a nyɛrɛ ladiya ala fen-sɔrɔnnɛ rɔ. Kɔnɔ hali wo, wo bɛɛ bɔnɛ Alla le bolo

Makawandili Kumɛnu 2:3

N ya a latɛgɛ n yisi rɔ, n ko n ni n to baan ma ha n kun ta ni fin kɔnɔ n hɛnkili ye nyɔ wo bɛɛ rɔ. Nde ya a lɔn ko ma siyi-fɛ ma yan min kɛ, kɛ ko-sufa le si a ma, mɔgɔ ni taran a diya wati-kundu-nɛ wo kɔrɔ.

Makawandili Kumɛnu 3:22

N ya wo damasi lakɔrɔsi. N ya min yen a rɔ, a fisa, mɔgɛ ni a nyɛrɛ ladiya a bolo-fannu tɔ bawo duninya damɛ le wo la. Koe min bi nala mala male la lakira, mɔgɔ-wo-mɔgɔ ti ke wo rakaranna i ye.

Makawandili Kumɛnu 6:11

I ye tola sɔsɔli sala nya min, i la ye tola fɛyala wo nya na le, ado ala ban si gbɛlɛya i kuma.

Makawandili Kumɛnu 7:15

Hali duninya ragbɛlɛ, n bara koe bɛɛ rayen n yɛ la. Lunyɛ do, mɔgɔ-nyimɛ si faga, hali a telennɛ, karagbɛlɛ ni to a niyi la, hali a wunduyogo.

Makawandili Kumɛnu 8:13

Karagbɛlɛnu sa Alla gbiliyala min kɛ, anu bara-koe ti ta a kilɛ fɛ. Anu siyi-tele ti yanya iko ninɛ.

Makawandili Kumɛnu 8:7

Koe min bi nala mala mɔgɛ la yarɔ ma, mɔgɔ ti ke a lɔnna, ado mɔgɔ sa nyɔ min si ke wo fɔla a ye.

Makawandili Kumɛnu 9:6

Mɔgɔ-faganɛ wo ti mɔgɔ keni tun, a ti mɔgɔ kɔn tun, a ti mɔgɔ makeliya tun. A mako sa duninya ko-nya fenfen na wo rɔ tun.

Makawandili Kumɛnu 9:9

Wobɛ i diyana-musi ni taran wo diya tolon! I ni to kɛnu kun na i siyi-tele-bɛɛ kɔrɔ bawo duninya ragbɛlɛ. Mɔgɛ ni to a nyɛrɛ ladiyala tele-ragbɛlɛyani kɛnu tɔ bawo tɔnɛ dama-damɛ le wo la.

Maika 6:8

Nɛbi Maika ko, “Ma si min ma wona, Mari ara wo fɔ ma ye nun. A ye nyinina minnu ma ma bolo, wo le kɛnu na. A dabira fɔlɔtɛ, a ko ma ni ko-latelennɛ kɛ. A fila nyɔgɛ, ma ni ma nyɔgɔn keni anubɛ Alla. A sawa nyɔgɛ, ma ni Alla diyana-koenu kɛ gbiliyɛ rɔ.

Yemesi 4:14

Wo ma a lɔn defan, wo niyi si ma nya min sina! Wo mani de iko duri min si yigi ka wati-ni bɔ, wo kɔma, a ni tunu yen!