Makawandili Kumɛnu 5:13 - ALLALA KUMƐ

¹³ N bara ko kelen de yen duninya ma, min ma kin hali doni bɛrɛn. Mɔgɛ do si a raya ka nɔnfuli lamara a nyɛrɛ ye sinanna ko la.

Makawandili Kumɛnu 5:13 ပူးပေါင်းရင်းမြစ်များ

Ko-Dabirɛnu 14:16

Kɛlɛ tara mɔgɛnu bolo-fan minnu na, Burama ya wonu bi anu bolo. A nara a kɔrɔla den Lɔti la anubɛ ala denbayɛ anubɛ a bolo-fannu. Kɛlɛ ya mɔgɔ-gbɛrɛ anubɛ musi minnu bira, a nara wonu fanan na.

Ko-Dabirɛnu 19:14

Lɔti bɔra ka ta a fɔ a birannu ye minnu bara ala dunmusu filɛ mabira nun ko, “Wo ni wo bɔ yan soe kɛ burɔ kamasɔrɔn Mari si soe kɛ halaki.” Anu ya a lɔn nun ko a ye yokaliyɛ le la.

Ko-Dabirɛnu 19:26

Kɔnɔ Lɔtila musi ya a yɛ lasɛgi a kɔma kilɛ la. Woletɔ a yɛlɛmanta kɔgɔ-gbu-gbilɔn-bɛ la.

Yobu 20:20

Ala kɔrɔndiyɛ ti a wasa. A ma ke wonu fenfen namarala.

Hɛnkilimaya-Kumɛnu 1:19

Kankan tɔgɔ si to kankanyɛ le la. Karagbɛlɛnu fanan si ban wo nya na le.

Hɛnkilimaya-Kumɛnu 1:32

Mɔgɔ-rakolɔnnu bi fagala bawo anu bi anu banna hɛnkilimayɛ la. Hɛnkilimayɛ bɔrɔ sa kun-takolɔnnu ye min kɛ, anu bi anu nyɛrɛ kasarala wo le ma.

Hɛnkilimaya-Kumɛnu 11:4

Mari wa wuli mɔgɔ kitila, nɔnfuli ti a dɛnbɛ wulɔn kɔnɔ ko-telenni-kɛ si mɔgɔ kisi sayɛ ma.

Hɛnkilimaya-Kumɛnu 23:4

Ila hɛnkili lawɔli alako i kana i nyɛrɛ tinya nɔnfulu-nyini-tinɛ.

Hɛnkilimaya-Kumɛnu 27:24

bawo wodi ti a laban mɔgɛ bolo. Hali kun-tigiyɛ fanan ti a laban.

Makawandili Kumɛnu 4:8

Mɔgɛ do ye nyɔ, a kelan le siginɛ. Den sa a bolo, ado a na-kelen-nyɔgɔn sa. A sɛbɛ donnɛ wɔlɛ ma bɛrɛbɛrɛkɛ kɔnɔ a ye fan minnu sɔrɔnna, wonu ti a wasa. A ye wɔli-belebele wo kɛla yonna ko la ka a kan-kɔ sɔ nyɛrɛ-ladiyɛ la? Mɔnima-wɔli-su wo ragbɛlɛ de!

Makawandili Kumɛnu 5:14

Wo kɔma, a ni nɔnfuli wo don fan do rɔ, fan wo ni kasara a ma, a bolo-kolɔn ni to gbɛ! Hali a si min sigi ala dan ye, wo sa!

Makawandili Kumɛnu 8:9

N ya n hɛnkili lamiri duninya-koenu kɔrɛ-lɔn-koe ma wati min, n ya ko kelen de yen. Wo le, sɛnbɛ ye mɔgɛ do bolo, a kɔrɔ-mɔgɛnu tɔrɔnɛ a bolo.

Aiseya 2:20

Tele wo wa ke tumɛ min, anuna bɛsɛ minnu nadannɛ sɛnɛ anubɛ wodi-gbɛ la, mɔgɛnu si wonu nakɛ a rɔ. Anu si wonu to tula-gbɛnu anubɛ tosɛnu ye.

Sɛfanaya 1:18

Mari fonde ye bɔla tele min ma bɛrɛbɛrɛkɛ, mɔgɛnuna sɛnɛ anubɛ wodi-gbɛnu ti anu bɔ tɔrɔyɛ wonu tɔ wo wulɔn-tele rɔ. Marita diminyɛ si ma iko tɛ ka duninya kɛ bɛɛ mintan. A si duninya-mɔgɛ bɛɛ lato nya-kun-kelen dogbe!

Luka 16:19

“Nɔnfulu-tigi do ye nyɔ nun min fɛrɛya bɔnɛ kura-da-gbɛlɛnu na. Tele-wo-tele, a si to dɔn-fen-nyimɛ dɔnna.

Luka 19:8

Sakiyasi ya a lasɔ ka a fɔ Mari ye ko, “N tigi, i wɔlɔ matɔlɔ! N si nna nɔnfulu-talɛ di bolo-kolɔnnu ma. N bara fen bɔ minnu bolo kensunteyɛ la, n si wo nyɔgɔn nani lasɛgi wo tiginu ma tun.”