Makawandili Kumɛnu 5:11 - ALLALA KUMƐ

¹¹ Ila nɔnfuli ye siyayala nya min, a dɔnnɛnu bi siyayala wo nya na le. Tɔnɔ-nyamintan bi nɔnfulu-tigiya-su wo la, fɔ yala-tɔnɛ dɔrɔn?

Makawandili Kumɛnu 5:11 ပူးပေါင်းရင်းမြစ်များ

Ko-Dabirɛnu 12:16

A ya Burama rabira a kin na Sirayila ko la. Ale mansɛ ya yɔɔnnu di Burama ma anubɛ sagɛnu anubɛ ninkinu anubɛ sofɛlɛnu anubɛ nyomɛnu.

Ko-Dabirɛnu 13:2

Nɔnfulu-tigi le Burama la nun. Kolo-fannu anubɛ wodi-gbɛ anubɛ sɛnɛ ye a bolo duk!

Hɛnkilimaya-Kumɛnu 23:5

Ni i ya wo ma, ila wodi si gban i bole tɔ iko kokɛ si gban nya min ka ta a ye pon!

Makawandili Kumɛnu 11:9

Wole fonikenu! Wo ni wo nyɛrɛ ladiya. Fananta i pose, i ni i tele kɛ. Ko-wo-ko di i ye, wo ma fasai! Kɔnɔ i miri de, lunyɛ do, i wara koe min bɛɛsi ma, fɔ Alla wa i kiti wonuna ko la.

Makawandili Kumɛnu 2:9

Kɛnu denu ya a ma, n sɛnbɛ makofura ka tenbi Yerusalɛm-sigila-kɔrɛ bɛɛ la, ado nna hɛnkilimayɛ ma n baya.

Makawandili Kumɛnu 5:12

Wɔli-kɛlɛ ya fen-ni dɔn wo, a ya fen-ba dɔn wo, a si kinɔgɔ a diya. Kɔnɔ hali nɔnfulu-tigi ya fen-diyamɛ bɛɛ dɔn, a ti kinɔgɔ a fanbolo.

Makawandili Kumɛnu 6:9

Wo ragbɛlɛ. Wo mani de iko mɔgɛ tenbi fɔnyɔ birala. Yanni mɔgɔ yɛ ni to bɔla fan bɛɛ la tuma-wo-tuma, a fisa, min bi a bolo, wo ni a hɛnɛ.

Yɛrɛmaya 17:11

Kona wa kɛwɔli do latii ale ma min sa, wo mani de iko mɔgɛ wa ma-a-la kensunteyɛ rɔ. Mɔgɛ wo siyi wa tala a tɛma, ala nɔnfuli bɛɛ si ban. Yanni a siyi ni ban, bɛɛ si a lɔn kuntan la.

Habakuku 2:13

Wo ya mɔgɛ minnu bira kɛlɛ rɔ, wo ya anu fɛrɛ tinya wɔli-fufafui kɛla wo ye. Wonu ya fan min bɛɛsi ladan wo ye, tɛ si wonu ban fegba! Mari Sɛnbɛ-Bɛɛ-Tigi le ye wo mala.

1 Yɔni 2:16

Fɛrɛ-bɔnku-nata wo, mɔgɛnu yɛ si bɔ min na wo, min sɔgɛ si mɔgɛ bira wo, anubɛ fenfen min bi duninya kɛ rɔ, kɛ fenfen ma bɔ ma Fa Alla bolo. Mɔgɛnu wasinɛ wonuna ko la. Duninyatɛ le kɛ bɛɛ la.