Makawandili Kumɛnu 5:1 - ALLALA KUMƐ

¹ A ma i fɛrɛma Alla Bato-Bɔn la. Yanni mɔgɛ ni kuntanya-sarakɛnu bɔ nyɔ iko kuntan donu bi a mala nya min, a fisa, a ni ta nyɔ ka hɛnkili sɔrɔn bawo kuntan wonu ma a lɔn ko anu bi ko-yogomɛ le kun na.

Makawandili Kumɛnu 5:1 ပူးပေါင်းရင်းမြစ်များ

2 Ko-Kɔrɔta-Karan 26:16

Mansa Yusaya ya sɛnbɛ sɔrɔn mansayɛ rɔ wati min, a wasira. Wo le ya a bɔ mansayɛ la. Bawo a ma bɛn, ale nyɛrɛ ni ta ata Mari Alla Bato-Bɔn la ka isɛnti mintan nyɔ kɔnɔ ale le bilara Mari la wola ko la.

Yobu 22:12

Alla min siginɛ san-kole rɔ pon, male ye lole minnu yenna san ma, ale ye a kolan layigila lole wonu ma.

Yaburi 89:7

Arinyɛnɛ kun-tiginu-nadɛnnɛ si kawa i ma. Anu dama si anu bole sa anu dɛ la.

Bɔ-Koe-Iyipiti 3:5

Alla ko, “I kana i madon yan na. Ila sanbarɛ bɔ i kian rɔ kamasɔrɔn i sɔnɛ kan tinɛ min tɔ kɛ la, dugu-sɛnimɛ le wo la.”

Bɔ-Koe-Iyipiti 30:18

“Wo ni yi-sigi-miran anubɛ a sigi-fan ladan silɛɛ la ku-kɛ-koela ko la. Wo ni a sigi nta Fani-Bɔn anubɛ saraka-mintan-tinɛ tɛma. Wo ni a lafa yi la.

Hɛnkilimaya-Kumɛnu 10:19

Kuma-pɔrɔtɔ-parata-fɔɛ si mɔgɛ don hakɛ rɔ kɔnɔ ni min kunta a dɛ ma, hɛnkilimɛ le wo la.

Hɛnkilimaya-Kumɛnu 15:8

Hali karagbɛlɛla sarakɛ, Mari ti sɔn a la kɔnɔ mɔgɔ-latelennɛ tenbi a madiyala, wo di ale Mari ye kosɛbɛ!

Hɛnkilimaya-Kumɛnu 21:27

Karagbɛlɛla saraka-bɔɛ ma di Mari ye katarala ni ko-yogoma-kɛ-sɔgɛ tonɛ a yisi rɔ.

Aiseya 66:3

Minnu bi turɛ fagala sarakayɛ la, wonu manɛ ale Mari yala iko mɔgɔni-gbu-fagalɛ. Minnu bi sagɛ fagala sarakayɛ la wonu manɛ fanan iko minnu bi wuli-kan kerila. Minnu bi fui-fan mala sarakɛ la wonu mani de iko minnu bi ale Mari kɔla kɔsɔ-yele rɔ. Minnu bi isɛnti mintanna sarakayɛ la wo, minnu bi bɛsɛ kɔla wo, fen kelen de wonu na ale Mari yala. Mɔgɛ kɛnu bi anu nyɛrɛ sɔndɔmɛ le fɛ, aleta ma de! Anu bi kisimiriya-koe min kun na, wonu di anu ye kosɛbɛ!

Saraka-Masɔlɛnuta Tɔnnu 10:3

Wo kɔma, Mari ya min fɔ nun, Musa fanan ya Aruna hɛnkili labila wo la ko, “Ni mɔgɔ-wo-mɔgɔ ye wɔlila Alla ye, fɔ wo tigi ni Marita sɛninya-koe mara bawo Mari ya a fɔ ko a si ata fanka yira ata mɔgɛnu na.” Kɔnɔ Aruna ma fenfen fɔ.

Kɛwɔlɛnu 10:33

Nba, n ya anu nata i ma kelenna, ado i na-koe kɛ ara i sɔn-nyimɛ yira n na. Awa kaka, Mari ara i sɔ min fɔ tinɛ, ma dama ye i makɔnɔna Mari Alla yakɔrɔ yan ka wo bɛɛ lamɔɛn.”

Kɛwɔlɛnu 17:11

Nyɔ-mɔgɛnu yisi lakanɛ ka tenbi Tɛsalonaika kɛnu na. Anu ya anu tole masɔ Allala kumɛ la a kin na! Tele-wo-tele, anu bi Allata kitabu fɛsɛfɛsɛla ka a lɔn ni Pɔlita karan le tonyɛ la serr!

1 Kɔrɛnti 11:22

Bon sa wo bolo wo si fen-dɔn kɛ kan min ka wo min, wa? Ka, a di wo ye, Allala chɔchi la ni fɛya ka bolo-kolɔnnu namiliya, wa? Wo miriya ye kama? N si nfen fɔ wola ko la? N ni wo matɔgɔ, wa? Ade, n ti wo matɔgɔ mumɛ!

Hiburunu 10:26

Ma ara ban tonyɛ lɔnna tumɛ min, ni ma ya a lawuli a ma ka to hakɛ kɛla, hakɛ-ban-saraka sa nyɔ tun mumɛ!

Yemesi 1:19

N diyana-mɔgɛnu, wo ni wo hɛnkili to kɛ ko! Mɔgɛ bɛɛ ni a kaliya ko-lamɔɛnna kɔnɔ a kana kuma yona. A kana diminya yona,

Yasowa 5:15

Marila kɛlɛ-den-kun-tigi ya a fɔ a ye ko, “Ila sanbarɛ bɔ i kian rɔ. I sɔnɛ kan min wo la, dugu-sɛnimɛ le wo la.” Yasowa ya a ma iko kei wo ya a fɔ a ye nya min.