Makawandili Kumɛnu 4:8 - ALLALA KUMƐ

⁸ Mɔgɛ do ye nyɔ, a kelan le siginɛ. Den sa a bolo, ado a na-kelen-nyɔgɔn sa. A sɛbɛ donnɛ wɔlɛ ma bɛrɛbɛrɛkɛ kɔnɔ a ye fan minnu sɔrɔnna, wonu ti a wasa. A ye wɔli-belebele wo kɛla yonna ko la ka a kan-kɔ sɔ nyɛrɛ-ladiyɛ la? Mɔnima-wɔli-su wo ragbɛlɛ de!

Makawandili Kumɛnu 4:8 ပူးပေါင်းရင်းမြစ်များ

Ko-Dabirɛnu 2:18

Mari Alla ko, “Kei kelan ma bɛn. N si a dɛnbɛnɛ dan a ye, anubɛ min si bɛn.”

Yaburi 39:6

A si sama iko ninɛ. Hadama-dan ye koe min bɛɛsi mala, fu le wo la ile yala. Hali a ya nɔnfuli ladɛn bui, mɔgɔ-wo-mɔgɔ ma a lɔn wo ye a labanna min bolo.

Yaburi 39:7

Mari, yigi-mintan bi n bolo gbɛ? N yigi bɛnnɛ ile le ma gbɛ!

Hɛnkilimaya-Kumɛnu 27:20

Ni kanbɛ si wasa, mani hadama-dan si wasa.

Makawandili Kumɛnu 1:13

N ya n nyɛrɛ to karan ma alako koe min bɛɛsi ara ma duninya rɔ, n ni wo bɛɛ kɔrɛ lɔn. N bara a yen ko Alla ara dunu-belebele-wɛ le sigi ma kuma kɛ la.

Makawandili Kumɛnu 1:8

Dan sa a la. Dɛ ti ban kumala. Yɛ ti wasa ko mafɛlan la. Tolo-bɛrɛn ti bandan kuma-lamɔɛn la.

Makawandili Kumɛnu 2:21

I ni tɔrɔ fan nyinina i hɛnkili anubɛ ila ko-kɔrɔ-lɔn anubɛ ila kusanyɛ la kɔnɔ tɔ-a-la, wo ni ta to mɔgɛ do ye min ma tɔrɔ a la. Wo ragbɛlɛ, ado a ma telen.

Makawandili Kumɛnu 2:23

Fananta i ye i niyi la, i ya ko-wo-ko ma, wo ti fenfen nyinya i ma fɔ yisi-gbalɛ anubɛ mɔnɛ. Hali i sanɛ suyi rɔ, i yisi ti kimɛ. Wo bɛɛ ragbɛlɛ!

Makawandili Kumɛnu 4:7

Wo kɔma, n ya ko-ragbɛlɛyanɛ do yen tun duninya rɔ.

Makawandili Kumɛnu 5:10

Ni nɔnfuli diyara mɔgɔ-wo-mɔgɔ ye bɛrɛkɛ, nɔnfuli ti wo wasa mumɛ! Nɔnfulu-tigiyɛ diyara mɔgɛ min ye wɛ kɛ, hali wo ya nɔnfuli sɔrɔn duk, wo ti a wasa. Kɛ bɛrɛn tagbɛlɛ.

Makawandili Kumɛnu 5:9

Hali mansɛ min bi anu bɛɛ kun na, wo fɔlɔn yili-madiyanɛ sɛni-salɛnu bolo-fannu denu kuma.

Aiseya 5:8

Gbalo ye wo ma bawo wo ye wola wɔli-kɛ-tinɛnu anubɛ wola bɔnnu makofula. A ti mɛ tun dugi ti taran mɔgɔ-gbɛrɛkɛ ye yan, fɔ wo kelen pe min bi tola nyamanɛ kɛ rɔ.

Aiseya 55:2

I si wodi labɔ fan dola ko rɔ min ti i fa? I si i sara-kunyɛ lagbana, kɔnkɛ ni to i niginigila? Ni wo ya wo tole masɔ ale Mari la, wo si to fen-diyamɛnu dɔnna. Dɔn-fan min bi i sɔndɔmɛ wasala, i si to wo dɔnna.

Matiyu 11:28

“Min bɛɛ ara bandan ala dunu-gbilimɛ kɔrɔ, wo ni na nde wara. N si sulen di wo tigi ma.

Luka 12:20

Kɔnɔ Alla ya a fɔ a ye ko, ‘Ile kuntan, bi suyi nyɛrɛ rɔ, wobɛ i niyi si fara wo nyɔgɔn na. Wo kɔma, i wara fan minnu namara i nyɛrɛ ye, wonu si ma yontɛ la gbɛ?’ ”

1 Yɔni 2:16

Fɛrɛ-bɔnku-nata wo, mɔgɛnu yɛ si bɔ min na wo, min sɔgɛ si mɔgɛ bira wo, anubɛ fenfen min bi duninya kɛ rɔ, kɛ fenfen ma bɔ ma Fa Alla bolo. Mɔgɛnu wasinɛ wonuna ko la. Duninyatɛ le kɛ bɛɛ la.