Makawandili Kumɛnu 4:13 - ALLALA KUMƐ

¹³ Yanni kina-kun-takolɔn ni ma mansɛ la, ado a ti sɔn a tole masɔla mɔgɔ la, kemini-mɛsɛ bolo-kolon-hɛnkilimɛ tenbira mansa-su wo la.

Makawandili Kumɛnu 4:13 ပူးပေါင်းရင်းမြစ်များ

Ko-Dabirɛnu 37:2

Yakoba anubɛ ala dannu wara-koe le kɛ la. Yusufu-sɔrɔn ya san tan-ni-wɔrɔnfila bɔ tumɛ min, a tora tala a kɔrɔnu fɛ minnu bi anu fala kolo-fannu kandanna. Biliha anubɛ Silipa, a fala musinuna solo-dununɛnu denu bi wonu nanu na nun. Yusufu taranta a kɔrɔnuna damayɛ kɛla anu fa ye.

1 Mansɛnu 22:8

Mansa Ehabu ya a fɔ a ye ko, “Mɔgɔ kelen bi yan, Imilala den Nɛbi Mɛkaya, kɔni. Kɔnɔ wo ma di n ye mumɛ bawo a ti wɔlɔyiya-kuma-wo-kuma fɔ n ye min di n tole la fɔ a yogomɛ gbansan!” Mansa Yɛhosafati ya Mansa Ehabu makawandi ko, “A ma bɛn, i ni kuma-sufa kɛ fɔ muk!”

2 Ko-Kɔrɔta-Karan 25:16

Mansa Hamasa ya nɛbi wola kumɛ tɛgɛ a da rɔ. A ya nɛbi wo manyinika, a ko, “Ha bi, nde ara i manyinika n makawandi-koe rɔ? A sigi-a-la don! Ni wo ma, n si i wara-koe ka-a-la.” Kɔnɔ yanni nɛbi wo ni a rade, a ya a fɔ ko, “Kaka, n bara a lɔn ko Alla ara ban a latɛgɛla ko a si i kasara ka a tɛgɛ i wara min ma kɛ la, ado i ma i tole masɔ nna makawandili-kumɛ la.”

Hɛnkilimaya-Kumɛnu 19:1

Yanni i ni to kumala iko kun-takolɔn, a fisa, i latelennɛ ni to bolo-kolonyɛ rɔ.

Hɛnkilimaya-Kumɛnu 28:6

Yanni i ni ma nɔnfulu-tigi la, i la ma telen, a fisa, i ni to bolo-kolonyɛ rɔ, i latelennɛ.

Makawandili Kumɛnu 4:12

Mɔgɔ filɛ si waan min ka kɛlɛ rɔ, mɔgɔ kelan ti ke wo kala. Yili-kolo sawɛ fugannɛ a nyɔgɔn ma, wo tɛgɛ ma di.

Makawandili Kumɛnu 7:19

Hɛnkilimayɛ si koe min nyinya mɔgɔ kelen ma, kun-tigi tan ti ke wo nyɔgɔ-sufa mala so-kun kelan ye.