Makawandili Kumɛnu 3:7 - ALLALA KUMƐ

⁷ Fen-tafara-wati ye nyɔ, fen-takara-wati ye nyɔ. Made-wati ye nyɔ, kuma-wati ye nyɔ.

Makawandili Kumɛnu 3:7 ပူးပေါင်းရင်းမြစ်များ

Ko-Dabirɛnu 37:29

Anu kɔrɔ sarɛ Rubɛn nara kɔlɔn dɛ la anu kɔma tumɛ min, a ma Yusufu taran kɔlɔn wo rɔ tun. Ala duruki min bi a kan na, a ya wo rafara mɔninyɛ bolo.

Ko-Dabirɛnu 37:34

Yakoba ya ala duruki rafara a kan na mɔninyɛ bolo ka kasa-kurɛ don a kan na. A mɛra ala dan dila.

Ko-Dabirɛnu 44:18

Yuda ya a madon Yusufu la. A ya a fɔ a ye ko, “E, n tigi, i si sɔn i wɔlɔ matɔlɔla n na? N ni kuma? Hali i manɛ iko mansɛ, i kana i fonde magboya n na.

Ko-Dabirɛnu 44:34

N si sɛgi kama n fa wara ni n dɔgɛ kɛ sa n fɛ? Nde ti ke tɔrɔya sufa wonu yenna sigila n fa la.”

2 Samuwɛli 1:11

Dawuda anubɛ ala kɛlɛ-dannu ya anuna durukinu tafara yisi-tinya bolo.

2 Samuwɛli 3:31

Dawuda ya a fɔ Yohabu anubɛ ala kɛlɛ-dannu ye ko anu ni di Abinala ko la. Anu ni anuna durukinu tafara ka kasa-duruki don. Anu bi tala Abina furi la furi-bi-fan kuma kaburu-soe la tumɛ min, Dawuda nyɛrɛ-nyɛrɛ bilara anu fɛ.

1 Mansɛnu 21:27

Mansa Ehabu ya Marita kumɛ wo lamɔɛn Nɛbi Ilaya bolo min kɛ, a ya ala duruki rafara yisi-tinya bolo ka kasa-kurɛ kiri a la. A ya a ban fen-dɔn-koe ma, a kira sani kasa-kurɛ wo kuma, ado hali a tenbi tagamana, a yisi magboyanɛ.

2 Mansɛnu 18:36

Kɔnɔ mɔgɛ wonu tadenɛ tora sɔni iko Mansa Hɛsakaya ya a fɔ anu ye nya min. Anu ma fenfen fɔ.

2 Mansɛnu 5:7

Isirɛla mansɛ wo ya kɛdi wo karan tumɛ min, a ya ala duruki rafara yisi-tinyɛ bolo. A ya a fɔ ko, “Siriya mansɛ kɛ mirinɛ ko kiraya-dandannɛ le nde la, wa? A miri le ko Alla le nde la, wa? Sɛnbɛ ye nde bolo ka mɔgɔ faga anubɛ ka furi niyi bila a rɔ? N bara a lɔn kɛ le ma ko n kɛlɛ-sɔgɛ ara a bira.”

2 Mansɛnu 6:30

Mansɛ ya kumɛ kɛ lamɔɛn nya min na, a ya ala duruki rafara a kan na. Mɔgɛ minnu bi mansɛ dafɛ, wonu ya a yen ko kasa-duruki le ala duruku-kɔrɔ-don la.

Ɛsita 7:4

bawo anu bara ban mabɛ nna mɔgɛnu kunyɛ donna bolo tɔ ka ma sugi lato. Ni a tonɛ yɔɔnyɛ gbansan le ma dɔrɔn, n ti wo fɔ i ye nun kɔnɔ anu bi nala ma ban tinɛ le kɛ la fegba!”

Yobu 2:13

Su wɔrɔnfila, tele wɔrɔnfila, anu siginɛ Yobu fɛ dugu ma nyɔ. Anu ma fɛrɛ sɔrɔn ka kirabɔ a la bawo ala dumɛ da rakolo.

Yaburi 39:2

Hali ko-nyimɛ wara-koe rɔ, n ma fenfen fɔ. N ya a sigi-a-la yen! Kɔnɔ hali wo, nna tɔrɔyɛ kuma-sara.

Makawandili Kumɛnu 3:6

Fen-nyini-wati ye nyɔ, a boloka-wati ye nyɔ. Fen-namara-wati ye nyɔ, a lakɛ-a-rɔ-wati ye nyɔ.

Aiseya 36:21

Kɔnɔ mɔgɛ wonu tadenɛ tora sɔni iko Mansa Hɛsakaya ya a fɔ anu ye nya min. Anu ma fenfen fɔ!

Yɛrɛmaya 36:24

Ale mansɛ anubɛ ala mɔgɔ-banu ya kɛ lamɔɛn min kɛ, anu yisi ma tɔrɔ. Anu ma kilan defan!

Yɛrɛmaya 8:14

Wole Yuda mɔgɛnu ko, “Nfenna ma siginɛ yan? Ma ni ma kundɛn wona. Tarɛ mininɛ soe minnu ma, ma ni ta faga nyɔ. Mata Mari Alla ara ma halaki-koe fɔ de! A ara ma dawari-yi-lafɛ rɔ bawo ma ara hakɛ kɛ ka bila a la.

Nimisa Koe 3:28

Mari tenbi mɔgɛ kɔrɔbɔla, a kin wo tigi-radenɛ ni a sigi don!

Yowɛli 2:13

Wo kana wola durukinu tafara yisi-tinya bolo tun kɔnɔ a ko wo ni tubi-yisi-bɛrɛbɛrɛ sɔrɔn. Wo ni wo ya-lamunun wota Mari Alla la bawo wo di a ye, ado a nyimayanɛ wo ye. A fonde ti bɔ yona, ado ala keninteyɛ kolo. A rabɛnnɛ wo makoto-koe la, wo tɔrɔ ko ma de!

Emɔsi 5:13

Bawo a ma-kunya sa wole, mɔgɔ-tɔrɔnɛnu bolo, wo ni wo rade ka wo munyu anu kɔrɔ.

Emɔsi 8:3

Wo tɔrɔya-tele wa ke tumɛ min, musinu bi sewa-sigi minnu sala mansɛta bɔn la nun, sigi wonu si yɛlɛma saya-di-kɛ-kan la. Anu si a fɔ ko, “Furinu bolokanɛ belenna kan tinɛ bɛɛ rɔ. Ma ni ma rade wona.”

Maika 7:5

Dannu si anu fanu lɔn yuwɛnu na. Den-sunkurɔnnu si tɛgɛ anu nanu tɔ kasikasi! Musunɛ minnu ba ta kei-wara-sigi rɔ, wonu si anu mamanu kɛlɛ. Kei bɛɛ yoge si ma ala bonna-mɔgɛ la. Wo ni a ma wo fɛrɛma kuma tinɛ. Wo kana wo kɔntɔ-koenu fɔ wo diyana-mɔgɛnu yala hali wola musinu.

Kɛwɔlɛnu 4:20

bawo male ara koe minnu tayen ka a lamɔɛn, a fɛrɛ sa fɔ ma ni wonu denu fɔ.”

Kɛwɔlɛnu 9:39

Woletɔ Pita wulita ka sɛgi anu fɛ. A kera tumɛ min, anu tara a la furi sanɛ kan min san-bɔn wo la. Kɛɛ-musi bɛɛ ya anu nadɛn Pita dafɛ. Anu bi Dɔrɔkasi dila kosɛbɛ! Ale Dɔrɔkasi ya duruku-kɔrɔ-donyɛ anubɛ duruku-wɛ minnu nadan a kɛndɛ tumɛ min, anu ya wo siyaman yira Pita la.

1 Samuwɛli 10:16

Sɔli ya a yabi ko, “A ya a fɔ ma ye le ko sofɛlɛ wonu bara yen.” Kɔnɔ Samuwɛli ya kumɛ min fɔ a la mansaya-koe rɔ, a ma wonu takaran a berin ye.