Makawandili Kumɛnu 3:11 - ALLALA KUMƐ

¹¹ A ara koe bɛɛ wati latɛgɛ a kilɛ fɛ. Alla ara habadan-ko-lɔn-koe sigi hadama-dan yisi rɔ kɔnɔ hali wo, ka a bi duninya dabirɛ ma ha duninyala ban, mɔgɔ ti ban Alla wara-koe lɔnna dɛnkɛninyɛ kɔma.

Makawandili Kumɛnu 3:11 ပူးပေါင်းရင်းမြစ်များ

Ko-Dabirɛnu 1:31

Alla ya fan min bɛɛsi dan duninya rɔ, a ya wonu mafɛlɛn. Wo ya a hɛnɛ feu! Suyi kera, bandɛ kara. Wo mara a tele wɔrɔ nyɔgɛ la.

Yobu 11:7

Ile si ke Allata gbundinu lɔnna, wa? Ile si ke Alla Sɛnbɛ-Bɛɛ-Tigi hɛnkili nya-yenna?

Yobu 37:23

Ma ti ke ma gbɛrɛnna Alla Sɛnbɛ-Bɛɛ-Tigi ma ka a tɛgɛ ata kabana-koe wonu ma. A telennɛ mɔgɛnu ye tede!

Yobu 5:9

Male ti Allata ko-makawanɛ-dan lɔn, ado ala kabana-koenu dan sa.

Yaburi 104:24

Mari, i wara fen-siyaman dan. Ita hɛnkilimayɛ le ya wo bɛɛ dan. Duninya lafanɛ ila nima-fannu na.

Hɛnkilimaya-Kumɛnu 16:4

Mari ya ko-wo-ko ma, wo ma-kɔrɛ ye nyɔ. Hali karagbɛlɛnu, a ye wonu namarala kiti-tɛgɛ-telela ko la.

Makawandili Kumɛnu 1:13

N ya n nyɛrɛ to karan ma alako koe min bɛɛsi ara ma duninya rɔ, n ni wo bɛɛ kɔrɛ lɔn. N bara a yen ko Alla ara dunu-belebele-wɛ le sigi ma kuma kɛ la.

Makawandili Kumɛnu 11:5

Ni mɔgɛ si a lɔn dan ye mala mɔgɛ la nya min a na burɔ, mani mɔgɔ si ke a lɔnna Alla ye min kun na bawo Alla le ye fan bɛɛ ladanna.

Makawandili Kumɛnu 7:13

I miri Allata kabana-koenu ma. Alla ara min tadu, yon si ke wo latelenna?

Makawandili Kumɛnu 7:23

N ya nna hɛnkilimayɛ lawɔli ka kɛ damasi lakɔrɔsi. N ya n taya ko n ni ma hɛnkilimɛ la kɔnɔ n ma ke,

Makawandili Kumɛnu 7:29

Kɔnɔ nde ya kɛ le dɔrɔn yen kɛ rɔ, Alla ya ma latelennɛ dan. A ma ma pirinkan. Male le wara ma nyɛrɛ pirinkan.

Makawandili Kumɛnu 8:17

n ti a lɔn Alla ye min kun na. Hali mɔgɛ ya a raya nya-wo-nya, a ti ban Alla wara-koe nya-yenna. Hali hɛnkilimɛ donu si a fɔ ko anu ya Alla wara-koe lɔn kɔnɔ anu foni.

Matiyu 11:27

“N Fa ara fan bɛɛ di n ma. Mɔgɔ-wo-mɔgɔ ma nde, Allala dan lɔn fɔ a Fa Alla. Mɔgɔ-wo-mɔgɔ ma n Fa Alla lɔn fɔ nde, ala dan anubɛ n bi a fɛ ka a yira minnu na.

Matiyu 13:22

Sugi min buira wɔnɛnu tɛma, wo mani de iko mɔgɛ min bi kumɛ lamɔɛnna kɔnɔ duninya-hɔn-koe anubɛ nɔnfulu-keni ya a ma, kumɛ wo fagara a yisi rɔ feu! A ti gbɔ hali!

Maraka 7:37

Min bɛɛ ya wo lamɔɛn, wonu kawara kati! Anu ko, “A ye koe bɛɛ kɛla a kin na! Hali tolo-gberannu, a ye wonu tole lakala ka bobenu nagan lafulen!”

Romu 1:28

A ma di anu ye, anu ni Alla lɔn a kilɛ fɛ min kɛ, woletɔ Alla ya anu to anuna kisimiriya-koe wonu tɔ, ado wo le ya a ma, anu ya ko-su wonu ma minnu ma bɛn mɔgɛnu tɛma mumɛ!

Romu 11:33

Allala nɔnfuli kolo de! Ala hɛnkilimayɛ anubɛ ata lɔnnɛ ti ban mumɛ! Yon si ke ata ko-latɛgɛnɛnu faranfasila? Yon si ke a miriyanu lɔnna?

Tɔn-Fɔɛ-Fila-Nyɔgɛ 32:4

“Wota farɛ le Mari la min ti bɔ a gbɛ rɔ. Fɛɛ sa ala ko-ladan-nya fenfen na. Latelen-mansɛ le ale la. A si ko-latelennɛ kɛ. A ti lafisayalɛ kɛ.