Makawandili Kumɛnu 2:8 - ALLALA KUMƐ

⁸ Nyamanɛ bɛɛ minnu bi nta sɛnbɛ kɔrɔ, n ya wonuna sɛnɛ anubɛ anuna wodi-gbɛnu nadɛn kan-tina-kelen n nyɛrɛ ye. Finabanu anubɛ yelebanu taranta n matɔgɔla. Keinu yɛ si bɔ musi minnu na, n ya wo siyaman nadɛn n nyɛrɛ ye.

Makawandili Kumɛnu 2:8 ပူးပေါင်းရင်းမြစ်များ

2 Samuwɛli 19:35

N bara san bi-segin bɔ, ado fenfen sa nyɔ min si a diya don n tɔ. Fenfen ma di n da rɔ. Hali anu bi sigi sala, n ti a lamɔɛn. Ni nde tara nyɔ rɔ, wo si ma dunu-belebele la ile mansɛ kuma.

1 Mansɛnu 10:10

Musu-mansɛ wo ya Mansa Silamɛni sanba kɛnɛ anubɛ dugu-kɔrɔ-nɔnfuli siyaman na. Wo kɔma, a ya sɛnɛ min di a ma, wo gbiliyɛ anubɛ fui-fan bɔrɔ bi-wɔrɛ rakɛn de! Ale Siba musu-mansɛ wo nara kɛnɛ min nyɔgɛ la mansɛ ye, mɔgɔ-wo-mɔgɔ ma ke nala wo nyɔgɛ la tun.

1 Mansɛnu 10:14

Yilanu taranta duti dila Mansa Silamɛni ma min kɛ, ale fanan bi tɔnɛ sɔrɔnna anuna yilayɛ fɛ. Arebiya mansɛnu bi a sanbala. Hali ata sigisɔn-mansɛnu minnu bi Isirɛla nyamanɛ rɔ, wonu bi hinala a la. Min sanɛ wo kuma, san-bo-san Mansa Silamɛni si sɛnɛ sɔrɔn minna gbiliyɛ anubɛ fui-fan bɔrɔ kɛmɛ sawa, bɔrɔ bi-sawa ani bɔrɔ sawa (333) rakɛn de!

1 Mansɛnu 10:21

Ala yi-lafɛnu anubɛ ala bonna-mirannu, wo damasi ladanta sɛnɛ le la. Ala bɔn min kelenɛ Lɛbanan Gbɔngbɔn Kɔlɔma Bɔn, miran minnu bi bɔn wo la, wo bɛɛ ladanta sɛnɛ le la. Anu ma miran-wo-miran ladan wodi-gbɛ la mansɛ ye bawo anu ma wodi-gbɛ lɔn fen-koloma la ata wati wo rɔ.

1 Mansɛnu 11:3

A ya mansa-den kɛmɛ wɔrɔnfila (700) furu. Wo kɔma, a ya musi kɛmɛ sawa (300) ma a fɛ-sigi-musinu na. Ala musu-siyamɛ wonu ya a ma, a ya a kan-kɔ sɔ Alla la.

1 Mansɛnu 14:27

A ya silɛɛnu nadan kɛlɛ-dan matanka-fannu na ka wonu ma sɛnɛ kɛlɛ-den matanka-fan wonu nyɔgɛ la. A ya wonu don a makandannɛnu bolo minnu sɔnɛ bolɔn wo dɛ la.

1 Mansɛnu 9:14

Mansa Hairam ya sɛnɛ min nata Mansa Silamɛni ma nun, wonubɛ fui-fan bɔrɔ bi-wɔrɛla gbiliyɛ rakɛn de!

1 Mansɛnu 9:28

Anu si ta kulɔn wonu na nyamanɛ do rɔ min tɔgɛ Ɔfiri. Anu bɔra sɛnɛ min na nyamanɛ wo rɔ, wola gbiliyɛ anubɛ fui-fan bɔrɔ kɛmɛ fila anubɛ bɔrɔ tan rakɛn de!

1 Ko-Kɔrɔta-Karan 25:1

Mansa Dawuda anubɛ Lifayi mɔgɔ-banu ya Lifayi bɔnsɔn-mɔgɛ donu yabɔ ka bɔ Esafi wo, Himan wo, anubɛ Yɛdutun kebilɛnu tɔ. Anu tenbi wɔlɔyiya-kumɛnu fɔla batoli-kɛ-tinɛ, wonu si siginu sa ka sɔrɔn anubɛ karanyanu fɔ. Sigi-salɛnu tɔgɛ le kɛnu na anubɛ anuna wɔli kɛ nya.

1 Ko-Kɔrɔta-Karan 25:6

Isirɛla mɔgɛnu tenbi batoli-kɛ-tinɛ, Himanta dan kɛnu bi karanya anubɛ sɔrɔnnu denu fɔla iko anu fa ye anu nabilala nya min. Anu fa mɔgɔ sawɛ kɛnu, Esafi wo, Yɛdutun wo, anubɛ Himan, wonu bi wɔlila mansa nyɛrɛ-nyɛrɛ le kɔrɔ.

2 Ko-Kɔrɔta-Karan 9:11

Mansa Silamɛni ya kɔlɔma wonu denu bi ka kin-pogorɔn nadan Mari Bato-Bɔn anubɛ a nyɛrɛta bolɔnna ko la. A ya kɔlɔma-su wonu denu bi ka anu ma seremanu anubɛ sɔrɔnnu na ka wonu don fɔli-kɛlɛnu bolo. Ka a bi wati wo ma ha ka a sigi kaka la, mɔgɔ-wo-mɔgɔ ma ke wo nyɔgɔn kɔlɔma sufanu nanala Isirɛla nyamanɛ rɔ.)

Ɛsira 2:65

Anuna wɔli-kɛla-keimɛ anubɛ a musumɛ minnu bilara anu fɛ, wonu yatɛ bɛnta mɔgɔ waga wɔrɔnfila, mɔgɔ kɛmɛ sawa, mɔgɔ bi-sawa ani mɔgɔ wɔrɔnfila (7,337) ma. Fɔli-kɛlɛ minnu bilara anu fɛ, wonu yatɛ bɛnta mɔgɔ kɛmɛ fila (200) ma, kei wo, musu wo.

Makawandili Kumɛnu 1:2

Nde, karan-mɔgɔ ko duninya kɛ ragbɛlɛ. A ragbɛlɛ dɔgɔma-ma-de, ado a nya ti yen mumɛ!

Daniyɛli 3:15

Kɔnɔ ni wo ya tolon-kan lamɔɛn gbɛ ka wo madu nna bɛsɛ kɔrɔ, wo kin. Kɔnɔ ni wo ma sɔn wo madu-koe ma, anu si wo lafili sulubondon tɛ rɔ tiriya! Wola bɛsɛ nyamintan si ke wo kunyɛ bɔla wo rɔ nde bolo?”

Daniyɛli 3:5

A sa mɛla tun, wo si buru-kan lamɔɛn. Wo kɔma, tolonnɛnu si a kɛ-a-rɔ. A fulu-fɛla wo, a bɔlon-fɔla wo, a sɔrɔn-fɔla wo, a bala-fɔla wo, anubɛ a fɔli-fen-toenu, wonu damasi si a kɛ-a-rɔ. Tolonnɛ kɛ bɛɛsi wa a kɛ-a-rɔ tumɛ min, wo damasi si wo madu mansɛta bɛsɛ kɛ kɔrɔ ka a matɔgɔ.

Daniyɛli 3:7

Tolonnɛ wonu ya a kɛ-a-rɔ tumɛ min, sibole min bɛɛsi ye nyɔ rɔ, wonu ya anu madu mansɛla bɛsɛ wo kɔrɔ ka a matɔgɔ.

Emɔsi 6:5

Sigi-kurɛnu-sɛ di wo ye seremanu tɔ. A sɔgɛ ye wo la ka wo nyɛrɛ sanka Mansa Dawuda ma.