Makawandili Kumɛnu 2:7 - ALLALA KUMƐ

⁷ N ya yɔɔn-siyaman san, kei wo, musu wo. Yɔɔn wonu fanan ya dannu sɔrɔn nna bɔn la. Wo kɔma, nna kolo-fannu siya Yerusalɛm-sigila-kɔrɛ bɛɛtɛ ko.

Makawandili Kumɛnu 2:7 ပူးပေါင်းရင်းမြစ်များ

Ko-Dabirɛnu 13:2

Nɔnfulu-tigi le Burama la nun. Kolo-fannu anubɛ wodi-gbɛ anubɛ sɛnɛ ye a bolo duk!

Ko-Dabirɛnu 14:14

Burama ya a lamɔɛn tumɛ min ko anu bara a kɔrɔla den-kei Lɔti bira, ala bonna-mɔgɔ kɛmɛ sawa, mɔgɔ tan-ni-segin (318) minnu kusan kɛlɛ kɛla, a ya kɛlɛ-kɛ-fannu don wonu bolo. Wonu tara mansɛ wonu sagaranna ha ka ke Dan soe burɔ.

Ko-Dabirɛnu 15:3

Burama ya a fɔ tun ko, “I ma den di n ma. Woletɔ nna yɔɔn minnu sɔrɔnta nna bɔn la, wo do si ma n kɛɛ-bilɛ la.”

1 Mansɛnu 4:23

Ninki tan, anu bi binyɛ sala minnu kɔrɔ anubɛ ninki mogan minnu si anu de-nyini binyɛ rɔ anubɛ saga kɛmɛ, anu si wonu dɔn tele-wo-tele. Mina anubɛ gbɔndan anubɛ sensɛ anubɛ kanbanma-fannu bɔnɛ a la.

2 Mansɛnu 3:4

Mansa Mesa min bi Mohabu nyamanɛ rɔ, saga-waga-siyaman-tigi le wo la. San-bo-san, a si saga-den waga kɛmɛ (100,000) di Isirɛla mansɛ ma anubɛ a siyi ka bɔ saga waga kɛmɛ ma dutiyɛ la.

2 Ko-Kɔrɔta-Karan 26:10

Wo kɔma, a ya nyamanɛ-kumafɛlɛn-bɛndɛ-layan-bɛ donu sɔ wulɛ rɔ. A ya kɔlon-siyaman sin kɔnkɛ kɔrɔ anubɛ lɛɛnu tɔ bawo kolo-fen-siyaman bi a bolo nyɔ rɔ. Sɛni-sɛ di a ye min kɛ, a ya mɔgɔ-siyaman lata ala sɛnɛnu tɔ minnu si sɛnɛnu wɔrɔ ka ki-fannu ki a ye.

Ɛsira 2:55

Mansa Silamɛnina wɔli-kɛlɛ kebilɛ minnu sɛgira, kebila-kunyɛ wonu tɔgɛ le kɛnu na, Soteyai wo, Hasafɛrɛti wo, Pɛruda wo,

Ɛsira 2:58

Bato-Bonna-wɔli-kɛlɛnu kebilɛ anubɛ Silamɛnina wɔli-kɛlɛ kebilɛ minnu sɛgira, wonu yatɛ bɛnta mɔgɔ kɛmɛ sawa, mɔgɔ bi-kɔnɔntɔ, ani mɔgɔ fila (392) ma.

Nihɛmaya 7:57

Mansa Silamɛnina wɔli-kɛlɛ-kebilɛ minnu sɛgira, kebila-kunyɛ wonu tɔgɛ le kɛnu na, Soteyai wo, Sofɛrɛti wo, Pɛrida wo,

Yobu 1:3

Saga waga wɔrɔnfila (7,000) ye a bolo anubɛ nyomo waga sawa (3,000). Wo kɔma, sara-ninki waga kelen (1,000) taranta a bolo anubɛ sofɛlɛ kɛmɛ loli (500). Wo kɔma, wɔli-kɛ-den-siyaman bi a bolo duk! Mɔgɛ min bɛɛ ye Yorodan bɛ tele-bɔɛ wara la, ata fen-tigiyɛ kolo wonu bɛɛtɛ ko.

Yobu 42:12

A ya Marita duwɛ min sɔrɔn tɔɛ kɛ la, wo tenbira a fɔlɔtɛ la. A ya saga waga tan-ni-nani (14,000) sɔrɔn tun. Wo kɔma, a ya nyomo waga wɔrɔ (6,000) sɔrɔn tun. A ya sara-ninki waga fila (2,000) sɔrɔn tun. Wo kɔma, a ya sofɛlɛ waga kelen (1,000) sɔrɔn.

Luka 12:45

Kɔnɔ ni wɔli-kɛlɛ ya a fɔ a nyɛrɛ ma ko, ‘N tigi sa nala fɔlɔn,’ wo kɔma, a ni wuli wɔli-kɛla-keimɛ anubɛ a musumɛnu gbesila ka fen dɔn ka a min koikoi ha a hɛnkili ni tinya.