Makawandili Kumɛnu 2:6 - ALLALA KUMƐ

⁶ N ya yi-denkɛnu sin alako nna ki-fannu yi ni sa.

Makawandili Kumɛnu 2:6 ပူးပေါင်းရင်းမြစ်များ

Nihɛmaya 2:14

Soe tele-bɔɛ wara la, n tara fɔɔ tarɛ don-dɛ min tɔgɛ ko Tenke anubɛ yi min siginɛ a rɔ nyɔ anu bi min kelela ko Mansɛta Yi-Madɛnnɛ. N siginɛ sofɛlɛ min na, wo ma ke kila-wo-kila sɔrɔnna tara-kerinɛ wo rɔ.

Nihɛmaya 2:8

Min sanɛ wo kuma, n ya a manyinika ko a ni kɛdi sɛbɛ Esafi ma min bi ale mansɛla firɛ makandanna alako wo ni a ma, n ni fɛrannu sɔrɔn nyɔ rɔ. N ko n bi fɛran wonu denu bila ka a Bato-Bon-tarɛ don-dɛnu nadan anubɛ soe tarɛnu anubɛ n si sigi bɔn min na. N ya mansɛ manyinika koe min bɛɛsi ma, a ya wo bɛɛ nyinya n ye bawo Alla ye n fɛ.

Nihɛmaya 3:15

Kalihosela den Salumu min bi Misipa tɛngbɛnya kun na, tarɛ don-dɛ min tɔgɛ ko Tenke, wo le ya nyɔ ladan. A ya don-dɛ wo kumɛ tuwa ka a kankan anubɛ a da-rasɔgɔ-fan bɛɛ ladan. Yi sigi tinɛ a rɔ min tɔgɛ Sela, ale Salumu ya nyɔ-tarɛ ladan fanan min bi mansɛla lu-kɔndɔ-kinyanɛ dafɛ. A tara a ladanna ha kilɛ min bi yigila ka bɔ Mansa Dawuda halala-soe burɔ.

Nihɛmaya 3:16

Asibukila den Nihɛmaya min bi Bɛti-Suri tɛngbɛnya do kun na, wo le ya a bi nyɔ ka ta tarɛ sɔla ha Mansa Dawudata kaburu-soe telen tɔ anubɛ nyɔ-yi-sigi tinɛ-a-rɔ anubɛ kɛlɛ-dannuta bɔn ye kan min.

Yaburi 1:3

Mɔgɔ-sufa wo mani de iko kɔlɔma-kuri min kinɛ yi da la. A si gbɔ a tumɛ rɔ. A yanba-kunyɛ fanan ti gbala mumɛ! Mɔgɛ wo wa a bole don fenfen tɔ, wo ti sɛgi kɔma.

Keninteya-Siginu 7:4

I kan manɛ iko san-bon-nayan-bɛ min tabɛnnɛ sogo-ba-nyin la. I ya-dan kin iko yi min madɛnnɛ a rɔ Bata-rabim don-dɛ dafɛ min bi Hɛsibɔn soe burɔ. I sun-kalɛ bɔnɛ buran, iko Lɛbanan kɔnkɛ min bi Damasika soe telen tɔ.

Yɛrɛmaya 17:8

Mɔgɛ wo ra si gbɛlɛya gbon, iko yi-dafɛ-kɔlɔma. Kɔlɔma wo sulinu si yigi saru, ado a si yi sɔrɔn duk! Hali tele fafara a ma nya-wo-nya, wo ti kilan. A nɔrɔnni de tuma-wo-tuma. Hali san tenbira a kun na fɛlɛlɛ, banda ma na, wo ti a tɔrɔ. A gbɔɛ ye a la wati bɛɛ.