Makawandili Kumɛnu 2:23 - ALLALA KUMƐ

²³ Fananta i ye i niyi la, i ya ko-wo-ko ma, wo ti fenfen nyinya i ma fɔ yisi-gbalɛ anubɛ mɔnɛ. Hali i sanɛ suyi rɔ, i yisi ti kimɛ. Wo bɛɛ ragbɛlɛ!

Makawandili Kumɛnu 2:23 ပူးပေါင်းရင်းမြစ်များ

Ko-Dabirɛnu 3:17

Alla ya a fɔ kei fanan ye ko, “N ya a fɔ i ye ko i kana kɔlɔma-gbɔɛ wo dɔn kɔnɔ i wara ila musita kumɛ bira min kɛ ka a dɔn, woletɔ n si tɔrɔyɛ layigi dugi ma ilela ko la. I si i beli-fan sɔrɔn tɔrɔyɛ rɔ i siyi-tele-bɛɛ rɔ.

Ko-Dabirɛnu 47:9

Yakoba ya a fɔ mansɛ ye ko, “N bara san kɛmɛ ani san bi-sawa (130) bɔ kɔnɔ hali wo, n ma kɔrɔya wɛ iko n benbanu. Kɔnɔ san kɛ mumɛ bɛɛ mara n tɔrɔya-san le la.”

Ɛsita 6:1

Suyi wo nyɛrɛ rɔ, mansɛ ma a sa a yɛ ma. Woletɔ a ya nyamanɛ ko-kɔrɔta-karan-buku makele alako anu ni wo karan a ye.

Yobu 14:1

Hadama-dan bɛɛ wa sɔrɔn tumɛ min, anu siyi-fɛ-wuruyanɛ tɔrɔyɛ le tɔ.

Yobu 5:7

Fɔnyɔ si ta-lole ranyɛnsɛn san ma nya min, mɔgɔ si tɔrɔyɛ lana a nyɛrɛ kuma wo nya na le.

Yaburi 127:2

Ka suri lawulila i buyila ko la, hali i ma i sa yona, wɔli-fu le wo la i beli-fanla ko la. Bawo Mari le si a diyana-mɔgɛnu-makoe nyinya, hali anu bi kinɔgɔ rɔ tumɛ min.

Yaburi 32:4

Mari, su-ni-tele, i ye n tɔrɔla nun. N sɛnbɛ ara ban fegba iko yi wa gbala telemɛ rɔ.

Yaburi 90:15

I ya tɔrɔyɛ min nyɔgɔn di ma ma gbɛlɛyɛ rɔ, wo nyɔgɔn sufa sewɛ di ma ma kaka.

Makawandili Kumɛnu 1:13

N ya n nyɛrɛ to karan ma alako koe min bɛɛsi ara ma duninya rɔ, n ni wo bɛɛ kɔrɛ lɔn. N bara a yen ko Alla ara dunu-belebele-wɛ le sigi ma kuma kɛ la.

Makawandili Kumɛnu 1:18

Mɔgɔla ko-lɔn ye tola warala nya min, ala kɔndɔfili ye tala warala wo nya na le. Mɔgɛ ye tola koe kɔrɔ lɔnna nya min, a yisi ye tola tɔrɔla a ma wo nya na le.

Makawandili Kumɛnu 2:11

Wo kɔma, n sigira. N ya n miri n kɛ-nya kɛ bɛɛ ma. N ya n miri nna sɛbɛ-don fanan ma koe kɛ bɛɛ ma-tinɛ. Kɔnɔ a laban, n ya wo bɛɛ yen ko a ragbɛlɛ! Wo mani de iko mɔgɛ tenbi fɔnyɔ birala. Fenfen sa duninya rɔ min si ko-nyinya mɔgɔ ma.

Makawandili Kumɛnu 5:12

Wɔli-kɛlɛ ya fen-ni dɔn wo, a ya fen-ba dɔn wo, a si kinɔgɔ a diya. Kɔnɔ hali nɔnfulu-tigi ya fen-diyamɛ bɛɛ dɔn, a ti kinɔgɔ a fanbolo.

Makawandili Kumɛnu 5:17

Ma ye pinpi le tɔ ma siyi-tele-bɛɛ kɔrɔ, ado yisi-magboyɛ anubɛ hɔnya, kirayɛ, anubɛ yigi-tɛgɛ, wonu denu-gbansan ye ma kuma.

Makawandili Kumɛnu 8:16

N ya n taya tuma-wo-tuma ka hɛnkili sɔrɔn duninya lakɔrɔsi tinɛ, hali n tora n mirila a ma su-ni-tele,

Daniyɛli 6:18

Mansɛ wo sɛgira a warɛ bɔn la. A kira kudu, a ma kinɔgɔ, ado a ma fen dɔn ka a nyɛrɛ ladiya.

Kɛwɔlɛnu 14:22

Anu ya nyɔ-dɛnkɛninya-mɔgɛnu sɛnbɛ don ka anu makawandi ko anu ni to dɛnkɛninyɛ rɔ yiri! Anu ya anu karan ko, “Yanni ma ni don Allala mansayɛ rɔ, fɔ ma ni tɔrɔya siyaman sɔrɔn.”