Makawandili Kumɛnu 2:18 - ALLALA KUMƐ

¹⁸ N bara tɔrɔ min dama sɔrɔn a la, fu le wo la bawo ni n fagara, min bi tola n gbɛ rɔ, a ye tola wo le ye.

Makawandili Kumɛnu 2:18 ပူးပေါင်းရင်းမြစ်များ

Yaburi 17:14

I ni nde lakisi bana wonu ma, fen bi min bolo duninya kɛ dɔrɔn tɔ. Tɔrɔya-dagɛ min siginɛ i bolo, anu tɔrɔ wo la. Tɔrɔyɛ wo kana dan anu denu dɔrɔn ma. Hali anuna dannu anubɛ anu mamanɛnu ni do sɔrɔn a rɔ.

Yaburi 39:6

A si sama iko ninɛ. Hadama-dan ye koe min bɛɛsi mala, fu le wo la ile yala. Hali a ya nɔnfuli ladɛn bui, mɔgɔ-wo-mɔgɔ ma a lɔn wo ye a labanna min bolo.

Yaburi 49:10

Mɔgɛ bɛɛ ya a lɔn ko hɛnkilimɛ si faga. Kun-takolɔn fanan si na faga. Anu dama si anuna nɔnfuli wonu to anuna dannu bolo anu kɔma.

Makawandili Kumɛnu 1:13

N ya n nyɛrɛ to karan ma alako koe min bɛɛsi ara ma duninya rɔ, n ni wo bɛɛ kɔrɛ lɔn. N bara a yen ko Alla ara dunu-belebele-wɛ le sigi ma kuma kɛ la.

Makawandili Kumɛnu 1:3

Mɔgɛ si wɔli a siyi-tele kɔrɔ furr, kɔnɔ a si tɔnɔ nyamintan sɔrɔn duninya kɛ rɔ?

Makawandili Kumɛnu 2:11

Wo kɔma, n sigira. N ya n miri n kɛ-nya kɛ bɛɛ ma. N ya n miri nna sɛbɛ-don fanan ma koe kɛ bɛɛ ma-tinɛ. Kɔnɔ a laban, n ya wo bɛɛ yen ko a ragbɛlɛ! Wo mani de iko mɔgɛ tenbi fɔnyɔ birala. Fenfen sa duninya rɔ min si ko-nyinya mɔgɔ ma.

Makawandili Kumɛnu 2:21

I ni tɔrɔ fan nyinina i hɛnkili anubɛ ila ko-kɔrɔ-lɔn anubɛ ila kusanyɛ la kɔnɔ tɔ-a-la, wo ni ta to mɔgɛ do ye min ma tɔrɔ a la. Wo ragbɛlɛ, ado a ma telen.

Makawandili Kumɛnu 2:26

Alla le ye hɛnkilimayɛ anubɛ ko-kɔrɔ-lɔn anubɛ sewɛ dila wo mɔgɛ ma min bi ale Alla hɛnɛna. Kɔnɔ Alla ye a mala, hakɛ-tiginu bi wɔlila ka anu sɔrɔn-fannu namara alako min bi anu bolo, wo ni to Alla-sako-kɛlɛnu ye. Wo bɛɛ ragbɛlɛ. Wo mani de iko mɔgɛ tenbi fɔnyɔ birala.

Makawandili Kumɛnu 3:22

N ya wo damasi lakɔrɔsi. N ya min yen a rɔ, a fisa, mɔgɛ ni a nyɛrɛ ladiya a bolo-fannu tɔ bawo duninya damɛ le wo la. Koe min bi nala mala male la lakira, mɔgɔ-wo-mɔgɔ ti ke wo rakaranna i ye.

Makawandili Kumɛnu 4:3

Minnu tenbira mɔgɔ-faganɛ wonu na, wo le minnu ma sɔrɔn bɛ bawo ko-yogomɛ minnu bi duninya kɛ rɔ, wonu ma wo rayen bɛ anu yɛ la.

Makawandili Kumɛnu 5:18

N ya kɛ le dɔrɔn yen duninya ma min kin. Alla ara wati-kundu-nɛ min di mɔgɛ ma duninya kɛ rɔ, a fisa, a ni fen dɔn ka a min ka sewa a bolo-fen-sɔrɔnnɛnu tɔ. Duninya damɛ le wo la.

Makawandili Kumɛnu 9:9

Wobɛ i diyana-musi ni taran wo diya tolon! I ni to kɛnu kun na i siyi-tele-bɛɛ kɔrɔ bawo duninya ragbɛlɛ. Mɔgɛ ni to a nyɛrɛ ladiyala tele-ragbɛlɛyani kɛnu tɔ bawo tɔnɛ dama-damɛ le wo la.

Luka 12:20

Kɔnɔ Alla ya a fɔ a ye ko, ‘Ile kuntan, bi suyi nyɛrɛ rɔ, wobɛ i niyi si fara wo nyɔgɔn na. Wo kɔma, i wara fan minnu namara i nyɛrɛ ye, wonu si ma yontɛ la gbɛ?’ ”

1 Kɔrɛnti 3:10

Allata hinɛ fɛ, n bara nna wɔlɛ kɛ iko bon-sɔla-hɛnkilimɛ. N ya bɔn wo kurukɛ, wo kɔma, mɔgɔ-gbɛrɛ ya a dagɛ lawuli. Kɔnɔ mɔgɔ kelen-kelennamɛ-bɛɛ ni a ma a fɛrɛma bɔn wo sɔ-tinɛ,