Makawandili Kumɛnu 2:17 - ALLALA KUMƐ

¹⁷ Ka to n niyi la, wo bɛɛ sɔgɛ la ara bɔ n na lasi, bawo n ma kun-nadiya sɔrɔn kɛ fenfen tɔ. Wo bɛɛ ragbɛlɛ kati! Wo mani de iko mɔgɔ tenbi fɔnyɔ birala.

Makawandili Kumɛnu 2:17 ပူးပေါင်းရင်းမြစ်များ

1 Mansɛnu 19:4

Telen-gbɛn, Nɛbi Ilaya ye tagamana wulɛ rɔ. A ke kɔlɔma-kuru-wɛ do kɔrɔ, a sigira wo ninɛ la. A sɔgɔ labɔra a nyɛrɛ la. A ya Alla matara, a ko, “E, Mari, a la ara gbɛlɛya n kuma. N niyi bi kelenna! N ni ta n benbanu taran lakira.”

Yobu 14:13

Alako nun, i ya n dogon lakira tonke do rɔ nun. N ni to dogonni nyɔ ha ita diminyɛ ni ban. Wo kɔma, i ni wati do rabɛn n ye, i si i fonde lamiri n ma min ma.

Yaburi 89:47

N siyi-fɛ wuruyanɛ ye nya min, i fonde lamiri wo ma. Fenfen ma male, hadama-dannu na iko i ya ma ladan nya min.

Makawandili Kumɛnu 1:14

N bara koe kɛ bɛɛ lakɔrɔsi duninya ma kɔnɔ duninya ragbɛlɛ! Ko-sufa wo mani de iko mɔgɔ tenbi fɔnyɔ birala.

Makawandili Kumɛnu 1:17

N sigira ka n miri. N ko n ni hɛnkilimayɛ anubɛ kuntanyɛ dan-nafarɛ lɔn. N ya wo bɛɛ lakɔrɔsi. Wo mani de iko mɔgɔ wa a fɔ ko a ye fɔnyɔ birala.

Makawandili Kumɛnu 2:11

Wo kɔma, n sigira. N ya n miri n kɛ-nya kɛ bɛɛ ma. N ya n miri nna sɛbɛ-don fanan ma koe kɛ bɛɛ ma-tinɛ. Kɔnɔ a laban, n ya wo bɛɛ yen ko a ragbɛlɛ! Wo mani de iko mɔgɛ tenbi fɔnyɔ birala. Fenfen sa duninya rɔ min si ko-nyinya mɔgɔ ma.

Makawandili Kumɛnu 2:22

I ni wɔli i siyi-tele-bɛɛ kɔrɔ ka tɔrɔyɛ bɛɛ duni, i si tɔnɔ-nyamintan sɔrɔn wo la?

Makawandili Kumɛnu 3:16

N sigira ka duninya lakɔrɔsi. N ya a yen ko a fisa, telenbagayɛ ni taran kan min, yaga, telenbɛlitayɛ ye nyɔ le!

Makawandili Kumɛnu 4:2

Minnu bara bɔ anuna kɔndɔfili kɛ rɔ sayɛ bolo, wonu kun na ara diya kɛndɛwaganu ko.

Makawandili Kumɛnu 4:3

Minnu tenbira mɔgɔ-faganɛ wonu na, wo le minnu ma sɔrɔn bɛ bawo ko-yogomɛ minnu bi duninya kɛ rɔ, wonu ma wo rayen bɛ anu yɛ la.

Makawandili Kumɛnu 6:9

Wo ragbɛlɛ. Wo mani de iko mɔgɛ tenbi fɔnyɔ birala. Yanni mɔgɔ yɛ ni to bɔla fan bɛɛ la tuma-wo-tuma, a fisa, min bi a bolo, wo ni a hɛnɛ.

Isikiyɛli 3:14

Marita Sɛnbɛ ye tala n na tumɛ min, ata fanka donta n tɔ a nya-bɛrɛbɛrɛ-wɛ ma. Yisi-bɔɛ donta n tɔ dɔgɔma-ma-de!

Yona 4:3

Nba Mari, a ma, n ni faga kaka. N furi fisa n kɛndɛ ko.”

Yona 4:8

Sun-tele-kɔgɛ, Alla ya fɔn-kalamɛ lana ka bɔ tele-bɔɛ. A tora doni, Yona ni kirɔn-a-la tele-wuyan bolo. A duwara le gbɛ ni a si faga. A ko, “N furi fisa n kɛndɛ ko.”

Habakuku 1:3

N nafoonɛ karagbɛlɛnu anubɛ kasara-kɛlɛnu na pito! Mɔgɛnu bi buila anu nyɔgɔn ma ka wunduyogoya-su bɛɛ sigi anu nyɔgɔn na kan-tinɛ bɛɛ rɔ. Nfenna i ye a mala, nde ye wonu tayenna n yɛ la? Nfenna Mari, ile nyɛrɛ ye ko-sufa kɛnu tayenna ka i munyu wonu kɔrɔ?

Yilan-Yilan Koe 11:15

Ni i si na a ma n na ka le, kinikini n ma. I yandi, n faga kelenna! N kana to tɔrɔyɛ kɛ rɔ tuma-wo-tuma.”