Makawandili Kumɛnu 2:16 - ALLALA KUMƐ

¹⁶ A hɛnkilima wo, a kuntan wo, bɛɛ tɔgɛ si tunu yen! Mɔgɔ ti a miri anu ma tun. I mara hɛnkilima la wo, i mara kuntan na wo, bɛɛ si faga.

Makawandili Kumɛnu 2:16 ပူးပေါင်းရင်းမြစ်များ

2 Samuwɛli 3:33

Ale Dawuda ya bɛti do bɔ Abinala ko la. Nfenna, Abina kɛ ara faga iko wunduyoge, ado a ma ko tinya?

Yaburi 103:16

Fɔnyɔ wa a fɛ, a si sagan a la soee! Mɔgɔ ti a yen tun!

Yaburi 49:10

Mɔgɛ bɛɛ ya a lɔn ko hɛnkilimɛ si faga. Kun-takolɔn fanan si na faga. Anu dama si anuna nɔnfuli wonu to anuna dannu bolo anu kɔma.

Yaburi 88:12

Mɔgɛ ti ila kabana-koe yen pinpi-wɛ wo rɔ. Anu ti fenfen lɔn ila nyimayɛ rɔ kolo-gbɛ-dugu.

Bɔ-Koe-Iyipiti 1:6

Isirɛla mɔgɛnu tora siyayala ka wara bɛrɛkɛ ka sɛnbɛ sɔrɔn. Anu ya nyamanɛ wo lafa. Kɔnɔ Yusufu anubɛ a na-kelen-nyɔgɛnu anubɛ minnu bi nyɔ wo wati rɔ, wonu kɔrɔyara ha anu dama fagara.

Bɔ-Koe-Iyipiti 1:8

Nba, mansa-kurɛ min sigira Iyipiti nyamanɛ rɔ, wo ma Yusufu lɔn nun.

Hɛnkilimaya-Kumɛnu 14:8

Nfenna hɛnkilimɛ bolo la ti bira? Bawo yanni a ni ko-wo-ko ma, fɔ a wa a miri fɔlɔn. Nfenna kuntan si yuwaya-koe ladan? Bawo a ye ko-wo-ko ladanna, a ya a lɔn ko a ye tonyɛ le tɔ kɔnɔ wo fɛ-yan a la.

Makawandili Kumɛnu 1:11

Mɔgɔ ti anu hɛnkili to fɔlɔ-mɔgɛnu ko, ado ma kegeyɛnu fanan hɛnkili ti to kaka-mɔgɛnu ko.

Makawandili Kumɛnu 2:14

Iko mɔgɛ si a fɔ nya min, hɛnkilimɛ ye tala kan min, wo ragbɛnɛ a ye kɔnɔ kuntan ma a ta-tinɛ lɔn. Kɔnɔ hali wo, anu filɛla ban si ma kelen na.

Makawandili Kumɛnu 2:15

N ya n miri ko ni kuntan anubɛ hɛnkilimɛla ban si ma le kelen na, tɔnɔ-nyamintan bi nna hɛnkilimayɛ la worɔ? Tɔnɔ-wo-tɔnɔ sa wo la! Kɛ fanan tagbɛlɛ.

Makawandili Kumɛnu 6:8

Tɔnɔ-nyamintan bi hɛnkilimɛ bolo ka tenbi kuntan wo la? Bolo-kolɔn wa a famayigi fen-tiginu tɛma, tɔnɔ-nyamintan bi wo la?

Makawandili Kumɛnu 7:2

Yanni mɔgɛ ni ta ladiya-bɔn la, a fisa, a ni ta saya-bɔn la bawo bɛɛ si a miri sayɛ ma nyɔ le, ado bɛɛla ban le sayɛ la.

Makawandili Kumɛnu 8:10

Karagbɛlɛ wa faga, anu ni ta a togon. Mɔgɛnu tenbi bɔla kan-tina-sɛnimɛ rɔ, anu bi a tɔgɔ nyinyala soe wo burɔ a ya karagbɛlɛyɛ kɛ kan min. Wo fanan tagbɛlɛ.

Makawandili Kumɛnu 9:15

Bolo-kolon-hɛnkilimɛ do ye soe wo burɔ nun, wo ya so-burɔ-mɔgɛnu niyi lakisi ala hɛnkilimayɛ la kɔnɔ tɔ-a-la, mɔgɔ ma a wɔli-nyimɛ lɔn tun.

Makawandili Kumɛnu 9:5

Tonyɛ le wo la bawo min bi a niyi la, wo fisa bawo wo hɛnkili ye ko kelen pe dɔrɔn ma, wo le ko a ye nala fagala. Kɔnɔ min bara faga, wo sa ko-wo-ko kalama. A sa fenfen taranna a yarɔ lakira, ado mɔgɛnu ti mɛ nyinala a wara-koe la.

Malakayi 3:16

Wo kɔma, minnu bi Alla gbiliyala, wonu bi kirabɔla anu nyɔgɔn na. Mari ye a wɔlɔ matɔlɔla wonu na. Anu bi min bɛɛsi fɔla, a ye wonu namɔɛnna. Mɔgɛ min bɛɛsi ye Alla gbiliyala, wonu tɔgɛ sɛbɛnɛ Allata hɛnkili-lamiri-buku rɔ.

Hiburunu 9:27

A fɛrɛ sa fɔ mɔgɛ bɛɛ ni faga iko kelen pe, wo kɔma, Alla ni anu kiti tɛgɛ.