Makawandili Kumɛnu 2:15 - ALLALA KUMƐ

¹⁵ N ya n miri ko ni kuntan anubɛ hɛnkilimɛla ban si ma le kelen na, tɔnɔ-nyamintan bi nna hɛnkilimayɛ la worɔ? Tɔnɔ-wo-tɔnɔ sa wo la! Kɛ fanan tagbɛlɛ.

Makawandili Kumɛnu 2:15 ပူးပေါင်းရင်းမြစ်များ

1 Mansɛnu 3:12

Woletɔ n bi nala hɛnkili anubɛ lɔnnɛ dila i ma tɛban! Mɔgɔ-wo-mɔgɔ ti hɛnkili sɔrɔn duninya rɔ ka ke i rɔ.

Makawandili Kumɛnu 1:14

N bara koe kɛ bɛɛ lakɔrɔsi duninya ma kɔnɔ duninya ragbɛlɛ! Ko-sufa wo mani de iko mɔgɔ tenbi fɔnyɔ birala.

Makawandili Kumɛnu 1:16

N ya a fɔ n nyɛrɛ ma, n ko, “N ya hɛnkilimayɛ anubɛ ko-kɔrɔ-lɔn-burɛ anubɛ a kɔmɛ bɛɛ lɔn. N mankan ara ta wuu, ado mansa fɔlɔtɛ minnu bara sɔ n yarɔ Yerusalɛm soe burɔ, nta hɛnkilimayɛ anubɛ ko-kɔrɔ-lɔn kolo wo bɛɛtɛ ko.”

Makawandili Kumɛnu 1:18

Mɔgɔla ko-lɔn ye tola warala nya min, ala kɔndɔfili ye tala warala wo nya na le. Mɔgɛ ye tola koe kɔrɔ lɔnna nya min, a yisi ye tola tɔrɔla a ma wo nya na le.

Makawandili Kumɛnu 1:2

Nde, karan-mɔgɔ ko duninya kɛ ragbɛlɛ. A ragbɛlɛ dɔgɔma-ma-de, ado a nya ti yen mumɛ!

Makawandili Kumɛnu 2:16

A hɛnkilima wo, a kuntan wo, bɛɛ tɔgɛ si tunu yen! Mɔgɔ ti a miri anu ma tun. I mara hɛnkilima la wo, i mara kuntan na wo, bɛɛ si faga.

Makawandili Kumɛnu 6:11

I ye tola sɔsɔli sala nya min, i la ye tola fɛyala wo nya na le, ado ala ban si gbɛlɛya i kuma.

Makawandili Kumɛnu 6:8

Tɔnɔ-nyamintan bi hɛnkilimɛ bolo ka tenbi kuntan wo la? Bolo-kolɔn wa a famayigi fen-tiginu tɛma, tɔnɔ-nyamintan bi wo la?