Makawandili Kumɛnu 2:10 - ALLALA KUMƐ

¹⁰ N diyana-koe bɛɛ kɛra n ye. N hɛnkili ye koe min bɛɛ ko, n ya wo bɛɛ lakɔrɔsi. N ya nɔnfulu-tigiyɛ min sɔrɔn nna wɔlɛ la, wo ya n hɛnɛ, ado wo le mara n sarɛ la.

Makawandili Kumɛnu 2:10 ပူးပေါင်းရင်းမြစ်များ

Ko-Dabirɛnu 3:6

Woletɔ musi wo ya bɔra kɔlɔma-gbɔɛ wo la bawo a kin. A dɔn-sɔgɛ ya a bira. A ya a lɔn ko ni a ya a dɔn, a si hɛnkili sɔrɔn. A ya wo gbɔɛ do keri ka a dɔn ka do di ala kei ma. Wo fanan ya do dɔn.

Yobu 31:1

N bara lanyiri kiri nun ko n yɛ kana bɔ sunkurɔn la.

Yaburi 119:37

N miriya bɔ ko-fuyinu ko. Nyimaya n ma iko i wara n yili-madiya nya min.

Yaburi 128:2

Ala wɔlɛ si a makoe bɛɛ nyinya. A sewanɛ si ta yarɔ.

Hɛnkilimaya-Kumɛnu 23:5

Ni i ya wo ma, ila wodi si gban i bole tɔ iko kokɛ si gban nya min ka ta a ye pon!

Makawandili Kumɛnu 11:9

Wole fonikenu! Wo ni wo nyɛrɛ ladiya. Fananta i pose, i ni i tele kɛ. Ko-wo-ko di i ye, wo ma fasai! Kɔnɔ i miri de, lunyɛ do, i wara koe min bɛɛsi ma, fɔ Alla wa i kiti wonuna ko la.

Makawandili Kumɛnu 2:1

N ya a latɛgɛ n yisi rɔ ko n bi n nyɛrɛ ladiyɛ le tɔ gbɛ alako n ni sewɛ wara-koe lakɔrɔsi. Kɔnɔ yaga, n bara a yen ko wo fanan tagbɛlɛ.

Makawandili Kumɛnu 2:22

I ni wɔli i siyi-tele-bɛɛ kɔrɔ ka tɔrɔyɛ bɛɛ duni, i si tɔnɔ-nyamintan sɔrɔn wo la?

Makawandili Kumɛnu 2:24

Min fisa, fɔ mɔgɛ ni to fen-dɔn anubɛ minnɛ kun na alako a ni a nyɛrɛ ladiya ala fen-sɔrɔnnɛ rɔ. Kɔnɔ hali wo, wo bɛɛ bɔnɛ Alla le bolo

Makawandili Kumɛnu 3:22

N ya wo damasi lakɔrɔsi. N ya min yen a rɔ, a fisa, mɔgɛ ni a nyɛrɛ ladiya a bolo-fannu tɔ bawo duninya damɛ le wo la. Koe min bi nala mala male la lakira, mɔgɔ-wo-mɔgɔ ti ke wo rakaranna i ye.

Makawandili Kumɛnu 5:10

Ni nɔnfuli diyara mɔgɔ-wo-mɔgɔ ye bɛrɛkɛ, nɔnfuli ti wo wasa mumɛ! Nɔnfulu-tigiyɛ diyara mɔgɛ min ye wɛ kɛ, hali wo ya nɔnfuli sɔrɔn duk, wo ti a wasa. Kɛ bɛrɛn tagbɛlɛ.

Makawandili Kumɛnu 5:17

Ma ye pinpi le tɔ ma siyi-tele-bɛɛ kɔrɔ, ado yisi-magboyɛ anubɛ hɔnya, kirayɛ, anubɛ yigi-tɛgɛ, wonu denu-gbansan ye ma kuma.

Makawandili Kumɛnu 5:18

N ya kɛ le dɔrɔn yen duninya ma min kin. Alla ara wati-kundu-nɛ min di mɔgɛ ma duninya kɛ rɔ, a fisa, a ni fen dɔn ka a min ka sewa a bolo-fen-sɔrɔnnɛnu tɔ. Duninya damɛ le wo la.

Makawandili Kumɛnu 6:2

Alla si nɔnfulu-tigiyɛ anubɛ gbiliyɛ latɛgɛ mɔgɛ do ma, ado a nyinita fenfen ma, a si wo sɔrɔn. Kɔnɔ Alla ti a ma, mɔgɛ wo ni ala nɔnfuli wo diya bɔ fɔ mɔgɔ-gbɛrɛkɛ! Wo ragbɛlɛ, ado a ma telen.

Makawandili Kumɛnu 6:9

Wo ragbɛlɛ. Wo mani de iko mɔgɛ tenbi fɔnyɔ birala. Yanni mɔgɔ yɛ ni to bɔla fan bɛɛ la tuma-wo-tuma, a fisa, min bi a bolo, wo ni a hɛnɛ.

Makawandili Kumɛnu 8:15

Woletɔ a ma to fenfen ma duninya kɛ rɔ fɔ ladiyɛtɛ. Fenfen sa fen-dɔn anubɛ minni anubɛ sewɛ kɔma. Hali i ma fen-bo-fen sɔrɔn i siyi-tele kɔrɔ Alla ye min dila i ma kɔnɔ i tenbi wɔlila, ni i ye kɛ kun na, i ye i diya.

Makawandili Kumɛnu 9:6

Mɔgɔ-faganɛ wo ti mɔgɔ keni tun, a ti mɔgɔ kɔn tun, a ti mɔgɔ makeliya tun. A mako sa duninya ko-nya fenfen na wo rɔ tun.

Makawandili Kumɛnu 9:9

Wobɛ i diyana-musi ni taran wo diya tolon! I ni to kɛnu kun na i siyi-tele-bɛɛ kɔrɔ bawo duninya ragbɛlɛ. Mɔgɛ ni to a nyɛrɛ ladiyala tele-ragbɛlɛyani kɛnu tɔ bawo tɔnɛ dama-damɛ le wo la.

1 Yɔni 2:16

Fɛrɛ-bɔnku-nata wo, mɔgɛnu yɛ si bɔ min na wo, min sɔgɛ si mɔgɛ bira wo, anubɛ fenfen min bi duninya kɛ rɔ, kɛ fenfen ma bɔ ma Fa Alla bolo. Mɔgɛnu wasinɛ wonuna ko la. Duninyatɛ le kɛ bɛɛ la.

Kɛlɛ-Kurugbɛnu 14:2

A sɛgira a fa warɛ ka a fɔ a fa anubɛ a na ye ko, “N ya Filisitinuna dunmusi do yen Timina soe burɔ. A sɔgɛ ye n na, wo ni a furu n ye.”