Makawandili Kumɛnu 2:1 - ALLALA KUMƐ

¹ N ya a latɛgɛ n yisi rɔ ko n bi n nyɛrɛ ladiyɛ le tɔ gbɛ alako n ni sewɛ wara-koe lakɔrɔsi. Kɔnɔ yaga, n bara a yen ko wo fanan tagbɛlɛ.

Makawandili Kumɛnu 2:1 ပူးပေါင်းရင်းမြစ်များ

Ko-Dabirɛnu 11:7

Wo na, ma ni yigi anu bara ka anu kan yabasan alako anu kana anu nyɔgɔn kan lamɔɛn.”

2 Mansɛnu 5:5

Mansɛ wo ya kɛdi do don a bolo, a ko, “Ta kɛ la, i ni a don Isirɛla mansɛ bolo.” Min sɛbɛnɛ kɛdi wo rɔ, wo le ko, “Nna kɛlɛ-den-kunyɛ le kɛ la min tɔgɛ Neyaman. A sɔgɛ ye n na, i ni a dandan n ye.” Neyaman ya wodi-gbɛ bi minna gbiliyɛ anubɛ fui-fan bɔrɔ loli rakɛn de! A ya sɛnɛ bi minna gbiliyɛ anubɛ fui-fan bɔrɔ kelen rakɛn de! A ya fɛrɛya-bɔ-hakika tan fanan bi ka ta wonu na a bolo Isirɛla mansɛ wara.

Yaburi 10:6

Ale miri ko a ye tola fen-tigiyɛ rɔ wo nya na le ko a ti nanparan sɔrɔn tele-kelen-bɛrɛni!

Yaburi 14:1

Kun-takolɔn kɛnɛna a fɔla a nyɛrɛ ma ko, “Alla-wo-alla sa nyɔ.” Anu denu bi ko-yogomɛ-gbansan de mala. Anu bara karagbɛlɛyɛ lafafa. Hali mɔgɔ-den-kelen sa anu tɔ min si ko-nyimɛ kɛ.

Yaburi 27:8

Mari, i ya a fɔ n ma wati min ko n ni i bato, n ma n kun tadu. N nara le.

Hɛnkilimaya-Kumɛnu 14:13

Mɔgɛ do tɔrɔnɛ si taran kɔnɔ hali wo, a si yɛlɛn. Sewɛ do si a laban tɔrɔyɛ ma.

Makawandili Kumɛnu 11:9

Wole fonikenu! Wo ni wo nyɛrɛ ladiya. Fananta i pose, i ni i tele kɛ. Ko-wo-ko di i ye, wo ma fasai! Kɔnɔ i miri de, lunyɛ do, i wara koe min bɛɛsi ma, fɔ Alla wa i kiti wonuna ko la.

Makawandili Kumɛnu 2:10

N diyana-koe bɛɛ kɛra n ye. N hɛnkili ye koe min bɛɛ ko, n ya wo bɛɛ lakɔrɔsi. N ya nɔnfulu-tigiyɛ min sɔrɔn nna wɔlɛ la, wo ya n hɛnɛ, ado wo le mara n sarɛ la.

Makawandili Kumɛnu 2:15

N ya n miri ko ni kuntan anubɛ hɛnkilimɛla ban si ma le kelen na, tɔnɔ-nyamintan bi nna hɛnkilimayɛ la worɔ? Tɔnɔ-wo-tɔnɔ sa wo la! Kɛ fanan tagbɛlɛ.

Makawandili Kumɛnu 2:25

bawo yon si dɔntɛ sɔrɔn ka i nyɛrɛ ladiya ale Alla kɔma? Wo sa!

Makawandili Kumɛnu 7:4

Kun-takolon-miriya bɛnnɛ sewɛ ma tuma-wo-tuma kɔnɔ hɛnkilimɛ le ye a mirila saya-kɔrɛ ma.

Makawandili Kumɛnu 8:15

Woletɔ a ma to fenfen ma duninya kɛ rɔ fɔ ladiyɛtɛ. Fenfen sa fen-dɔn anubɛ minni anubɛ sewɛ kɔma. Hali i ma fen-bo-fen sɔrɔn i siyi-tele kɔrɔ Alla ye min dila i ma kɔnɔ i tenbi wɔlila, ni i ye kɛ kun na, i ye i diya.

Aiseya 5:5

“N bi kɛ le mala nna nakɔɛ rɔ ki-fannu kɔrɔ. A sansannɛ min na, n ni wo tinya. N si a ma, sogenu ni nakɔɛ kɛ firan fiya!

Aiseya 50:11

Ni ta-tugu di min ye mɔgɛnu tɛma, wo tigi ni tagama ala ta-tugunɛ wo tɛma. Mari nyɛrɛ si sɔn kɛ ma. A si wo tigi tɔrɔ dɔgɔma-ma-de!

Aiseya 50:5

Ma Tigi Mari ara ko-kɔrɔ-lɔn di n ma. N ma murutiya a ma. N ma n kan-kɔ sɔ a la.

Luka 12:19

Wo kɔma, n si a fɔ n nyɛrɛ ye ko, “Nde harayɛgɛ-tigi, n mako ye fen-nyimɛ min bɛɛ la san siyaman kɔrɔ, n bara wo bɛɛ sɔrɔn. N ni n sigi n fanbolo fen dɔn tinɛ ka n min gbɛɛtorenu fɛ ka n nyɛrɛ lasewa!” ’

Luka 16:19

“Nɔnfulu-tigi do ye nyɔ nun min fɛrɛya bɔnɛ kura-da-gbɛlɛnu na. Tele-wo-tele, a si to dɔn-fen-nyimɛ dɔnna.

Luka 16:23

Ale nɔnfulu-tigi ye tɔrɔyɛ rɔ lakira. A ya a yɛ layɛlɛ ka Iburayima yen wulɛ la, ado Lasarasi ye ale Iburayima tɔgɔfɛ.

Taita 3:3

Fɔlɔ-nun, kuntan anubɛ kuma-birabɛlɛ anubɛ ko-yogoma-kɛlɛ le male la. Mɔgɛnu ya ma yanfa ko ma ni ma yɔɔnnu na fɛrɛ-nata anubɛ nyɛrɛ-diyana-ko-sufa-bɛɛ bolo. Ma ya mala wati bɛɛ tinya wunduyogoyɛ anubɛ keliyɛ rɔ. Ma gboyara mɔgɛnu ye, ado anu fanan gboyara ma ye.

Yemesi 4:13

Nba, wo ni wo tole masɔ n kan la. Wole min ko, “Bi, ni wo ma, sina, ma si ta soe do rɔ yilaya-kɛ-tinɛ san kelen ka tɔnɔ-wɛ sɔrɔn.”

Yemesi 5:1

Nba, wole nɔnfulu-tiginu, wo ni wo tole masɔ bɛrɛkɛ! Wo ni gbele-gbelen ka di yakɔrɔ-mamɔɛ wola ko la min bi nala wo yarɔ!

Yemesi 5:5

Wo siyi duninya kɛ rɔ, a fanɛ ladiyɛ anubɛ nyɛrɛ-diyana-ko-gbansan le la. Wo ara wo nyɛrɛ matɔlɔ wo kan-natɛgɛ-tele ye.