Makawandili Kumɛnu 12:7 - ALLALA KUMƐ

⁷ Ma fɛrɛ si sɛgi bɔnkɛ rɔ. Ma niyi wo si sɛgi Alla ma a bɔra kan min.

Makawandili Kumɛnu 12:7 ပူးပေါင်းရင်းမြစ်များ

Ko-Dabirɛnu 18:27

Iburayima ya a fɔ a ye tun ko, “N bara kuma i ye yisi-latɛgɛ rɔ. Nde ma bɛn ka wo ma kamasɔrɔn fenfen ma nde la. N mani de iko gbangban i yala.

Ko-Dabirɛnu 2:7

Wo kɔma, Mari Alla ya kei dan ka bɔ bɔnkɛ rɔ. Alla ya a nyɛrɛ niyi bila a sunyɛ rɔ. Kei wo ya niyila fɛyɛ dabira. A mara dali-fen-kɛndɛ la.

Ko-Dabirɛnu 3:19

I ti i beli-fan sɔrɔn ni i ma wusi tirindi. I si to wusi tirindila ha i ni sɛgi bɔnkɛ rɔ tun bawo i bɔra bɔnkɛ le tɔ, ado i ye sɛgila bɔnkɛ le tɔ tun.”

Yobu 20:11

Hali a fɛrɛ-bɔnkɛ kin a ma nun, a ragbɛlɛ fanan, a ti mɛ, ale karagbɛlɛ si sɛgi gbangban rɔ.

Yobu 7:21

Ha bi, i ti n hakɛ makoto? I ti i muin nna fɛɛnu ma? A ti mɛ tun, n si taran nna kanbɛ rɔ. Ni i ya n nyini, i ti n yen.

Yaburi 103:14

Ma ladanta nya min, a ya wo lɔn bawo a ya a lɔn ko bɔnkɛ le ma la dɔrɔn.

Yaburi 104:29

I wa i kan-kɔ sɔ anu na, wo si anu takilan. I wa ila fɔnyɔ bi anu bolo, anu si faga. Anu bi sɛgila bɔnkɛ le tɔ tun anu bɔra kan min nun.

Yaburi 146:4

Anu ba faga, wo bɛɛ si ma bɔnkɛ la tun. Wo wa ma tumɛ min, anuna ko-rabɛn bɛɛ ara ban.

Yaburi 31:6

Minnu bi bɛsɛnu kɔla, wonu gbo n ye kosɛbɛ! Nde lanɛ ile Mari le la.

Yaburi 90:3

Ile le ya a fɔ hadama-dan ma ko a bɔra kan min, a ye sɛgila nyɔ le. I si a yɛlɛma gbangban la a bɔra min tɔ.

Aiseya 57:16

A ko a ti to wo kɛlɛla. A ti kɔrɔtɔ wo ma. Ni a tora wonu mala wo la, hadama-dan bɛɛ si firan dugu-kole ma. A ya sɔndɔmɛ min bɛɛ ladan, a ti wo bɛɛ lato dogbe!

Yɛrɛmaya 38:16

Woletɔ Mansa Sɛdɛkaya ya lanyiri kiri n ye dogɔn tɔ. A ko a ye anubɛ Mari-nimɛ tɛma min bi niyi dila mɔgɛ ma ko a ti n faga. A ti n don mɔgɛnu bolo minnu bi n faga-koe rɔ.

Daniyɛli 12:2

Minnu bara faga nun kɔrɔma la, wo siyaman niyi si bila anu tɔ tun. Donu si taran anu diya habadan-nimayɛ rɔ, donu si taran anu gboya habadan-yarabiyi kɔrɔ.

Sakaraya 12:1

Mari min ya san-kole rafulen ka dugu-kole ladan ka hadama-dan-niyi bila a rɔ, Mari kelan wo le ya kumɛ kɛ fɔ Isirɛla ko la.

Yilan-Yilan Koe 16:22

Kɔnɔ Musa anubɛ Aruna ya anu maburun dugi ma ka Mari madiya ko, “E, Mari, ma ya a lɔn ko Allatala le ile la. Ile le ya mɔgɔ niyi dan. I si ke ka mɔgɔ niyi bi. Kɔnɔ i si na mɔgɛ kɛ bɛɛ niyi tinya mɔgɔ kelen peta hakɛla ko la, wa?”

Yilan-Yilan Koe 27:16

“E, Allatala, ile min si niyi di mɔgɔ ma anubɛ ile min si niyi bɔ mɔgɔ rɔ, n bi i manyinikala ko kelen pe lela ko la. I ni ita mɔgɛ do yabɔ min si sɔ Isirɛla mɔgɛ kɛnu yarɔ kɛlɛ rɔ.

Luka 23:46

Yisa ya a kan labɔ bɛrɛkɛ! A ko, “N Fa! N bara n niyi latenbi i ma!” A ban kɛ fɔla, a ya a niyi-laban lafɛ.

Kɛwɔlɛnu 7:59

Anu bi Sitifen mabonna tumɛ min, a ya a kan labɔ Mari ma. A ko, “N Mari Yisa, n niyi bi!”

Hiburunu 12:23

Wo ara na bɛn Allata den-fɔlɔtɛnuna ladiyɛ ma. Wonu damasi tɔgɛ sɛbɛnɛ Arinyɛni tɔ. Alla siginɛ soe wo le burɔ, mɔgɛ bɛɛ Kitilɛ, kɔni. Mɔgɔ-nyimɛ minnu kanbalinɛ Alla yala, wonu bi a fɛ nyɔ.

Hiburunu 12:9

Ma fa minnu bi duninya kɛ rɔ, wonu bi ma kolola, ado ma ye wonu gbiliyala. Ni ma ye wonu gbiliyala, ma fa min bi Arinyɛni tɔ don? A fisa, ma ni ma famayigi wo kɔrɔ alako ma si ni-bɛrɛ sɔrɔn nya min.