Makawandili Kumɛnu 12:13 - ALLALA KUMƐ

¹³ N bara ban kɛ bɛɛ fɔla nkɛkuna, kuma kelen de tonɛ n bolo gbɛ! I ni kilan Alla la ka to ala tɔnnu birala bawo Alla ya ma ladan wo lela ko la.

Makawandili Kumɛnu 12:13 ပူးပေါင်းရင်းမြစ်များ

Ko-Dabirɛnu 22:12

Mari ya a fɔ a ye ko, “I kana ko-wo-ko ma ila dan kɛ la kamasɔrɔn n bara a lɔn kaka ko nde, Alla, gbiliyanɛ i bolo. I ma sɔn ka ila dan kelan dogon fɔ ka a di nde, Alla, ma.”

1 Mansɛnu 2:3

Ita Mari Alla ya tɔn minnu di Nɛbi Musa ma, i ni wonubɛ ata kumɛ bɛɛsi bira, woletɔ i wara-koe si sabati.

Yobu 28:28

Alla ya a fɔ hadama-dan ye ko, “Ni mɔgɛ ko a ni hɛnkilimayɛ sɔrɔn, fɔ a ni nde a tigi fɔlɔn gbiliya. Ni a sɔgɛ ye a la ka ko-kɔrɛ lɔn, fɔ a ni fara ko-yogoma-kɛ la.”

Yaburi 111:10

Hɛnkilimayɛ dabirɛ le Mari gbiliyɛ la. Min bɛɛsi ye Marita sereyanu birala, a si ko-kɔrɔ-lɔn di wonu ma. Ma ni to a matɔgɔla burubukai!

Yaburi 145:19

Makolamɛ minnu bi a gbiliyala, a si wonu makoe nyinya. A si anu di-kɛ-kan lamɔɛn ka anu kisi.

Yaburi 147:11

Kɔnɔ a kolan si bɔ a gbiliyalɛnu denu na. Minnu yigi bɛnnɛ ala hinɛ ma, a makoe ye wonu denu na.

Hɛnkilimaya-Kumɛnu 1:7

Hɛnkilimayɛ dabira fɔlɔtɛ, wo le ka kilan Mari la. Hɛnkilibɔnɛnu si tɛgɛ hɛnkilimayɛ rɔ ka anu ban ata kuma-bira-koe ma.

Hɛnkilimaya-Kumɛnu 19:23

Ni min ya Mari gbiliya, wo si simayɛ sɔrɔn ka taran a fanbolo.

Hɛnkilimaya-Kumɛnu 23:17

Keliyɛ kana i bira hakɛ-tiginu wara-koe ma. Marita gbiliyɛ min bi ile rɔ, wo le ni sɛnbɛ sɔrɔn i yisi rɔ yati!

Makawandili Kumɛnu 2:3

N ya a latɛgɛ n yisi rɔ, n ko n ni n to baan ma ha n kun ta ni fin kɔnɔ n hɛnkili ye nyɔ wo bɛɛ rɔ. Nde ya a lɔn ko ma siyi-fɛ ma yan min kɛ, kɛ ko-sufa le si a ma, mɔgɔ ni taran a diya wati-kundu-nɛ wo kɔrɔ.

Makawandili Kumɛnu 3:14

Alla ara min nadan, wo si to burubukai! N bara wo yen. Fen ti bɔ a la, fen ti sa a kuma. Ni i ya a yen, Alla ye kɛ mala, a ya wo ma alako mɔgɛ ni kilan a la ka a gbiliya.

Makawandili Kumɛnu 5:7

I mara kiyo-siyaman-sala la wo, i mara wɔli-fufafu-kɛla la wo, i mara kuma-pɔrɔtɔ-parata-fɔla la wo, ko kelen fisa wo bɛɛ ko. I wa Alla yili-madiya fan min na, fɔ i ni kilan Alla la ka a gbiliya.

Makawandili Kumɛnu 6:12

Yon si mɔgɔ-munanfaga-koe lɔn duninya kɛ rɔ min tagbɛlɛ? Bawo mɔgɔ siyi-tele kunduyani de iko ninɛ. Yon si i kan-kɔma-koe lɔn duninya kɛ rɔ ni i fagara?

Makawandili Kumɛnu 7:18

I kana nyimayɛ anubɛ wunduyogoyɛ matuntun anu nyɔgɔn ye. A bɛɛ ra ni kɛnya i bolo bɛrɛtɛ! Ni i kilanta Alla la, i bɔra fenfen wara-koe rɔ, i si ta yarɔ ma.

Makawandili Kumɛnu 8:12

Hali mɔgɛ ya ko-yogomɛ kɛ iko kɛmɛ, a ni to a niyi la kɔnɔ n lanɛ a la ko min bi Alla gbiliyala, wo wara-koe si tenbi karagbɛlɛtɛ la.

Makawandili Kumɛnu 8:5

Fananta i ye mansɛla tɔnnu tola a gbɛ rɔ, i ti nanparan sɔrɔn a bolo. Hɛnkilimɛ le ya a lɔn a si mansɛla tɔnnu to a gbɛ rɔ nya min anubɛ a wati ma.

Maika 6:8

Nɛbi Maika ko, “Ma si min ma wona, Mari ara wo fɔ ma ye nun. A ye nyinina minnu ma ma bolo, wo le kɛnu na. A dabira fɔlɔtɛ, a ko ma ni ko-latelennɛ kɛ. A fila nyɔgɛ, ma ni ma nyɔgɔn keni anubɛ Alla. A sawa nyɔgɛ, ma ni Alla diyana-koenu kɛ gbiliyɛ rɔ.

Luka 1:50

Ka a bi n benba benbɛnuta wati ma ha ka yigi, min bɛɛ kilannɛ Alla la ka a sako kɛ, a si kinikini wonu ma.

Tɔn-Fɔɛ-Fila-Nyɔgɛ 10:12

Musa ya a fɔ tun ko, “Wo Mari ye nyinina min ma wo bolo, wole Isirɛla mɔgɛnu, wo ni wo tole masɔ wo la. Wo ni Alla bato ka ata kumɛnu bira ka a ma iko a ya a fɔ wo ye nya min. Wo ni a keni ka ata wɔlɛ kɛ wo yisi bɛɛ la,

Tɔn-Fɔɛ-Fila-Nyɔgɛ 10:20

Wo ni wota Mari Alla gbiliya ka ale kelen pe bato. Wo ni ma lanaya-mɔgɛ la ale Alla ye ka wola lanyirinu kiri ale kelen pe tɔgɛ rɔ.

Tɔn-Fɔɛ-Fila-Nyɔgɛ 4:2

N bi nala min fɔla wo ye, wo kana fenfen sa tɔn wo kuma, ado wo ka fen bɔ a la. N bi nala ma Mari Allata kumɛ minnu fɔla wo ye kɛ la, wo ni wo bira gben!

Tɔn-Fɔɛ-Fila-Nyɔgɛ 6:2

Wole wo, wola dannu wo, anubɛ wo mamanɛnu ni to wota Mari Alla gbiliyala ka ata tɔnnu bira. Fananta wo ye wo niyi la, ni wo ya wo ma, wo si mɛ siginɛ nyamanɛ wo rɔ.

1 Pita 2:17

Wo ni mɔgɛ bɛɛ gbiliya. Wo ni wo ta-nyɔgɛ dɛnkɛninya-mɔgɛnu keni. Wo ni kilan Alla la ka nyamani-tigi gbiliya.

Lankɛnimayɛ 19:5

Wo kɔma, kuman-kan bɔra mansaya-sigi-fan wo rɔ. A ko, “Mata Allata wɔli-kɛlɛ bɛɛ ni a tanto anubɛ mɔgɛ bɛɛ minnu kilannɛ a la, a dɔgɔma wo, a kinama wo!”

1 Samuwɛli 12:24

Wo ni Marila tɔnnu bira ka ata wɔlɛ kɛ wo yisi bɛɛ la. A ya ko-makawanɛ minnu ma wo ye nun, wo ni wo miri wonu ma.