Makawandili Kumɛnu 11:9 - ALLALA KUMƐ

⁹ Wole fonikenu! Wo ni wo nyɛrɛ ladiya. Fananta i pose, i ni i tele kɛ. Ko-wo-ko di i ye, wo ma fasai! Kɔnɔ i miri de, lunyɛ do, i wara koe min bɛɛsi ma, fɔ Alla wa i kiti wonuna ko la.

Makawandili Kumɛnu 11:9 ပူးပေါင်းရင်းမြစ်များ

Ko-Dabirɛnu 3:6

Woletɔ musi wo ya bɔra kɔlɔma-gbɔɛ wo la bawo a kin. A dɔn-sɔgɛ ya a bira. A ya a lɔn ko ni a ya a dɔn, a si hɛnkili sɔrɔn. A ya wo gbɔɛ do keri ka a dɔn ka do di ala kei ma. Wo fanan ya do dɔn.

1 Mansɛnu 18:12

N ba ta a fɔ a ye ko i ye yan tɔ, ni Allata Sɛnbɛ tara i la kan tinɛ do rɔ don? Ni a nara don, a ma i taran yan tɔ, a ti n faga? I miri de, kebi n dennɛ, n bi Mari batola a kila-bɛrɛbɛrɛ fɛ.

1 Mansɛnu 18:27

Nɛbi Ilaya ya anu mayɛlan dabira tele-latelen-wati wo rɔ. A ya a fɔ anu ma ko, “Wo ni wɔrɔndɔ matarali-kɛ-tinɛ. Tumado Beyali ye a miri tinɛ le. Wo ni wo raya de! Tumado, a ara ta da kɔma. Ni wo ma, a ara a maga. Wo ni a lakunden, tumado, a ye kinɔgɛ le tɔ kɔrɛ.”

1 Mansɛnu 22:15

Ale nɛbi kenɛ Mansa Ehabu ma, mansɛ ya a manyinika ko, “Malebɛ Mansa Yɛhosafati ni ta Ramɔti kɛnu kɛlɛ, ka, ma ka ta?” Nɛbi Mɛkaya ya a fɔ a ye ko, “Awa, ta anu kɛlɛ tun. Fɔ i wa anu nɔ serr! Mari si anu don i bolo.”

Yobu 31:7

Ni n bara kilɛ boloka tele-kelen-bɛrɛni, n ni a ma, karagbɛlɛyɛ ni n sagan a wara la, ni n bara kɔsɔ hakɛ-kɛ bolo,

Yaburi 81:12

Woletɔ n sɔnta, bɛɛ tora ala tolo-gbɛlɛyɛ la. Bɛɛ ya a ma iko a di a ye nya min.

Makawandili Kumɛnu 12:1

I tenbi fonikeyɛ rɔ, i miri i Dali-Mari ma. Wati-gbɛlɛyanɛnu bi nala i si a fɔ ko, “Koe bɛɛ bɔrɔ ara bɔ n ye.”

Makawandili Kumɛnu 12:14

Ma ya ko-wo-ko ma, Alla si ma kiti wola ko la. A yogoma wo, a nyima wo, hali a dogonta koenu, a si ma kiti wo bɛɛla ko la.

Makawandili Kumɛnu 2:10

N diyana-koe bɛɛ kɛra n ye. N hɛnkili ye koe min bɛɛ ko, n ya wo bɛɛ lakɔrɔsi. N ya nɔnfulu-tigiyɛ min sɔrɔn nna wɔlɛ la, wo ya n hɛnɛ, ado wo le mara n sarɛ la.

Makawandili Kumɛnu 3:12

Nba, min fisa, mɔgɔ tenbi a niyi la, a ni to a nyɛrɛ ladiyala a siyi-tele-bɛɛ kɔrɔ.

Makawandili Kumɛnu 3:17

N ya n miri n nyɛrɛ ma ko Alla si telenbɛlɛnu anubɛ telenbagɛnu kiti bawo koe bɛɛ ani a wati le.

Makawandili Kumɛnu 6:9

Wo ragbɛlɛ. Wo mani de iko mɔgɛ tenbi fɔnyɔ birala. Yanni mɔgɔ yɛ ni to bɔla fan bɛɛ la tuma-wo-tuma, a fisa, min bi a bolo, wo ni a hɛnɛ.

Makawandili Kumɛnu 7:14

I wara-koe tenbi tala a kilɛ fɛ, i ni nyagalen. Ni tɔrɔyɛ fanan nara i ma, i ni a lɔn ko Alla le si kun-nadiyɛ anubɛ tɔrɔyɛ di mɔgɛ ma. Mɔgɔ ma a lɔn ni min bi nala mala a la yarɔ ma.

Yɛrɛmaya 23:17

Wole minnu ya wo ban wo tolo-masɔ-koe ma ale Mari kan la, nɛbinu bi a fɔla wo ye ko, “Koe bɛɛ ye tala a kilɛ fɛ.” Wole minnu tolo-gbɛlɛ, nɛbinu kɛnɛna a fɔla mɔgɛ wonu ye ko kasara-sumɛ ti sigi wo ma.

Yɛrɛmaya 7:24

Kɔnɔ a ko wo benbanu ma sɔn anu tole masɔla a la. Anu tole gbɛlɛ nun. Anu taranta anu nyɛrɛ diyana-koenu denu mala. Anu ma to tala yarɔ fɔ ka to sɛgila anu kɔma.

Nimisa Koe 3:27

A fisa, mɔgɛ tenbi a pose rɔ, a ni munyu-koe makaran.

Yilan-Yilan Koe 15:30

“Ni mɔgɛ do ya a tui ka tɔn wo do tinya, a ara bila nde, Mari la. Wo si mɔgɛ wo bira ka a faga. Wo mara dugurɛn na wo, a mara sundan na wo, wo tigi si faga

Yilan-Yilan Koe 15:39

Wo wa a bunsan kɛnu yen tumɛ min, wo si wo miri Marila tɔnnu ma ka anu bira. Wo si a ma, wo ti wo nyɛrɛ sako kɛ ka wo kan-kɔ sɔ a la.

Yilan-Yilan Koe 22:32

Melika ya a manyinika a fanka la, a ko, “Nfen ya a to gbɛ, i wara ila sofɛlɛ gbesi kɛ nya na iko sawa dɛgɛdɛgɛ? N bara na kilɛ tɛgɛ tinɛ i ma. I ye tala koe min na kɛ la, wo ma n hɛnɛ mumɛ!

Matiyu 5:28

Kɔnɔ kaka, n bi a fɔla wo ye ko min ba musi mafɛlɛn ha a sɔgɛ ni a bira ko a ni a masɔrɔn, wo mɔgɛ ara ban yɛlɛnyɛ kɛla a yisi rɔ.

Luka 12:19

Wo kɔma, n si a fɔ n nyɛrɛ ye ko, “Nde harayɛgɛ-tigi, n mako ye fen-nyimɛ min bɛɛ la san siyaman kɔrɔ, n bara wo bɛɛ sɔrɔn. N ni n sigi n fanbolo fen dɔn tinɛ ka n min gbɛɛtorenu fɛ ka n nyɛrɛ lasewa!” ’

Kɛwɔlɛnu 14:16

Fɔlɔ-nun, Alla sɔnta ko mɔgɛ bɛɛ ni to anu nyɛrɛta kilɛ fɛ.

Kɛwɔlɛnu 24:25

Kɔnɔ Pɔli wulita kumala ko-nyima-kɛ-koe anubɛ nyɛrɛ-bira-koe anubɛ kiti-tɛgɛ-tele-koe ma min kɛ, Mansa Filikisi kilanta. A ko, “Wo ara a bɔ. Ta fɔlɔn. N ba fɛrɛ sɔrɔn tumɛ min, n si i kele.”

Romu 14:10

Ile min bi i dɛnkɛninya-nyɔgɛ rasɛla, i ye wo mala nfenna? I ye i dɛnkɛninya-nyɔgɛ lafɛyala nfenna? Kiti-tɛgɛ-lunyɛ, ma dama si sɔ Alla yakɔrɔ,

1 Kɔrɛnti 4:5

Woletɔ wo kana mɔgɔ-wo-mɔgɔ kiti yanni a wati ni ke. Mari wa na, kiti-laban fɔla-wati wo le. A si mɔgɛnu miriya anubɛ pinpirɔ-koenu nabɔ gbɛ rɔ. Nba, wo le si a ma, bɛɛ ni matɔgɔlɛ sɔrɔn Alla bolo iko a bɛnnɛ nya min.

2 Kɔrɛnti 5:10

Ma ye a fɛ ka a hɛnɛ bawo a fɛrɛ sa fɔ ma dama ni ma sɔ gbɛ rɔ Kirasitila kiti tɛgɛ tinɛ yarɔma. Ma kelen-kelennamɛ-bɛɛ si kiti ka wo sɔrɔn iko a bɛnta ma ma nya min. Ma tenbi fɛrɛ-bɔnkɛ kɛnu tɔ, ni ma ya min ma, a mara a nyima la wo, a mara ko-fuyi la wo, ma ye wo sarɛ sɔrɔnna le, yɔ!

Tɔn-Fɔɛ-Fila-Nyɔgɛ 29:19

“Ni mɔgɔ-sufa wo ya lanyiri-kumɛ kɛ lamɔɛn, a ni duwa-kumɛ wo labira a nyɛrɛ ye kɔnɔ a yisi rɔ, a ye a fɔla ko, ‘Sɔ de, n bi min mala, n ni wo ma n ye. N ti nanparan mumɛ sɔrɔn.’ Ni min ya a tui ka wo ma, wo tigi si nanparan lana wo bɛɛsi kuma. Mɔgɔ-nyima wo, mɔgɔ-koron wo, wo bɛɛ si faga.

Hiburunu 9:27

A fɛrɛ sa fɔ mɔgɛ bɛɛ ni faga iko kelen pe, wo kɔma, Alla ni anu kiti tɛgɛ.

Yasowa 7:21

N ya Babilɔn duruku-kinyanɛ do yen Yɛrikɔ soe burɔ anubɛ wodi-gbɛ anubɛ sɛnɛ-gbu kelen. Wonu sɔgɛ ya n bira, woletɔ n ya anu bi. I si anu taran nna fani-bɔn la, a sanɛ dugu kɔrɔ. Duruki anubɛ sɛnɛ, wo sanɛ wodi-gbɛ kuma.”

2 Pita 3:7

Kɔnɔ san-kole anubɛ dugu-kole min bi kaka, wonu maranɛ Allala kuma kelen pe wo le fɛ alako a si mɔgɔ-yoge wo kiti nya min ka anu halaki tɛ la. Anu maranɛ halaki-telela ko la, yɔ!