Makawandili Kumɛnu 11:8 - ALLALA KUMƐ

⁸ Fananta mɔgɛ ye a niyi la duninya kɛ rɔ, a ni to a nyɛrɛ ladiyala bawo a ye wati min nyɔgɔn bɔla pinpi rɔ lakira, wo siya yantɛ ko pirr! Wo bɛɛ ragbɛlɛ.

Makawandili Kumɛnu 11:8 ပူးပေါင်းရင်းမြစ်များ

Yobu 10:21

A ti mɛ tun, n si ta bɛɛ ta tinɛ, ado n ti sɛgi tun. N bi tala pinpi-makilanni-bɛ le tɔ.

Yobu 10:22

N bi tala kan min, fenfen sa nyɔ fɔ pinpi anubɛ nini-pinpi-nɛ anubɛ yakɔrɔ-mamɔɛ. Hali wan-takanɛ min bi nyɔ, wo mani de iko pinpi.

Yobu 14:10

Kɔnɔ hadama-dan wa faga, a wara-koe ara ban. A wa a niyi layigi, atɛ ara ban sa!

Yobu 14:12

Hadama-dan fanan wara-koe ye kala-a-la wo nya na le. Fananta san-kole ye nyɔ, anu ti kunden. Anu ti anu mamaga doni-bɛrɛni anuna kinɔgɛ wo rɔ.

Yobu 15:23

Dogɛnu bi karagbɛlɛ suyi makɔnɔna. Wonu ya a lɔn ko a wara-koe sa mɛla kala-a-la.

Yobu 18:18

Anu si a gben mɔgɔ-nimɛnu tɛma ka a wara-koe ka-a-la. Anu si a bi wan-takanɛ rɔ ka a latuntun pinpi rɔ.

Yaburi 49:20

Hali mɔgɔ makawara, sayɛ ti gban a kun na. Fɔ a wa faga iko soge.

Makawandili Kumɛnu 11:2

I ni ila wodi lamara kan-tina-siyaman tɔ bawo i ma a lɔn kasarɛ ye bɔla kan bara la.

Makawandili Kumɛnu 2:15

N ya n miri ko ni kuntan anubɛ hɛnkilimɛla ban si ma le kelen na, tɔnɔ-nyamintan bi nna hɛnkilimayɛ la worɔ? Tɔnɔ-wo-tɔnɔ sa wo la! Kɛ fanan tagbɛlɛ.

Makawandili Kumɛnu 2:17

Ka to n niyi la, wo bɛɛ sɔgɛ la ara bɔ n na lasi, bawo n ma kun-nadiya sɔrɔn kɛ fenfen tɔ. Wo bɛɛ ragbɛlɛ kati! Wo mani de iko mɔgɔ tenbi fɔnyɔ birala.

Makawandili Kumɛnu 2:19

Ado nfan, ni hɛnkilimɛ le wo la, kuntan le wo la, n ti wo lɔn. N bara tɔrɔ min bɛɛ nyinɛ la wo, nna hɛnkilimayɛ ara min di n ma wo, wo bɛɛ si to wo tigi ye fu! Wo ragbɛlɛ kati!

Makawandili Kumɛnu 2:26

Alla le ye hɛnkilimayɛ anubɛ ko-kɔrɔ-lɔn anubɛ sewɛ dila wo mɔgɛ ma min bi ale Alla hɛnɛna. Kɔnɔ Alla ye a mala, hakɛ-tiginu bi wɔlila ka anu sɔrɔn-fannu namara alako min bi anu bolo, wo ni to Alla-sako-kɛlɛnu ye. Wo bɛɛ ragbɛlɛ. Wo mani de iko mɔgɛ tenbi fɔnyɔ birala.

Makawandili Kumɛnu 4:16

N bara nyama-belebele min tayen, wonu siya duk! Kɔnɔ tɔ-a-la, hali ale kemini-hɛnkilimɛ, anu gbunyara a kɔrɔ. Kɛ damasi ragbɛlɛ. A mani de iko mɔgɛ tenbi fɔnyɔ birala.

Makawandili Kumɛnu 4:8

Mɔgɛ do ye nyɔ, a kelan le siginɛ. Den sa a bolo, ado a na-kelen-nyɔgɔn sa. A sɛbɛ donnɛ wɔlɛ ma bɛrɛbɛrɛkɛ kɔnɔ a ye fan minnu sɔrɔnna, wonu ti a wasa. A ye wɔli-belebele wo kɛla yonna ko la ka a kan-kɔ sɔ nyɛrɛ-ladiyɛ la? Mɔnima-wɔli-su wo ragbɛlɛ de!

Makawandili Kumɛnu 6:11

I ye tola sɔsɔli sala nya min, i la ye tola fɛyala wo nya na le, ado ala ban si gbɛlɛya i kuma.

Makawandili Kumɛnu 6:6

min ya hali san waga fila bɔ kɔnɔ a ma a bolo-fen-diya bɔ. Anu fila bɛɛ si a laban sayɛ le ma.

Makawandili Kumɛnu 7:14

I wara-koe tenbi tala a kilɛ fɛ, i ni nyagalen. Ni tɔrɔyɛ fanan nara i ma, i ni a lɔn ko Alla le si kun-nadiyɛ anubɛ tɔrɔyɛ di mɔgɛ ma. Mɔgɔ ma a lɔn ni min bi nala mala a la yarɔ ma.

Makawandili Kumɛnu 8:12

Hali mɔgɛ ya ko-yogomɛ kɛ iko kɛmɛ, a ni to a niyi la kɔnɔ n lanɛ a la ko min bi Alla gbiliyala, wo wara-koe si tenbi karagbɛlɛtɛ la.

Makawandili Kumɛnu 8:15

Woletɔ a ma to fenfen ma duninya kɛ rɔ fɔ ladiyɛtɛ. Fenfen sa fen-dɔn anubɛ minni anubɛ sewɛ kɔma. Hali i ma fen-bo-fen sɔrɔn i siyi-tele kɔrɔ Alla ye min dila i ma kɔnɔ i tenbi wɔlila, ni i ye kɛ kun na, i ye i diya.

Makawandili Kumɛnu 9:7

Woletɔ ta fen dɔn sewɛ rɔ, i ni minni-fan min i fanbolo bawo i ye min kun na, Alla ara sɔn wo ma, bi ma!

Yɛrɛmaya 13:16

Wo ni wota Mari Alla gbiliya. Yanni pinpi ni don wo ma, wo ni a gbiliya. Yanni wo ni tonko-tankan kɔnkɛnu ma pinpi rɔ wo ni a tanto! Wo yili-madiyanɛ wan-takɛ min ma, Mari si wo yɛlɛma pinpi-fin-bɛ la.

Yowɛli 2:2

Pinpi si burun wo kuma wulɔn. Wo yisi si pirinkan. Kɛlɛ-den-siyamɛnu tɔnkɔnyɔ si na iko banda-finyɛ si ta sala tele ya-ma nya min. Wo nyɔgɔn kɛlɛ-den ma na wɛ, ado wo nyɔgɔn ti na tun.

Matiyu 22:13

Mansɛ ya a fɔ ala wɔli-kɛlɛnu ye ko, ‘Wo ni a bole anubɛ a kian lakiri ka a lakɛ pinpi rɔ pon! Mɔgɛnu si di ka anu nyin masɔgɔ dumɛ rɔ kan min.’ ”

Yɔni 12:35

Yisa ya anu yabi ko, “Waan si to wo fɛ wati-ni fɔlɔn. Yanni pinpi ni burun wo ma, wo ni to tagamana waan wo rɔ, ado min bi tagamana pinpi rɔ, wo ma a ta tinɛ lɔn.

Tɔn-Fɔɛ-Fila-Nyɔgɛ 32:29

Wo ma ke a lɔnna wo yogenu ya wo nɔ nya min. Wo ma a lɔn min mara wo la.

Yude 1:18

Anu ya a fɔ wo ye ko, “Tele-laban-lunyɛ wa ke tumɛ min, wo mayɛlɛnnɛnu si na. Anu bilanɛ anu nyɛrɛ nata-yogomɛnu denu fɛ tolon!”