Makawandili Kumɛnu 10:8 - ALLALA KUMƐ

⁸ Mɔgɛ si bui ala denka-sinnɛ le tɔ. Ni mɔgɛ ya tarɛ kɔrɔbɔ, duguma-fan le ye a kin na.

Makawandili Kumɛnu 10:8 ပူးပေါင်းရင်းမြစ်များ

2 Samuwɛli 17:23

Ahitafɛli ya a yen min kɛ ko anu sa ata kawandili-kan birala tun, a ya kirikɛ sa ala sofɛlɛ kuma. A sigira a la ka a warɛ-kilɛ bira. A ke a warɛ-soe burɔ, a ya a kɛɛ ratala. A ban wo la, a tara a dun kɔlɔma la ka a nyɛrɛ faga. Anu ya a furi bi ka ta a togon anuta kebila kaburu-soe la.

2 Samuwɛli 18:15

Wo kɔma, ale Yohabula kɛlɛ-dan mɔgɔ tan bi nyɔ. Wonu nara ka Abasalɔm naban.

Ɛsita 7:10

Nba, anu ya Heman dun ala mɔgɔ dun tinɛ wo la, a ya min nadan Mɔdekɛyai tɔgɔ rɔ nun. Wo ban, Mansɛ yisi nara to kimɛla.

Yaburi 57:6

N yogenu ya gbɛrɛ min nasigi n ye wo ya n yigi tɛgɛ son! Anu ya denkɛ sin nta kilɛ la kɔnɔ anu denu-denu buira denkɛ wo rɔ.

Hɛnkilimaya-Kumɛnu 11:6

Telenbagayɛ si mɔgɔ-telennɛ bɔ yakɔrɔ-mamɔɛ rɔ kɔnɔ mɔgɔ-telenbɛlɛta nata si ma gbɛrɛ la a ye.

Hɛnkilimaya-Kumɛnu 26:27

Ni mɔgɛ ya denkɛ tɛgɛ a ta-nyɔgɛ ye, wo tigi ti bui wo rɔ fɔ ale. Ni i ya kuri min nakuru-kurun i bɔla ko la, wo ye bɛnna ile le la.

Makawandili Kumɛnu 10:9

Kuri si kuru-tatiilɛ le tanban. Sɔgɛ si sɔgɔ-ratiilɛ le tanban.

Emɔsi 5:19

Wo si ma iko kei min bi a burila yarɛ kɔrɔ ka ta bɛn suluki la. A wa a buri wo fanan kɔrɔ tumɛ min ka ta ala bɔn la alako a ni kisi, a wa a gbɔnkun ala bɔn rɔ, gbanwore fanan si a kin.

Emɔsi 9:3

Ni minnu ya a dogon Kamɛli kɔnkɛ kuma, a ko a si a nyini nyɔ ha a ni wo yen. Hali minnu ya a dogon kɔgɔ-yi-dumɛ rɔ, a ko a si a fɔ ala yi-kɔrɔ-fen-makilanni-bɛ ye ko a ni wo kin.

Kɛlɛ-Kurugbɛnu 9:5

Kidiyɔnla dan Abimɛlɛki ya a fa-kelen-dan wonu bi ka ta anu na anu fa warɛ Ɔfara soe burɔ. A ya a na-kelen-nyɔgɛ mɔgɔ bi-wɔrɔnfila bira anu faga-koe la farɛ do kuma nyɔ. Kɛ bɛɛ rɔ fɔ mɔgɔ kelen, wo le kunyɛ bɔra a rɔ. Anu dɔgɛ laban Yɔtam, wo le ya a buri a kɔrɔ ka a dogon.