Makawandili Kumɛnu 10:10 - ALLALA KUMƐ

¹⁰ Tɛgɛran min da sa a la bawo i ma a dɛ lasa, wo si a ma, i ni wɔli kosɛbɛ! Woletɔ hɛnkilimɛ si koe bɛɛ rabɛn yanni a wati ni ke.

Makawandili Kumɛnu 10:10 ပူးပေါင်းရင်းမြစ်များ

1 Mansɛnu 3:9

Awa, i ni hɛnkili di n ma alako n si ke nya min ka mɔgɛ wonu kiti ka ko-nyimɛ anubɛ ko-yogomɛ dan-nafarɛ lɔn. Ni wo ma, n si ke mɔgɔ-sɛrɛ-wɛ kɛnu kitila kama ka mansayɛ kɛ?”

1 Ko-Kɔrɔta-Karan 12:32

Kɛlɛ-dan minnu bɔra Isakari bɔnsɔn rɔ, wonu kun-tiginu yatɛ bɛnta mɔgɔ kɛmɛ fila ma, ado anu nara anuna kɛlɛ-dannu na anu bolo. A bɛnta, Isirɛla mɔgɛnu ni min ma a wati-bɛnnɛ rɔ, wo hɛnkili ye anu denu denu bolo.

Makawandili Kumɛnu 10:11

Duguma-fen-bira-bɛsɛ ye ile min bolo, ni duguma-fan ya ile kin, ko ma bɔ ila bɛsi-koe wo rɔ.

Makawandili Kumɛnu 10:15

Kun-takolɔn ye a nyɛrɛ labandanna wɔli-nɛ la. A si a nyɛrɛ labandan so-kilɛ nyini tinɛ.

Makawandili Kumɛnu 10:9

Kuri si kuru-tatiilɛ le tanban. Sɔgɛ si sɔgɔ-ratiilɛ le tanban.

Makawandili Kumɛnu 2:13

Tonyɛ le, yɔ! Hɛnkilimayɛ fisa kuntanyɛ ko iko wan-takanɛ tenbira pinpi la nya min.

Makawandili Kumɛnu 9:18

Hɛnkilimayɛ fisa kɛlɛ-kɛ-miran-siyamɛ ko kɔnɔ ko-yogoma-kelen si ko-nyima-siyaman tinya.

Matiyu 10:16

“Wo ni wo tole masɔ! N bi wo latala sulukinu tɛma iko sagɛnu. Wo ni halliya iko duguma-fannu. Wo ni ma kɛlɛ-tɛgɛbɛlɛ la iko kangbɔɛnu.

Romu 16:19

Mɔgɛ bɛɛ ara wola lanaya-koe lamɔɛn kibara-nyimɛla ko la. Woletɔ n sewanɛ wola ko la. N bi a fɛ, wo ni ma hɛnkilimɛnu na ko-nyimɛ warala kɔnɔ wo ni ma mɔgɔ-magbalanɛnu na ko-yogomɛ warala.

1 Kɔrɛnti 14:20

N na-kelen-nyɔgɛnu, wo kana ma iko dennɛnu wo miriyanu tɔ. Wo ni ma den-pulan la ko-yogomɛ kɛ-koe rɔ kɔnɔ wo ni ma kinanu na wo miriyanu tɔ.

Tɔn-Fɔɛ-Fila-Nyɔgɛ 32:41

Mari ko a si ata faan dɛ lasa alako telenbagayɛ ni to wole anubɛ wo yogenu tɛma. A si wo tayili sara wo yogenu na ka a yogenu tɔrɔ ale ma di minnu ye.

Kɔlɔsi 4:5

Wo ni ma hɛnkilimɛnu na dɛnkɛninyabɛlɛnu bara la. Wo ye fɛrɛ min bɛɛ sɔrɔnna, wo kana wo tinya.

Yemesi 1:5

Ni min hɛnkili dasanɛ, wo tigi ni Alla matara. A si hɛnkili di a ma bawo Alla le si mɔgɛ kɔ foninsereyɛ la. A si sewa wo tigi la, ado a ti mɔgɔ lafɛya.