Makawandili Kumɛnu 1:13 - ALLALA KUMƐ

¹³ N ya n nyɛrɛ to karan ma alako koe min bɛɛsi ara ma duninya rɔ, n ni wo bɛɛ kɔrɛ lɔn. N bara a yen ko Alla ara dunu-belebele-wɛ le sigi ma kuma kɛ la.

Makawandili Kumɛnu 1:13 ပူးပေါင်းရင်းမြစ်များ

Ko-Dabirɛnu 3:19

I ti i beli-fan sɔrɔn ni i ma wusi tirindi. I si to wusi tirindila ha i ni sɛgi bɔnkɛ rɔ tun bawo i bɔra bɔnkɛ le tɔ, ado i ye sɛgila bɔnkɛ le tɔ tun.”

Yobu 28:3

Hali pinpi burunnɛ dugu-kɔrɔ bɛff, anu bi nɔnfuli nyinina nyɔ rɔ. Anu bi kuru-da-gbɛlɛ wonu sinna pinpi rɔ.

Yaburi 111:2

Mari ara kabana-koe minnu nadan, wonu makawara! Ni kabana-koe wonu diyara minnu ye, anu si to anu mirila wonu ma.

Hɛnkilimaya-Kumɛnu 18:1

Mɔgɛ min ti hɔn a ta-nyɔgɛ la fɔ a nyɛrɛ, wo tigi ye hɛnkilimayɛ lafɛyala.

Hɛnkilimaya-Kumɛnu 18:15

Hɛnkilimɛ si karan tuma-wo-tuma, ado tuma-wo-tuma, a ye hɛnkili-kura-nyinɛ la.

Hɛnkilimaya-Kumɛnu 23:26

Nna den, i yɛ sɔ n na. I ni i sanka n ma ka n kɛ-nya bi.

Hɛnkilimaya-Kumɛnu 25:2

Ma si Alla gbiliya bawo a sa-koe bɛɛsi sala ma ye gbɛ ma. Ma si mansɛnu fanan gbiliya bawo anu si koenu fɛsɛfɛsɛ a kilɛ fɛ.

Hɛnkilimaya-Kumɛnu 4:7

Hɛnkilimayɛ kolo koe bɛɛsi ko woletɔ i ni i raya ha ka a kɔrɛ lɔn.

Makawandili Kumɛnu 1:17

N sigira ka n miri. N ko n ni hɛnkilimayɛ anubɛ kuntanyɛ dan-nafarɛ lɔn. N ya wo bɛɛ lakɔrɔsi. Wo mani de iko mɔgɔ wa a fɔ ko a ye fɔnyɔ birala.

Makawandili Kumɛnu 11:5

Ni mɔgɛ si a lɔn dan ye mala mɔgɛ la nya min a na burɔ, mani mɔgɔ si ke a lɔnna Alla ye min kun na bawo Alla le ye fan bɛɛ ladanna.

Makawandili Kumɛnu 12:12

Nna den, a ma i fɛrɛma fanan koe dola ko la. Kɛdi-sɛbɛ ti ban, ado karan-ba-dɛgbɛ si mɔgɛ rabɔ le.

Makawandili Kumɛnu 2:23

Fananta i ye i niyi la, i ya ko-wo-ko ma, wo ti fenfen nyinya i ma fɔ yisi-gbalɛ anubɛ mɔnɛ. Hali i sanɛ suyi rɔ, i yisi ti kimɛ. Wo bɛɛ ragbɛlɛ!

Makawandili Kumɛnu 2:26

Alla le ye hɛnkilimayɛ anubɛ ko-kɔrɔ-lɔn anubɛ sewɛ dila wo mɔgɛ ma min bi ale Alla hɛnɛna. Kɔnɔ Alla ye a mala, hakɛ-tiginu bi wɔlila ka anu sɔrɔn-fannu namara alako min bi anu bolo, wo ni to Alla-sako-kɛlɛnu ye. Wo bɛɛ ragbɛlɛ. Wo mani de iko mɔgɛ tenbi fɔnyɔ birala.

Makawandili Kumɛnu 3:10

Alla ara dunu-belebele minnu sigi male hadama-dannu kuma, nde ya wonu nakɔrɔsi.

Makawandili Kumɛnu 3:11

A ara koe bɛɛ wati latɛgɛ a kilɛ fɛ. Alla ara habadan-ko-lɔn-koe sigi hadama-dan yisi rɔ kɔnɔ hali wo, ka a bi duninya dabirɛ ma ha duninyala ban, mɔgɔ ti ban Alla wara-koe lɔnna dɛnkɛninyɛ kɔma.

Makawandili Kumɛnu 4:4

N bara a lɔn gbɛ, mɔgɛ bɛɛ sɛbɛ donnɛ wɔlɛ ma minna ko la. Ni i ya mɔgɔ-sɛbɛ-donnɛ yen, a sɔgɛ le a la, a ni tenbi a sigi-nyɔgɛ la. Hali wo, wo fanan tagbɛlɛ. Wo mani de fanan iko mɔgɔ tenbi fɔnyɔ birala.

Makawandili Kumɛnu 4:8

Mɔgɛ do ye nyɔ, a kelan le siginɛ. Den sa a bolo, ado a na-kelen-nyɔgɔn sa. A sɛbɛ donnɛ wɔlɛ ma bɛrɛbɛrɛkɛ kɔnɔ a ye fan minnu sɔrɔnna, wonu ti a wasa. A ye wɔli-belebele wo kɛla yonna ko la ka a kan-kɔ sɔ nyɛrɛ-ladiyɛ la? Mɔnima-wɔli-su wo ragbɛlɛ de!

Makawandili Kumɛnu 7:25

Nba, n ya n miriya mumɛ bɛɛ to ale hɛnkilimayɛ ma ka a lakɔrɔsi ka koe bɛɛ kɔrɛ lɔn. N ya wunduyogoyɛ lakɔrɔsi ka a lɔn minna ko la fenfen sa a rɔ fɔ kun-takolonyɛ.

Makawandili Kumɛnu 8:9

N ya n hɛnkili lamiri duninya-koenu kɔrɛ-lɔn-koe ma wati min, n ya ko kelen de yen. Wo le, sɛnbɛ ye mɔgɛ do bolo, a kɔrɔ-mɔgɛnu tɔrɔnɛ a bolo.

1 Timoti 4:15

I ni koe kɛ bɛɛ kɛ ka i nyɛrɛ di anu ma fasai alako bɛɛ ni i kolo-nya yen dɛnkɛninyɛ rɔ.