Maika 7:19 - ALLALA KUMƐ

¹⁹ I si kinikini ma ma tun. Ma ara hakɛ minnu kɛ nun, i si wonu bi ka anu sa i tontɛ kɔrɔ ka anu matɛn ka anu nafili kɔgɔ-yi-dumɛ-kuri la.

Maika 7:19 ပူးပေါင်းရင်းမြစ်များ

2 Samuwɛli 24:14

Mansa Dawuda ko, “Kɔndɔfili-bɛrɛbɛrɛ le kɛ la n bolo. A ma di n ye n hadama-den-nyɔgɛ ni n tɔrɔ. Yanni wo ni ma, ale Mari nyɛrɛ ni n tɔrɔ bawo kinikinɛ ye ale rɔ.”

Yaburi 103:12

Iko tele-bɔɛ fɛ-yan tele-yigi la nya min, a ye ma hakɛ masɛgila ma la wo nya na le.

Yaburi 130:8

A si wole Isirɛla mɔgɛnu kisi wo hakɛ bɛɛ ma.

Yaburi 85:3

I ya i fara diminyala anu ma. I ya a ma, ita diminya-belebele ma kɛ anu ma.

Aiseya 33:24

Mɔgɔ-wo-mɔgɔ ti kiraya-koe fɔ mala nyamanɛ rɔ, ado hakɛ bɛɛ ma si koto.

Aiseya 38:17

Nna gboyanayɛ mara n ye kun-nadiyɛ la. I taranta n natankala gbalo-koe bɛɛ ma. I ye n hakɛ bɛɛ makotola.

Aiseya 43:25

Kɔnɔ hali wo, a ko ma hakɛ-makotolɛ le ale Mari la. A ko a ye wo mala le ka a tɛgɛ a nyɛrɛla ko ma. A ko a ti ma bira ma hakɛ-yili la.

Yɛrɛmaya 31:20

Mari ko a diyana-den-bɛrɛbɛrɛ le Isirɛla mɔgɛnu na. A ko anu di a ye kosɛbɛ! A ko a nɛn-naban anu tɔgɔ ratɛgɛla, anuna keninteya ara don a rɔ. A ko a hɛnkili ti bɔ anu ko, ado anuna hinɛ si to a burɔ.

Yɛrɛmaya 31:34

Mɔgɔ-wo-mɔgɔ ti a ta-nyɔgɛ karan Mari wara-koe ma tun bawo ka a bi dennɛ ma ka a sigi kina la, bɛɛ si a lɔn. A ko a si wo hakɛ makoto. A ti a fonde lamiri wo sɔn-yogomɛnu ma. Mari kan le kɛ la.

Yɛrɛmaya 33:8

A ko anu bara hakɛ min kɛ ale Mari la, a si anu sɛninya hakɛ wo ma. A si anu makoto anuna murutiyɛla ko la.

Yɛrɛmaya 50:20

Wo wulɔn-tele wa ke, mɔgɔ ti hakɛ-wo-hakɛ taran Isirɛla nyamanɛ rɔ. Karagbɛlɛyɛ fanan ti taran Yuda nyamanɛ rɔ. Wo ye mala le bawo Mari ko a ara minnu niyi lakanan, a ara wonu makoto. Mari kan le kɛ la.

Nimisa Koe 3:22

Wo le iko Marita keninteya-dan-natɛgɛbɛlɛ anubɛ ata kinikinɛ min ti ban.

Nimisa Koe 3:32

Hali a ye tɔrɔyɛ sigila mɔgɔ ma, a si kinikini a ma bawo ata keninteyɛ da rakolo.

Isikiyɛli 18:22

N si nyina a hakɛ bɛɛ ko. A si to a niyi la bawo a ara ko-telennɛ kɛ.

Isikiyɛli 39:29

N si duwa nta mɔgɛnu ye ka n niyi labɔn Isirɛla mɔgɛnu kuma, ado n ti anu boloka wo nya tun! Nde, anu Tigi Mari le wara kɛ fɔ.”

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Hoseya 14:2

Wo sɛgi Mari ma. Wo ni matarali-su-kɛ kɛ ko, “Ma makoto ma hakɛ la ka mala matarali-kan labira. Wo kɔma, ma si i matɔgɔ iko ma ara lanyiri kiri i ye nya min.”

Hoseya 14:4

Mari ko, “N si wole nta mɔgɛnu gbɛrɛn n ma tun ka wo makoto wola lanayabɛlitayɛla ko la. N si wo keni n yisi bɛɛ la, ado n ti kɔrɔtɔ wo ma tun!

Sakaraya 3:4

Mari ya a fɔ a nyɛrɛ-kɔrɔ-wɔlilɛnu ye ko anu ni kei kɛla kura-nɔgɔnɛnu bɔ a ma ka ta anu na. Wo kɔma, a ya a fɔ ale Yasowa ye ko, “N bara i hakɛ makoto, ado n bi kura kurɛnu denu dila i ma gbɛ!”

Romu 6:14

ado nɔ-wo-nɔ sa hakɛ bolo wo kuma tun bawo wo sa Nɛbi Musata tɔnnu kɔrɔ tun fɔ Allata hinɛ.

Romu 8:13

Ni wo tora ko ladanna iko wo kɛ-nya-kɔrɛnu bi nya min, wo ye fagala le. Kɔnɔ ni Allata Ni-Sɛnimɛ ya wo dɛnbɛ ka hakɛ-koe faga wo rɔ, wo si ni-bɛrɛ sɔrɔn serr!

Tɔn-Fɔɛ-Fila-Nyɔgɛ 30:3

wota Mari Alla fanan si kinikini wo ma. A ya wo don bɔnsɔn minnu bolo nun, a si wo labɔ wonu tɛma. Wola koe bɛɛ si ta a kilɛ fɛ wo bolo tun.

Tɔn-Fɔɛ-Fila-Nyɔgɛ 30:6

Wota Mari Alla si miriya-nyimɛ don wobɛ wo kegeyɛnu yisi rɔ ka ata kuman-kan bira. Wo si a keni wo yisi bɛɛ la. Wo siginɛ si to nyɔ lanyiri-nyamanɛ rɔ.

Tɔn-Fɔɛ-Fila-Nyɔgɛ 32:36

“Mari wa a lɔn tumɛ min fanka sa wole Isirɛla mɔgɛnu na tun, a si wo kisi. A wa a yen wo niyi sani ma wola bɛsɛnu kuma tun, a si kinikini wole, a batolɛnu ma.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Hiburunu 8:12

Alla ko, “N si anu hakɛ makoto. N ti n hɛnkili to anu sɔn-yogomɛ ko tun.”

1 Yɔni 3:8

Ni min bi tola hakɛ kɛla, Setanɛta mɔgɛ le wo tigi la bawo Setanɛ ye hakɛ kɛla kebi fɔlɔfɔlɔ. Allala den Yisa bɔra gbɛ rɔ alako a ni Setanɛta kɛwɔlɛnu tinya feu!