Maika 7:14 - ALLALA KUMƐ

¹⁴ I yandi Mari, i ni ma ila mɔgɔ-yabɔnɛ kɛnu ye iko saga-fɛ-biralɛ. Ma ye dugi min tɔ kaka, dugu-hakika ma wo la. I yandi Mari, a ma, ma ni ta ma sigi Basan nyamani-hakikɛ rɔ anubɛ Kaliyadi nyamanɛ iko ma benbanu ya a ma nya min wati-tenbinɛ.

Maika 7:14 ပူးပေါင်းရင်းမြစ်များ

Yaburi 100:3

Bɛɛ ni a lɔn wo ma ko Mari le Alla la. Ale le kelen pe ya ma dan, ado a halalɛ le male la. Ata mɔgɛ le male la, ado ma ye ata saga-wɔrɛ rɔ.

Yaburi 143:5

N bi n mirila ko-kɔrɔmɛnu ma. N hɛnkili ye i kɛ-nya-kɔrɛnu ma fɔlɔn. N yili tonɛ ila ko-ladan-bolenu ko.

Yaburi 28:9

E, Mari, ila mɔgɛnu nakisi. I ni ita duwɛ layigi anu kuma. I ni ma anu makandannɛ la iko saga-kandanna-nyimɛ si sagɛnu makandan nya min. I ni to anu fɛ-birala tɛban!

Yaburi 95:7

Ale le mata Alla la. Wo mɔgɛ le ma la minnu fɛ-biranɛ a bolo. Ala sagɛ le male la a ye minnu de-nyinina. Wo ni wo tole masɔ a kan la bi.

Bɔ-Koe-Iyipiti 33:16

Ni i ma ta ma fɛ, mɔgɛnu si a lɔn kama ko mabɛ ila mɔgɛnu di i ye? Kɔnɔ ni i tara ma fɛ, dan-nafarɛ si taran male Isirɛla mɔgɛnu anubɛ duninya-mɔgɛ bɛɛ tɛma.”

Keninteya-Siginu 4:1

N diyana-musi, i kin dɔgɔma-ma-de! I yɛ kɛlɛlɛ i yakɔrɔ-masansan-kurɛ kɔma. I kun-sigi mɔlɔlɛ iko baa minnu yigimatoe ye bɔla Kaliyadi kɔnkɛnu tɔ.

Aiseya 27:13

Wo tele-nyɛrɛ wa ke, buru-kan si bɔ min bi mɔgɛnu takelela ka bɔ Asiriya anubɛ Iyipiti nyamanɛnu tɔ, kɛlɛ tara minnu na, kɔni. Anu si na Mari bato Yerusalɛm soe burɔ ata kɔnkɔ-sɛnimɛ kuma.

Aiseya 35:2

Wulɛ wo si sigi sa ka sarandɛ ratii sewɛ bolo. Nyɔ si kinya iko Lɛbanan kɔnkɛnu. A dugi si kinya iko Kamɛli kɔnkɛ anubɛ Sarɔn lɛɛ ye nya min. Mɔgɛ bɛɛ si Marita fanka anubɛ ata gbiliyɛ yen nyɔ.

Aiseya 37:24

fɔ a ye kilayɛnu nanala ka a nyɛrɛ matɔgɔ. A ko ale Sɛnakaribu ye a fɔla ko anubɛ ala kirindinu ya Lɛbanan kɔnkɔ-layan-bɛnu nɔ ka kɔlɔma-layan-bɛnu nawuya hali ka ta gbɔngbɔn-makilannɛ bɛɛ kɔrɔ.

Aiseya 40:11

A si ala mɔgɛnu fɛ-bira iko saga-fɛ-biralɛ si ala sagɛnu fɛ-bira nya min. A si saga-dannu kundɛn kan-tina-kelen ka ta anu na a kɔnkɔn tɔ. Wonu nanu si bila anu fɛ fungban!

Aiseya 49:10

Kan-nagbalɛ anubɛ kɔnkɛ ti anu bira. Tele anubɛ tele-mara-tele ti anu tɔrɔ bawo anu di anu makandannɛ ye. A si ta anu na tenke-dɛ la.

Aiseya 65:10

Wo kɔma, a ko Sarɔn lɛɛ si ma sagɛnu de-nyini tinɛ la. Ekan lɛɛ si ma ninkinu daga makɛ tinɛ la. Mɔgɛ minnu bi bilala ale Mari fɛ, ninki wonu si ma wonu halalɛ la.

Yɛrɛmaya 49:31

“Wo na. Ma ni ta bui mɔgɛ kɛnu ma minnu miri ko anu nakanannɛ le. Tara sa soe wo ma, ado tara da-balan-fan sa nyɔ.”

Nimisa Koe 1:7

Mɔgɛ minnu sigi-tina-kɔrɛ ye Yerusalɛm na, wonu bi anu mirila Yerusalɛm sɔ-kinya-kɔrɛ ma. Yerusalɛm yogenu ya a nɔ tumɛ min, sibolo-gbɛrɛ fenfen sa nyɔ min si a dɛnbɛ. A yogenu ya a mayɛlɛnnɛ yen min kɛ, anu tora a mayɛlɛnna.

Nimisa Koe 5:21

Ni i ma i ban ma la nun feufeu, ni i ma diminya ma ma ka a dan-natenbi, a ma, ma ni sɛgi i ma tun. E, Mari, i yandi, ma to gbiliyɛ rɔ iko ma ye nya min nun.

Isikiyɛli 36:11

A mɔgɔ wo, a ninki wo, n si a ma, wo bɛɛ ni yiri tun bui! Anu si siyaya ka tenbi a fɔlɔtɛ la. N si a ma, anu ni sigi nyɔ lafɛrɛ rɔ iko anu bi nyɔ nya min kɔrɔma la. N si anu nasabati ka tenbi a fɔlɔtɛ la. Wo kɔma, anu si a lɔn ko Mari le nde la.

Saraka-Masɔlɛnuta Tɔnnu 27:32

Ma wa mala kolo-fannu dan kɔnɔntɔ, a tan nyɔgɛ, Maritɛ le wo la. Ma tenbi mala kolo-fannu nadonna sansan rɔ, ma ni anu dan

Emɔsi 9:11

Mari ko tele wo ye nala, Mansa Dawudata bɔn min manɛ tonbɔn la, a si wo sɔ a kurɛ la. A si ala dandannu sɔ tun ka wo bɛɛ rabɛn iko a ye nya min fɔlɔ nun.

Hɔbadaya 1:19

Isirɛla mɔgɛ minnu bi Yuda nyamanɛ rɔ dugula wara la, Mari ko wo donu si ta anu sigi Idɔm nyamanɛ rɔ. Minnu bi kɔnkɔ-nyamanɛ rɔ tele-yigi wara la, a ko wonu si ta anu sigi Filisiti nyamanɛ rɔ. Wo donu si ta anu sigi tun Ifɛrɛm anubɛ Samariya nyamanɛ rɔ. Bɛnyamɛ bɔnsɔn-mɔgɛnu fanan si ta Kaliyadi nyamanɛ bi anu bolo tun ka anu sigi nyɔ.

Maika 5:4

A si ata mɔgɛ kɛnu fɛ-bira iko saga-fɛ-biralɛ si ala sagɛnu fɛ-bira nya min. Mari nyɛrɛ si wo fanka-makawanɛ anubɛ gbiliyɛ di a ma ka wonu fɛ-bira. Ata mɔgɛ kɛnu si sigi lafɛrɛ rɔ ka taran anu diya bawo duninya-mɔgɛ bɛɛ si a lɔn ko mansa-makawanɛ le ale la.

Sɛfanaya 3:13

Wole Isirɛla mɔgɛ toe minnu bi tola wo niyi la yan tɔ, wo ti ko-yogoma ma mɔgɛ la, wo ti foninya fɔ, ado wo ti yanfa don. Wo si sigi yisi-kimɛ rɔ. Mɔgɔ-wo-mɔgɔ ti wo maban.

Sakaraya 10:10

Minnu bi Iyipiti anubɛ Asiriya nyamanɛ rɔ, a ko a si wonu nana anu barɛ. A ko a si a ma, anu ni na sigi anu barɛ nyamanɛ rɔ tun. A ko a si anu sigi Kaliyadi anubɛ Lɛbanan nyamanɛnu tɔ. A ko nyamanɛ wo mumɛ si fa mɔgɛnu na penpen!

Sakaraya 11:7

Woletɔ minta ye sagɛ wonu na, wonu ya nde, Sakaraya ma saga-fɛ-biralɛ la sagɛ wonu ye minnu bi nala fagala. N ya saga-lagbengben-kɔlɔma fila bi. N ya kelan wo tɔgɔ sa “Diyanayɛ,” n ya doi wo tɔgɔ sa “Kan kelan.” N ya saga-fɛ-biralayɛ dabira.

Malakayi 3:4

Wo kɔma, Yerusalɛm so-burɔ-mɔgɛnu anubɛ Yuda kɛnu si na sarakɛnu na Mari ye minnu si a hɛnɛ iko anu duruta a mala nya min nun.

Yilan-Yilan Koe 23:9

N tenbi kɔnkɔ-kolo-wɛ kuma, n si anu yen. N tenbi kɔnkɔ-layan-bɛ kɛ kuma, n bi anu tagbɛla feu! Mɔgɛ le kɛnu na minnu ti basan sibolo-gbɛrɛkɛnu na. Mɔgɛ le kɛnu na minnu si anu sigi anu dan na yiri!

Yilan-Yilan Koe 32:1

Ninki siyaman bi Rubɛn bɔnsɔn anubɛ Kadi bɔnsɔn bolo. Anu ya a yen ko Yasa anubɛ Kaliyadi duginu kin, ado bin siyaman bi nyɔ anuna kolo-fannu si min dɔn.

Matiyu 2:6

‘Ile Bɛtalehɛm soe, so dɔgɔmanɛ ma i la tun Yuda nyamanɛ rɔ bawo kun-tigi do si bɔ ile rɔ min si kun-tigiyɛ kɛ Isirɛla mɔgɛnu kun na, Marita mɔgɛnu, kɔni.’ ”

Yɔni 17:16

Iko duninyata ma nde la nya min, duninyata ma anu fanan na wo nya na le.

Tɔn-Fɔɛ-Fila-Nyɔgɛ 33:28

Wole Yakoba kegeyɛnu, wo si to yisi-kimɛ rɔ. Wo sigi-bole ra si bɛn wo ma lanyiri-nyamanɛ wo rɔ. Fenfen ti ban wo bolo. Wo si dɔn-fen siyaman sɔrɔn. Duri si to yigila wola ki-fannu kuma tuma-wo-tuma.