Maika 7:12 - ALLALA KUMƐ

¹² Wo na-kelen-nyɔgɛnu si na ka bɔ Asiriya nyamanɛ rɔ anubɛ Iyipiti nyamanɛ rɔ ha ka ta ke Yufereti bɛ ma ka anu sigi wo tɛma. Anu si na ka bɔ duninya-tonko-nanɛ bɛɛ rɔ.

Maika 7:12 ပူးပေါင်းရင်းမြစ်များ

Aiseya 11:11

Wo wati wa ke, Mari si ata sɛnbɛ lawɔli alako ata mɔgɛ minnu bi Asiriya anubɛ Iyipiti ni sɛgi anu barɛ tun. Iyipiti nyamanɛ dugu la wo, Sudan nyamanɛ wo, Ilam nyamanɛ wo, Babilɔniya nyamanɛ wo, Hamati nyamanɛ wo, kɔgɔ-yi-dafɛ-nyamanɛnu wo, yi-tɛma-nyamanɛnu tɔ wo, anu si na ka bɔ wo bɛɛ rɔ.

Aiseya 11:16

Isirɛla mɔgɛ minnu bi bɔla Asiriya, a si ma kila-wɛ la wonu ye. A si ma anu na iko a mara anu benbanu na, wo tumɛ anu bi bɔla Iyipiti.

Aiseya 43:6

A si a fɔ kantɔ-nyamanɛnu ye ko anu ni mala mɔgɛnu boloka. A si a fɔ dugula-mɔgɛnu fanan ye ko mala mɔgɛnu kana na to birɛ rɔ anu bolo. A ko mala mɔgɛnu ni sɛgi ka bɔ nyamani-yannu tɔ duninya-tonko-nanɛ bɛɛ rɔ.

Aiseya 49:12

A ko ata mɔgɛnu si na ka bɔ wula-yan la. Anu si bɔ kantɔ anubɛ tele-yigi wara la ka bɔ Asuwan soe fanan dugula wara la.

Yɛrɛmaya 23:3

A ko ala mɔgɛ toe minnu tonɛ, a si wonu kundɛn ka bɔ nyamani-gbɛrɛnu tɔ, a ya anu nakɛ a rɔ kan min. A ko a si anu nana anu benbanuna nyamanɛ rɔ. Anu si yiri furr, ka nyamanɛ kɛ lafa pen!

Yɛrɛmaya 3:18

Wole Isirɛla mɔgɛnu anubɛ Yuda mɔgɛnu si na wo nyɔgɔn fɛ ka bɔ biralɛ rɔ kantɔ-findan ma. Wo si sɛgi wola nyamanɛ rɔ ale Mari ya min di wo benbanu ma ka nyɔ ma anu halala-nyamani-bɛrɛbɛrɛ la.

Yɛrɛmaya 31:8

A si bɔ wo la kantɔ-wara la. A si wo kundɛn ka bɔ duninya-tonko-nanɛ bɛɛ rɔ. Fiyɔnnu anubɛ namarɛnu si taran wo tɛma. Donu kolomɛ ye wo rɔ. Donu buyi la ara maga. Wo siyaman si na duk!

Yɛrɛmaya 46:27

Mari ko wole, ala mɔgɛnu kana kilan. Isirɛla mɔgɛnu kuma kana kɔ. A ko a si wo labɔ wula-yan-nyamanɛ rɔ wo ye biralɛ rɔ kan min nun. A ko a si na wo la ka wo sigi wo fanbolo. A si wo kandan. Mɔgɔ-wo-mɔgɔ ti wo lakilan.

Isikiyɛli 29:21

“Wo wa ma tumɛ min, n si Isirɛla mɔgɛnu tagbɛlɛya gbon! Ile Isikiyɛli nyɛrɛ si kuma alako bɛɛ ni a lɔn ko Mari le nde la.”

Isikiyɛli 37:21

A fɔ anu ye ko nde, anu Tigi Mari si nta mɔgɛnu bɔ sibolo-gbɛrɛnu tɛma anu tanyɛnsɛnnɛ minnu tɛma nun. N si anu kundɛn kan-tina-kelen ka na anu na anu halala-nyamanɛ rɔ.

Hoseya 11:11

Wo burimatoe si na ka bɔ Iyipiti anubɛ Asiriya nyamanɛ rɔ iko kangbɔɛ. N si a ma, bɛɛ ni sigi a halala-soe rɔ. Nde, Mari nyɛrɛ kan le kɛ la.”