Maika 7:11 - ALLALA KUMƐ

¹¹ Wo wati wa ke, wole Yerusalɛm kɛnu, wo si wola so-tarɛ sɔ a gbɛ rɔ tun. Nyamanɛ do si sa wola nyamanɛ kuma ka koloya.

Maika 7:11 ပူးပေါင်းရင်းမြစ်များ

Nihɛmaya 2:17

Wo banda kɛ, n ya a fɔ anu ye ko, “Wo ara a yen, ma ye kɔndɔfili-su min tɔ bawo Yerusalɛm soe anubɛ a tarɛ-don-dɛnu mintannɛ. Ma ni mala soe tarɛ sɔ-kura-kɛ tun alako wo miliyɛ ni bɔ ma kuma.”

Nihɛmaya 2:8

Min sanɛ wo kuma, n ya a manyinika ko a ni kɛdi sɛbɛ Esafi ma min bi ale mansɛla firɛ makandanna alako wo ni a ma, n ni fɛrannu sɔrɔn nyɔ rɔ. N ko n bi fɛran wonu denu bila ka a Bato-Bon-tarɛ don-dɛnu nadan anubɛ soe tarɛnu anubɛ n si sigi bɔn min na. N ya mansɛ manyinika koe min bɛɛsi ma, a ya wo bɛɛ nyinya n ye bawo Alla ye n fɛ.

Nihɛmaya 4:3

Amon kɛ Tobaya fanan sɔnɛ a dafɛ nyɔ. Wo ko, “Kɛnu si ke tarɛ sufa nyamintan nadanna? Hali fira-nyɛnkumɛ wa a sisa a la, a si bui.”

Nihɛmaya 4:6

Ma ban matarali-kɛla, ma ya mala wɔlɛ dabira tun. A ma mɛ lefan, ma ya tarɛ wo labila a nyɔgɔn ma ka a mayɛlɛ gbagba ha a tɛma bawo ma sɛbɛ donnɛ wɔlɛ wo ma a nya ma.

Aiseya 54:11

Mari ko ile Yerusalɛm makinikininɛ iko min dɛnbɛna sa, i manugu-nɛgɛla sa nyɔ de! A ko a si kuru-da-gbɛlɛnu ma i kurukɛ-fan la.

Aiseya 54:2

I ye fani-bɔn min na, i ni do kofu a ma alako a ni koloya. A balan-yilinu nayanya ka a balan-fannu to sɛnbɛ rɔ.

Aiseya 58:12

Wola soe minnu kasaranɛ kɛ la, a ko wola mɔgɛnu si wonu sɔ tun a kurɛ la. Wola soe minnu bara ma tonbɔn la nun, wo si wonu kurukɛ tun. Wo ye tarɛ labɛtɛrɛ min kɛla kɛ la, wo mankan wo si ta wuu! Bɛɛ si wo lɔn bon-nadannɛ anubɛ kila-ladannɛ la.

Aiseya 61:4

Wo si soenu sɔ tun minnu bara kasara nun kɔrɔma la. Wo si tonbon-kɔrɛnu sɔ tun a kurɛ la.

Daniyɛli 9:25

I tole masɔ bɛrɛkɛ! Ka a bi anu ya Yerusalɛm sɔ-koe fɔ a kurɛ la tumɛ min ha Allata-Mɔgɔ-Yabɔnɛ ni na, fɔ san wɔrɔnfila sigi tina wɔrɔnfila (49) wa tenbi. Anu si soe wo tarɛ kɔmɛ lafoo denka-rayan-bɛ la ka so-burɔ-luyinu tabɛn a kilɛ fɛ. A si san bi-wɔrɔ san fila sigi tina wɔrɔnfila (434) bɔ, soe wo sɔnɛ si to. Kɔnɔ wati wo bɛɛ si ma anu bolo tɔrɔyɛ la.