Maika 6:8 - ALLALA KUMƐ

⁸ Nɛbi Maika ko, “Ma si min ma wona, Mari ara wo fɔ ma ye nun. A ye nyinina minnu ma ma bolo, wo le kɛnu na. A dabira fɔlɔtɛ, a ko ma ni ko-latelennɛ kɛ. A fila nyɔgɛ, ma ni ma nyɔgɔn keni anubɛ Alla. A sawa nyɔgɛ, ma ni Alla diyana-koenu kɛ gbiliyɛ rɔ.

Maika 6:8 ပူးပေါင်းရင်းမြစ်များ

Ko-Dabirɛnu 18:19

N bara Iburayima ma nta mɔgɔ-yabɔnɛ la woletɔ a si ala dannu anubɛ a bɔnsɔn-mɔgɛnu karan n bara-koe ma alako anu ni ko-latelennɛ kɛ ka nna kumɛnu bira. Ni anu ya wo ma, n bara nta lanyiri min kiri Iburayima ye, n si wo latɔnbagaya.”

Ko-Dabirɛnu 5:22

Mɛtusala sɔrɔn kɔma, Inɔki tora Allala kilɛ fɛ san kɛmɛ sawa. A sɛgira dan donu sɔrɔnna tun.

2 Ko-Kɔrɔta-Karan 30:11

Kɔnɔ hali wo, Asɛra bɔnsɔn-mɔgɛ donu wo, Manasa bɔnsɔn-mɔgɛ donu wo, anubɛ Sɛbulɔn bɔnsɔn-mɔgɔ donu sɔnta ta-koe ma Yerusalɛm.

2 Ko-Kɔrɔta-Karan 32:26

Kɔnɔ tɔ-a-la, Mansa Hɛsakaya anubɛ ala mɔgɛ minnu bi Yerusalɛm, wonu ya anu famayigi. Woletɔ Mari ma anu tɔrɔ wo tumɛ ale mansɛ ye a kɛndɛ la.

2 Ko-Kɔrɔta-Karan 33:19

Ale mansɛta mataralɛ wo, Allata yabilɛ wo, ale mansɛ ara hakɛ min kɛ nun yanni a ni tubi wo, a ya ko-yogomɛ min kɛ wo, a ya bɛsi-kɔ-tinɛ minnu nadan wo, anubɛ a ya bɛsi-musi Asurala muninyɛ lɛsɛ wo, anu ya wo bɛɛ sɛbɛ nɛbiya-buku do rɔ.

2 Ko-Kɔrɔta-Karan 33:23

Kɔnɔ a ma a famayigi Mari ye iko a fa ya a ma nya min, ado a ya hakɛ kɛ ka tenbi a fa la.

2 Ko-Kɔrɔta-Karan 34:27

A tubira ka a nyɛrɛ famayigi ale Mari ye. A donta diyi-kɛ rɔ ka ala fulɛ fili dugu ma bawo a ara a yen, Mari ye nala Yerusalɛm kɛnu tɔrɔyala nya min. Kɔnɔ Mari ko a ara ale mansɛla matarali-kan lamɔɛn.

Nihɛmaya 9:13

I bɔra san ma wulɔn Sinayi kɔnkɛ kuma. I kumara ila mɔgɛnu ye nyɔ. I ya tɔnnu di anu ma nyɔ min kin, ado tonyɛ le anu na.

Yaburi 101:1

E, Mari, n si bɛti bɔ ila keninteyɛ anubɛ telenbagayɛ wara-koe la. N si tantoli-bɛti bɔ i ye.

Yaburi 112:4

Waan ra si ka pinpi-fin-bɛ rɔ mɔgɔ-nyimɛ ye. Wo ra si ka mɔgɔ-hinante anubɛ telennɛ fanan ye.

Yaburi 112:9

A si fen-siyaman di bolo-kolɔnnu ma. Ala kɛwɔli-nyimɛ ti ban mumɛ! A ma si kawa, ado gbiliyɛ ti dasa a la.

Yaburi 37:26

A si mɔgɔ kɔ tuma-wo-tuma ka anu dɔndɔ fanan. Ala dannu si a ma, a ni sewa.

Yaburi 73:28

Ni ndetɛ le, a fisa, mɔgɔ ni a gbɛrɛn Alla ma. Nde ara a ma, n tigi Mari ni n nakanan ka to ala kɛwɔli-nyimɛnu takaranna mɔgɛnu ye, wo fanan di n ye.

Hɛnkilimaya-Kumɛnu 21:3

Ka ko-latelennɛ kɛ, wo di Mari ye saraka-bɔɛ ko.

Makawandili Kumɛnu 12:13

N bara ban kɛ bɛɛ fɔla nkɛkuna, kuma kelen de tonɛ n bolo gbɛ! I ni kilan Alla la ka to ala tɔnnu birala bawo Alla ya ma ladan wo lela ko la.

Aiseya 56:1

Mari ya kɛ le fɔ ala mɔgɛnu ye. A ko wo ni don ko-telenni-kɛ rɔ bawo kisi-koe fɛ ma yan wo la tun. Wo kunyɛ si bɔ gbaran rɔ mɔgɛ bɛɛ yala.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Aiseya 66:2

A ya fan bɛɛ dan a kɔɛn le la. Fan bɛɛ ye gbɛ kɛ le ma bawo ale le ya wonu nadan. Mari ko a si sewa mɔgɔ-sufa kɛnu na, minnu ma wasi, ado anu tole ma gbɛlɛ. Anu bi kilanna a la ka a sako kɛ.

Yɛrɛmaya 22:16

A ko a fa wo taranta bolo-kolɔn anubɛ fugarɛnu dɛnbɛna wulɔn. Woletɔ a wara-koe bɛɛ tara a kilɛ fɛ. A ko ale Mari lɔn kɔrɛ le wo la.

Yɛrɛmaya 22:3

Mari ko wo ni ko-latelennɛ kɛ. A ko mɔgɛ min kensunnɛ, wo ni wo tanka a kensunte ma. A ko a sundan wo, a kelenni wo, a kɛɛ-musu wo, wo kana anu bira boloko-yogomɛ-kɛ. Min ma ko-yogomɛ kɛ, wo kana wonu faga kan-tinɛ kɛ rɔ.

Yɛrɛmaya 9:23

Mari ko hɛnkilimɛ kana a nyɛrɛ matɔgɔ ala hɛnkilimayɛla ko la. Fanka-tigi kana a nyɛrɛ matɔgɔ ala fankalamayɛla ko la. Nɔnfulu-tigi kana a nyɛrɛ matɔgɔ ala nɔnfulu-tigiyɛla ko la.

Nimisa Koe 3:26

Min fisa, fɔ ka i munyu alako Mari si na ma lakisi nya min.

Isikiyɛli 16:63

N si wo makoto wola ko-yogomɛ bɛɛ la. Wo yili ti bɔ wola ko-yogomɛ wonu ko, ado wo si miliya wo dɛ tugula wo sɔn-yogomɛ wonu na. Nde, i Tigi Mari kan le kɛ la.’ ”

Isikiyɛli 33:14

Hali n ya sɔn-yogoma-tigi makawandi ko a ye nala fagala kɔnɔ ni a ya a bɔ ala ko-yogomɛ da kun tɔ, a ni don ko-telennɛ anubɛ ko-nyima-kɛ ladan rɔ, a ti faga.

Daniyɛli 4:37

“Nba, woletɔ nde, Nɛbukanasa, n si Arinyɛnɛ-Mansɛ gbiliya ka a tanto bawo ale ya ko-wo-ko ladan, wo kin, ado a telenta. Min sanɛ wo kuma, ale le ye mɔgɔ-wasinɛnu famayigila. Nde, Nɛbukanasa ya kɛ sɛbɛ.”

Hoseya 12:6

Woletɔ wole Yakoba kegeyɛnu, wo ni la wota Alla la ka sɛgi a ma. Wo ni lanayɛ kɛ ka keninteyɛ yira wota Alla la. Wo ni wo muin ha Alla ni ata wɔlɛ kɛ.

Hoseya 6:6

N bi nyinina hinɛ le ma wo bolo, saraka ma de! Yanni nna mɔgɛnu ni sarakɛnu mintan n ye, a fisa, anu ni nde lɔn a kila-bɛrɛbɛrɛ fɛ.

Emɔsi 5:24

Yanni wo ni wo ma, wola ko-latelennɛnu ni wara iko bɛ wa yanbɛ gbesi, a ma ti sagan mumɛ!

Maika 6:9

Ni ma ya wonu ma, hɛnkilimaya-koe le wo la.” Nɛbi Maika ya Mari kuman-kan latenbi Isirɛla mɔgɛnu ko, “Nba, kumɛ kɛ ara fɔ nkɛkuna ka ban, wole so-burɔ-mɔgɛnu, wo ni wo tole masɔ.”

Sɛfanaya 2:3

Wole min bɛɛ famayiginɛ nyamanɛ kɛ rɔ ka Marita tɔnnu bira, wo na Mari ma. Wo ni ko-latelennɛnu kɛ ka wo famayigi Mari ye. Tumado, Mari si kinikini wo ma ala kiti-tɛgɛ-lunyɛ rɔ.

Matiyu 5:3

A ko, “Mɔgɔ-sewanɛ le wo mɔgɛ la min si a yigi bɛɛ sa Alla rɔ bawo Alla min bi Arinyɛni tɔ, a si ata mansayɛ sɔrɔn!

Matiyu 5:7

Mɔgɔ-sewanɛ le wo mɔgɛ la min bi kinikinina donu ma bawo Alla si kinikini ale fanan ma!

Luka 10:42

kɔnɔ fen kelen pe ye nyɔ i makoe ye min na. Mariyama ara a nyimɛ yabɔ, ado wo ti bɔ a bolo.”

Luka 11:42

“Kɔnɔ gbalo ye wole Farisinu kuma bawo wo ara yaka bɔ nako-fannu tɔ kɔnɔ wo ara wo ban telenbagayɛ anubɛ Alla-keni-koe ma. A bɛnta, wo ni wonu ma le kɔnɔ wo kana wo ban a toenu fanan ma.

Luka 12:14

Yisa ya a fɔ a ye ko, “N bɔ, yon ya wo sɛnbɛ di n ma ko n ni ma kiti-tɛgɛlɛ anubɛ fen-faralɛ la wo filɛ tɛma?”

Luka 6:36

Wo ni kinikini mɔgɛnu ma iko wo Fa Alla kinikininɛ wole ma nya min.

Romu 7:16

N sa a fɛ ka min ma, n ba wo ma tumɛ min, wo si a yira ko n bara sɔn ko Allata tɔn-kitabu telenta.

Romu 9:20

Yon bi ile la ka Allala kumɛ sɔsɔ? Bɔnku-dagɛ ti ala sɔlɛ manyinika ko, “Nfenna i wara n nadan ka?”

Ɛfɛsa 4:32

Wo ni wo nyɔgɔn bira a nyimɛ la ka wo nyɔgɔn makoto iko Alla ara wo makoto nya min Kirasiti baraka rɔ.

Tɔn-Fɔɛ-Fila-Nyɔgɛ 27:10

Woletɔ wo ni ala kumɛnu natɔnbagaya ka ata tɔnnu bira n bi nala min dila wo ma kɛ la.”

Tɔn-Fɔɛ-Fila-Nyɔgɛ 30:15

“Bi, Mari ko a ara fan kɛnu sa wo kɔrɔ. Wo ni wota bi kɛnu tɔ, ko-nyimɛ anubɛ ko-yogomɛ, simayɛ anubɛ fagalɛ.

Kɔlɔsi 3:12

Allala mɔgɛ le wole la. A ara wo keni ka wo yabɔ a nyɛrɛ ye. Woletɔ wo ni kinikinɛ anubɛ nyimayɛ anubɛ famayigiyɛ anubɛ dinyɛ anubɛ munyɛ don wo ma.

2 Tɛsalonaika 2:16

Alamɛ ma Mari Yisa, Allata-Mɔgɔ-Yabɔnɛ-nyɛrɛ anubɛ ma Fa Alla ya wo sɛnbɛ don. Alla ya ma keni ka habadan-yisi-kimɛ anubɛ yigi-nyimɛ di ma ma ala hinɛ le tɔ.

Yemesi 2:20

Ile kun-takolɔn, fɔ n ba a yira i la ko dɛnkɛninyɛ ti ko-wo-ko nyinya mɔgɛ ma ni ata kɛwɔlɛnu ma telen.

Yasowa 24:14

Woletɔ Yasowa ya a fɔ Isirɛla mɔgɛnu ye ko, “Wo ni mata Mari gbiliya ka a bato wo yisi bɛɛ la ka wo telen a ye wati bɛɛ. Wo benbanu ya bɛsi-fuyi minnu kɔ Yufereti bɛ kɔma anubɛ Iyipiti nyamanɛ rɔ, wo ni wonu nakɛ a rɔ. Wo ni mata Mari kelen pe le bato.

1 Pita 3:8

Ala ban, wo dama miri-nya anubɛ wo kɛ-nya ni ma kelen na. Wo ni wo nyɔgɔn keni iko na-kelen-nyɔgɛnu. Wo ni ko-nyimɛ kɛ ka wo famayigi wo nyɔgɔn ye.

1 Samuwɛli 12:23

Kɔnɔ ni nde, Samuwɛli ya n ban Mari madiyala wo ye, wo si ma hakɛ la n bolo, ado Mari ni n tanka wo ma. Yanni n ni wo ma, n si wo karan tonyɛ anubɛ ko-latelennɛ ma.

1 Samuwɛli 15:22

Samuwɛli ya a fɔ a ye tun ko, “Nfen si Mari hɛnɛ? Kɔ-fannu anubɛ saraka-mintantɛnu ka ata kuma-birɛ, wa? Yanni i ni saga-hakikɛnu ma sarakɛ la Mari ye, a fisa, i ni Marita kumɛ bira.