Maika 6:7 - ALLALA KUMƐ

⁷ Ni ma nara saga waga-siyaman na Mari ye, wo si a hɛnɛ? Ni ma nara tuli la, kurukurun ti min ban, tarali ti min ban, wo si a ma, Mari ni sewa ma la, wa? Ni ma ya mala den fɔlɛnu ma sarakɛnu na Mari ye, wo si a ma, ma hakɛ ma ni koto, wa?”

Maika 6:7 ပူးပေါင်းရင်းမြစ်များ

2 Mansɛnu 16:3

A ya Isirɛla mansɛnu sɔn bi hali ka a halala-den-kei ma saraka-mintantɛ la bɛsɛnu ye. Min kolo wo ko, Mari ya mɔgɛ minnu gben nyamanɛ wo rɔ nyɔ nun, wonu taranta kisimiriya-koe kɛ le sufa mala nun.

2 Mansɛnu 21:6

A ya ala den-kei ma saraka-mintantɛ la, ado a bolo-tafɛlɛn wo, a duruya wo, a yi-kɔrɔ-fɛlɛn wo, a ya wo dama ma. Hali nyina-kɔlɛnu, a tara ke wonu fanan ma. A ya hakɛ min kɛ Mari la, wo da rakoloyara. Wo le ya a ma, Mari fonde bɔra a kuma.

2 Mansɛnu 23:10

Alla-batobɛlɛnuna kɔ tinɛ min tɔgɛ Tofɛti, ale Mansa Yosaya tara wo latinya Hinom lɛɛ rɔ. A ya wo ma alako mɔgɛnu kana na anuna dannu mintan anuna bɛsi Molɛki ye nyɔ.

2 Mansɛnu 3:27

Mohabu mansɛ wo ke soe tun, a ya ala den-kei fɔlɔtɛ bi min si sigi a gbɛ rɔ nun ka wo ma saraka-mintantɛ la soe wo tarɛ kuma. Isirɛla mɔgɛnu ya wo yen min kɛ, anu ma sisi wo mafɛlɛnna. Anu sɛgira anu barɛnu tɔ.

Yobu 29:6

Wo wati rɔ, n bi nonɛ bɔla nna ninkinu anubɛ nna baanu tɔ. Hali kurinu siya kan min, nna ki-fannu si nanfa nyɔ kubukubu!

Yaburi 50:9

Ado nfan, n sa nyinina wola turɛnu anubɛ wola baanu ma sarakayɛ la

Yaburi 51:16

Ni i ye nyinina sarakɛ le ma nun, n si wo bɔ le kɔnɔ saraka-mintantɛ ti i hɛnɛ.

Yaburi 51:18

E, Alla, i ni ko-nyimɛ kɛ mata so-karantan ye, Yerusalɛm, kɔni. I ni a tarɛ sɔ kura kɛ tun.

Hɛnkilimaya-Kumɛnu 15:8

Hali karagbɛlɛla sarakɛ, Mari ti sɔn a la kɔnɔ mɔgɔ-latelennɛ tenbi a madiyala, wo di ale Mari ye kosɛbɛ!

Hɛnkilimaya-Kumɛnu 21:3

Ka ko-latelennɛ kɛ, wo di Mari ye saraka-bɔɛ ko.

Aiseya 1:1

Alla ya sarakanɛ minnu don Emɔsila den Aiseya bolo ka a tɛgɛ Yuda nyamanɛ anubɛ Yerusalɛm soela ko ma, wonu denu sɛbɛnɛ buku kɛ rɔ. Kɛnu fɔra Mansa Yusaya anubɛ Mansa Yotam anubɛ Mansa Ehasi anubɛ Mansa Hɛsakayanuta wati le tɔ, anu bi Yuda nyamanɛ kun na wati min.

Aiseya 40:16

Soge min bɛɛsi ye Lɛbanan gbɔngbɔn rɔ, wonu ti saraka bɔ, ado kɔn wonu ti saraka-mintan-sɔgɔ bɔ.

Yɛrɛmaya 19:5

Wo ya bɛsi Beyali kɔ-tinɛ ladan nyɔ ka wola dannu ma saraka-mintantɛnu na a ye. Mari ko a ma wo fɔ wo ye, ado a miriya ma ke wo ma.

Yɛrɛmaya 6:20

Mari ko nfenna wole, Yuda kɛnu bi Siba nyamanita isɛnti mala sarakɛ la a ye? Nfenna wo ye nala fɔrɔnyakalɛ la ka bɔ wulɛ rɔ pon? A ko a ti sɔn wola saraka-mintantɛnu na. Wola sarakɛnu sa a hɛnɛna hali!

Yɛrɛmaya 7:31

Wole Yuda kɛnu bara bɛsi-kɔ-tinɛ min tɔgɛ Tofɛti sɔ Bɛn-Hinɔm lɛɛ rɔ. Wo ye wola den-keinu anubɛ wola dunmusinu mintanna bɛsɛnu ye nyɔ rɔ, ado Mari ko ale ma tɔn wo di wo ma. Ado nfan, a miriya ma tugu wo la lefan!

Isikiyɛli 23:37

Anu bara yɛlɛnyɛ kɛ ka mɔgɛnu faga. Anu ya yɛlɛnyɛ kɛ ka a tɛgɛ bɛsɛnu kɔ-koe ma. Anu ya anuna dannu faga ka anu ma bɛsɛ wonu beli-fan la, nta dannu, kɔni.

Hoseya 5:6

Wo ye wola sagɛnu anubɛ ninkinu mala sarakɛnu na Mari ye kɔnɔ tɔnɔ-wo-tɔnɔ sa a la wo ye. Wo ti ale Mari yen bawo a ara a masɛgi wo la pon!

Hoseya 6:6

N bi nyinina hinɛ le ma wo bolo, saraka ma de! Yanni nna mɔgɛnu ni sarakɛnu mintan n ye, a fisa, anu ni nde lɔn a kila-bɛrɛbɛrɛ fɛ.

Saraka-Masɔlɛnuta Tɔnnu 18:21

“Wole Isirɛla mɔgɛnu kana sɔn, mɔgɛ ni ala dan ma sarakɛ la Molɛki bɛsɛ ye. Ni min ya wo ma, wo ara mata Mari Alla tɔgɔ tinya.

Saraka-Masɔlɛnuta Tɔnnu 20:1

Musa ya Mari kuman-kan kɛ latenbi Isirɛla mɔgɛnu ma ko, “Mari ko wo kana wola dannu ma sarakɛnu na Molɛki bɛsɛ ye. Ni min ya wo ma, Mari ko wo damasi ni wo mabon kuri la, a mara Isirɛla mɔgɛ la wo, a mara sundan na wo.

Emɔsi 5:22

A ko hali wo nara wola saraka-mintantɛnu anubɛ wola dɔn-fen-sarakɛnu na a ye, a ti sɔn anu na muk! Hali wo nara wola kolo-fen-tɔlɔnɛnu na Mari ye, a ko a bɔrɔ ti taran a ye.

Failiman 1:12

N bi a lasɛgila i ma kaka, ado ale di n ye kati!

Kɛlɛ-Kurugbɛnu 11:31

kɛlɛ wa ka-a-la, n ba sɛgi n barɛ tumɛ min, ni fenfen bɔra nna bɔn la ka n nabɛn, n si wo di ile Mari ma, ni wo ma ka a ma sarakɛ la.”

Kɛlɛ-Kurugbɛnu 11:39

Karɛ filɛ wo banta tumɛ min, a nara a fa wara tun. A fa ya a kuman-kan latɔnbagaya iko a ya a fɔ Mari ye nya min. Sunkurɔn wo fagara kɔnyɔyɛ le tɔ. Ka a dabira wo wati ma, anu ya namu do dabira.

1 Samuwɛli 15:22

Samuwɛli ya a fɔ a ye tun ko, “Nfen si Mari hɛnɛ? Kɔ-fannu anubɛ saraka-mintantɛnu ka ata kuma-birɛ, wa? Yanni i ni saga-hakikɛnu ma sarakɛ la Mari ye, a fisa, i ni Marita kumɛ bira.