Maika 6:5 - ALLALA KUMƐ

⁵ A ko wole Isirɛla mɔgɛnu, wo ni wo miri Mohabu nyamani-tigi ma, Mansa Balaki min ya yanfɛ kiri wo tɔgɔ rɔ. Wo ni wo miri fanan Beyorila den Belam ma, a ya ale Mansa Balaki yabi nya min wulɔn. Wo ni wo miri minnu mara wo ye tagama rɔ, a ya Yorodan bɛ gbala wo yarɔ nya min Akasiya dagɛ anubɛ Kiligali dagɛ tɛma. Ni wo ya wo miri wo dama ma, wo fɔlɔn ya ko bɔ wo kisi-koe rɔ.

Maika 6:5 ပူးပေါင်းရင်းမြစ်များ

Yaburi 111:4

Mari ara kabana-koe minnu kɛ, a ti sɔn ma ni nyina wonu ko. A nyimayanɛ, ado a kinikinite.

Yaburi 143:11

Mari, n niyi latanka iko i wara lanyiri kiri n ye nya min. N kisi nna tɔrɔyɛnu ma ila nyimayɛ la.

Yaburi 36:10

Minnu ya i lɔn, to ila keninteyɛ yirala wonu na. I ni to ko-nyimɛ kɛla mɔgɔ-telennɛnu ye.

Yaburi 71:19

E, Alla, ila telenbagayɛ kenɛ fɔɔ san-kole ma. I wara kabana-ko-siyaman kɛ, ado i nyɔgɔn sa.

Aiseya 1:27

Bawo Mari telennɛ, a si Yerusalɛm kisi anubɛ wole minnu bara wo kan-kɔ sɔ wo hakɛ la.

Yilan-Yilan Koe 22:41

Wo wulun sɔgɔma, Mansa Balaki ya Belam bi ka ta a la Mohabu kɔnkɛ do kuma, anu si anuta bɛsɛ donu kɔ kan min. Anuta bɛsɛ tɔgɛ le Beyali. Anu tenbi kɔnkɛ wo kuma, anu si Isirɛla mɔgɛ donu yen wula-yan bɛ la.

Yilan-Yilan Koe 23:27

Balaki ya a fɔ a ye tun ko, “Bila n fɛ. Ma ni ta kan-tina-gbɛrɛ. Tumado Mari si a ma, i ni mɔgɛ kɛnu danka n ye nyɔ.”

Yilan-Yilan Koe 25:1

Isirɛla mɔgɛnu ya anu daga makɛ Akasiya lɛɛ rɔ wati min, Isirɛla keminɛ-mɛsɛnu ya a dabira ka Mohabu musinu maki nyɔ.

Yilan-Yilan Koe 25:2

Mohabu musi wonu ya anu kele ka ta anuta saraka-bɔ-tolon rɔ, anu si anuna bɛsɛnu kɔ kan min. Anu kera nyɔ tumɛ min, Isirɛla mɔgɛnu ya anuna saraka-soge wonu dɔn anu fɛ nyɔ

Yilan-Yilan Koe 31:16

Wo ya a lɔn serr, ko musi kɛnu denu bilara Nɛbi Belam kuman-kan fɛ alako mɔgɛnu ni Beyali kɔ Piyɔri kɔnkɛ kuma.

Yilan-Yilan Koe 33:49

Ka a dabira Kɔgɔ-Dalɛ ma ha ka ke Akasiya lɛɛ rɔ Mohabu nyamanɛ rɔ, anu daga-makɛnɛ wo bɛɛsi rɔ.

Ɛfɛsa 2:11

Sibolo-gbɛrɛnu denu bi wonu na, Yahudiyanu ma de! Yahudiya minnu si kemininya ka a yira ko Allatɛ le anu denu na, wonu bi a fɔla wole ma ko, “Alla-lɔnbɛlɛ-bilakorenu.” (Ado nfan, kemininyɛ wo ye mala hadama-den-bole le la.)

Tɔn-Fɔɛ-Fila-Nyɔgɛ 16:3

Wo si anubɛ biredi dɔn isiti sa min tɔ. Wo si to biredi wo dɔnna tele wɔrɔnfila kɔrɔ iko wo burimatoe ya a ma nya min wo tumɛ wo ye bɔla Iyipiti nyamanɛ rɔ. Wo si biredi kɛ kele tɔrɔya-biredi. Wo tenbi a dɔnna, wo si wo miri wo tele ma wo bɔra tɔrɔyɛ rɔ lunyɛ min.

Tɔn-Fɔɛ-Fila-Nyɔgɛ 23:6

Fananta wole Isirɛla mɔgɛnu bi wo kɛndɛ la, wo kana ko lakiri wobɛ mɔgɛ kɛnu tɛma.

Tɔn-Fɔɛ-Fila-Nyɔgɛ 8:18

Wo ni wo miri yati, ko wota Mari Alla le ya fan wonu di wo ma. A ye wonu mala wo ye bawo a ya lanyiri min kiri wo benbanu ye, wo kanbali-sɔgɛ ye a la.

Tɔn-Fɔɛ-Fila-Nyɔgɛ 8:2

Wo ni wo miri de Mari sɔra wo yarɔ wula-da-rakolɔn kɛ rɔ san bi-nanɛ kɔrɔ. Mari ya yakɔrɔ-mamɔɛ lana wo kuma ka wo mafɛlɛn ka a lɔn ni wo ye nya min, ni wo si ala tɔnnu bira le.

Tɔn-Fɔɛ-Fila-Nyɔgɛ 9:7

“Wo kana nyina min ya a to, wota Mari Alla fonde bɔra wole Isirɛla mɔgɛnu kan ma Sinayi kɔnkɛ kɔrɔ. Kebi wo bɔra Iyipiti nyamanɛ rɔ tele min ma ha ka a sigi wo ke wati ma yan, wo murutiyanɛ Mari ma tolon!

Yasowa 2:1

Yasowa ya mɔgɔ fila lata ka bɔ Akasiya dagɛ rɔ ka ta Kenan nyamanɛ mafɛlɛn dogɔn rɔ, katarala Yɛrikɔ soe ma. Mɔgɔ filɛ wonu tara ke Yɛrikɔ soe burɔ. Anu kira musu-yɛlan do warɛ min tɔgɛ Rehabi. A si sundannu yiya.

Yasowa 3:1

Wo banda kɛ sɔgɔma subaga, Yasowa anubɛ Isirɛla mɔgɛnu wulita Akasiya dagɛ rɔ. Anu tara Yorodan bɛ dala.

Yasowa 4:19

Kabana-koe kɛ bɛɛ mara anuta karɛ fɔlɛ, a tele tan ma. Karɛ wo tele tan nyɛrɛ ma, Isirɛla mɔgɛ bɛɛ ya Yorodan bɛ tɛgɛ. Anu ya anu daga makɛ kan min, anu ya wo tɔgɔ sa Kiligali, tele-yigi wara la Yɛrikɔ dafɛ.

2 Pita 2:15

Anu bara kila-telennɛnu boloka, ha kilɛ wo ara to-a-rɔ anu ma. Anu bara bila Beyorila den Belamta kilɛ fɛ bawo wo duruta wodi sɔrɔnna ala ko-yogoma-kɛ le tɔ,

1 Yɔni 1:9

Ni ma ya ma sɔ ma hakɛ la Alla ye, a si ma sɛninya ka ma bɔ mala ko-yogomɛ-bɛɛ rɔ, ado ale min telennɛ, a ye wo le mala. A si ma hakɛ makoto.

Yude 1:11

Gbalo ye anu ma! Anu bara bila Kenta kilɛ fɛ. Anu bara anu nyɛrɛ di ko-yogomɛ ma wodila ko la iko Belam ya a ma nya min. Anu bara halaki murutiyɛ rɔ iko Kora murutiyara nya min.

Lankɛnimayɛ 2:14

Kɔnɔ minnu bi n kɔntɔ wo kan ma, wo le kɛ la. Donu bi wola chɔchi burɔ nyɔ minnu bara bila Belamta karan fɛ. Dɔn-fan min dinɛ bɛsɛnu ma, Balaki ya a ma, Isirɛla mɔgɛnu ya wo dɔn. Belamta karan le ya a ma, Balaki ya kɛ ma. Min tenbira wo bɛɛ la, a ya anu karan yɛlɛnyɛ la.

Kɛlɛ-Kurugbɛnu 11:25

Ile lara a la ko i tenbira Mohabu Mansa Belaki la, Sipɔla dan, kɔni? Wo ma Isirɛla mɔgɛnu kɛlɛ tele-kelen-bɛrɛni!

Kɛlɛ-Kurugbɛnu 5:11

Mɔgɛnu bi Marita ko-nyimɛ rakaranna ma yogenu nɔ-koe rɔ yi-bi-tinɛ. Wo ni wo wɔlɔ matɔlɔ wonu na.” “Marita mɔgɛnu ya anu nadɛn tarɛ-don-dɛ la. Anu ko,

1 Samuwɛli 12:7

Wo ni wo sɔ Mari yakɔrɔ. A ara ko-makawanɛ minnu ma wobɛ wo benbanu ye nun, n ni sereyɛ wonu sa gbɛ ma wo ye ka anu takaran wo ye alako karan wo ni wo sɔn-yogomɛnu yira wo la.