Maika 6:4 - ALLALA KUMƐ

⁴ Ale le ya wo labɔ yɔɔnyɛ rɔ Iyipiti nyamanɛ rɔ ka na wo la yan. Ale le ya Musa sɔ wo yarɔ anubɛ Aruna anubɛ Miriyam.

Maika 6:4 ပူးပေါင်းရင်းမြစ်များ

2 Samuwɛli 7:23

Isirɛla mɔgɛnu fanan nyɔgɔn sa! I wara ma kunyɛ labɔ yɔɔnyɛ rɔ ka male ma ile halalɛ la. E, Mari, i ya kabana-koe minnu kɛ ma benbanu ye, wo ya a ma le, ile tɔgɔ tara pɔn, ka ke duninya tɔnkɔn nani bɛɛ rɔ. Ila mɔgɛnu taranta tala yarɔ nya min, i tara anu yogenu gbenna anu yarɔ wo nya na le anubɛ wonuna bɛsɛnu. Ita mɔgɛ le male la, i ya minnu kunyɛ bɔ gbaran rɔ Iyipiti kɛnu bolo, kɔni.

Yaburi 77:20

I ye ila mɔgɛnu yarɔ iko saga-kandannɛ. Musa anubɛ Aruna ye anu kun na.

Bɔ-Koe-Iyipiti 12:51

Wo tele nyɛrɛ rɔ, Mari ya Isirɛla mɔgɛnu nabɔ Iyipiti nyamanɛ rɔ iko anuna bɔnsɔnnu bi nya min.

Bɔ-Koe-Iyipiti 20:2

“Nde le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

Bɔ-Koe-Iyipiti 3:10

Woletɔ n bi i latala mansɛ wo ma ka Isirɛla mɔgɛnu kunyɛ bɔ gbaran rɔ Iyipiti nyamanɛ rɔ.”

Bɔ-Koe-Iyipiti 4:10

Musa ya a fɔ Mari ye ko, “Mari, n da ra ma di kebi fɔlɔ, ado nfan, kebi i bilara kumala n ye, ha bi, n ma kusanya kumala fɔlɔn. N da la ma tiri kuma tinɛ. Sikɛ ye n tɔ kuma tinɛ.”

Bɔ-Koe-Iyipiti 4:16

A si ma ila kuma-lakelɛ la mɔgɛ wonu ma. A si ma i dɛ la. Ile si to nde, Alla gbɛ rɔ. N ba min fɔ ile Musa ye, i si wo latenbi Aruna ma.

Bɔ-Koe-Iyipiti 6:27

Musa anubɛ Aruna le kumara Iyipiti mansɛ ye Isirɛla mɔgɛnu nabɔ-koe ma Iyipiti nyamanɛ rɔ.

Yɛrɛmaya 32:21

I wara anu yogenu kumakɔ ita kabana-koenu na. I ya ma benbanu nabɔ ita fanka le la Iyipiti nyamanɛ rɔ.

Yilan-Yilan Koe 12:1

Musa ya Itiyopiya-musi do furu min kɛ nun, Aruna anubɛ a kɔrɔ-musi Miriyam wulita Musa tɔgɛ tinyana ka a rasɛ.

Yilan-Yilan Koe 33:1

Musa anubɛ Aruna ya Isirɛla mɔgɛnu nabɔ yɔɔnyɛ rɔ Iyipiti tumɛ min, anu tagamanta ka le.

Kɛwɔlɛnu 7:36

A ya mɔgɛnu nabɔ Iyipiti nyamanɛ rɔ ka tamaserenu anubɛ kabana-koenu kɛ Iyipiti anubɛ Kɔgɔ-Yi-Wulan dafɛ. San bi-nani kɔrɔ, a ya ko-makawanɛ kɛ anu ye wula-da-rakolɔn rɔ.

Tɔn-Fɔɛ-Fila-Nyɔgɛ 24:18

Wo ni wo miri ko wole fanan bi yɔɔnyɛ rɔ nun Iyipiti nyamanɛ rɔ kɔnɔ wota Mari Alla ya wo hɔrɔya. Woletɔ Mari Alla ya tɔn kɛnu di wo ma.

Tɔn-Fɔɛ-Fila-Nyɔgɛ 4:20

Wo mɔgɛ le wole la Mari ya minnu nabɔ tɔrɔya-fafanɛ rɔ Iyipiti nyamanɛ rɔ min manɛ iko wɔnkɔrɔ-tɛ. A ya wo labɔ nyɔ alako wo ni ma aletɛ la. Wo ye wo nya na le ha bi.

Tɔn-Fɔɛ-Fila-Nyɔgɛ 4:34

Ka a bi fɔlɔfɔlɔ ma ha ka a sigi kaka la, ha bi, wo ara a yen bɛsɛ ara sibole do kunka iko Alla ya wo kunka Iyipiti nyamanɛ rɔ wati min sibolo-gbɛrɛkɛ bolo wa, ka anu ma ata mɔgɛnu na a nyɛrɛ ye? Wo nyɛrɛ yala serr, Mari ya ata kabana-koenu mayira ka kɛlɛ kɛ wo ye ka ko-makawanɛnu kɛ anubɛ ka ko-makilannɛnu kɛ.

Tɔn-Fɔɛ-Fila-Nyɔgɛ 5:6

ale le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

Tɔn-Fɔɛ-Fila-Nyɔgɛ 7:8

Mari ya wo kunka ka wo bɔ yɔɔnyɛ rɔ Iyipiti mansɛ bolo bawo a ya wo keni, ado a sɔgɛ ye a la, a ya lanyiri min kiri wo benbanu ye, a si wo kanbali.

Tɔn-Fɔɛ-Fila-Nyɔgɛ 9:26

N ya a fɔ ko, ‘E, Mari, Sɛnbɛ-Bɛɛ-Tigi, n bi i matarala. I yandi, i kana ita mɔgɛ kɛnu faga. I ya anu nabɔ yɔɔnyɛ rɔ Iyipiti nyamanɛ rɔ ita fanka-makawanɛ le la.

1 Samuwɛli 12:6

Wo kɔma, Samuwɛli ya a fɔ anu ye tun ko, “Ale Mari kelen pe le ya Musa anubɛ Aruna yabɔ ka wo benbanu nabɔ Iyipiti nyamanɛ rɔ.