Maika 6:16 - ALLALA KUMƐ

¹⁶ Wo ara ko-yogomɛ ma iko wola mansɛ Hɔmɔri anubɛ ala den Mansa Ehabu, woletɔ tɔrɔya-su kɛ ye nala sigila wo la. Mari si wola nyamanɛ kɛ halaki. Mɔgɛnu si wo mayɛlɛn dɔgɔma-ma-de! Fɔ ni wo ya wo munyu manyinɛnu kɔrɔ bawo wo ma sɔn Marita kumɛ birala.

Maika 6:16 ပူးပေါင်းရင်းမြစ်များ

1 Mansɛnu 18:4

Lunyɛ do, Yɛsɛbɛli ye Marita nɛbinu fagala tumɛ min, ale Hɔbadaya kɛ le ya nɛbi wonu mɔgɔ kɛmɛ bi ka anu dogon bi-loli bi-lolinyɛ ma farannu na. A tora anu de-nyinina nyɔnu tɔ.)

1 Mansɛnu 9:8

Bato-Bon-nyimɛ kɛ si tinya ka ma bon-gbarɛ la. Mɔgɔ-wo-mɔgɔ wa tenbi nyɔ, wo si kawa ka a bole sa a dɛ la. A si a fɔ ko, ‘Nfenna ko la Mari ara ko sufa kɛ ma ala nyamanɛ anubɛ ala Bato-Bɔn kɛ la?’

2 Mansɛnu 16:3

A ya Isirɛla mansɛnu sɔn bi hali ka a halala-den-kei ma saraka-mintantɛ la bɛsɛnu ye. Min kolo wo ko, Mari ya mɔgɛ minnu gben nyamanɛ wo rɔ nyɔ nun, wonu taranta kisimiriya-koe kɛ le sufa mala nun.

2 Mansɛnu 21:3

A fa Mansa Hɛsakaya ya Alla-batobɛlɛnuna kɔ tinɛ minnu tinya, Mansa Manasa ya wonu sɔ a kurɛ la tun. A ya bɛsi-kɔ-tina-mayɛlɛnɛnu nadan anu si Beyali kɔ kan min. A ya kɔlɔma lɛsɛ musila muninyɛ rɔ iko Isirɛla Mansa Ehabu ya a ma nya min nun. Bɛsɛ wo tɔgɛ le Asura. Min sanɛ wo kuma, a ya lolenu fanan bato.

2 Ko-Kɔrɔta-Karan 22:4

Ale fanan bilara Mari la iko Mansa Ehabu anubɛ ala denbayɛ ya a ma nya min bawo Ehasaya kɛ fa Mansa Yɛhoram fagara tumɛ min, Mansa Ehabula mɔgɛ donu mara a makawandilɛnu na. A makawandilɛ wonu denu mara ala bulɛ la.

2 Ko-Kɔrɔta-Karan 34:25

A ko anu ya anu ban ale Mari la. A ko anu ya sarakɛnu bɔ anuna bɛsɛnu ye woletɔ ale Mari fonde bɔnɛ Yerusalɛm kɛnu kuma. A ko fenfen sa nyɔ min si ala fondo-bɔɛ makimɛ.

Yaburi 1:1

Duwa-dan le wo tigi la min ti a tole sigi karagbɛlɛnuna kawandili-kan kɔrɔ, ado a ti ta hakɛ-tiginuna gbere fɛ, hali ka bila Alla-bɔrɔbɔlɛnu fɛ.

Yaburi 44:13

I ya min ma ma la, ma dan-masa-nyɔgɛnu ya wo yen min kɛ, anu ya ma manyini ka yɛlɛn ma ma.

Yaburi 44:14

I wara ma ma yɛlɛnma-fan la sibolo-gbɛrɛnu ye. Anu bi ma bɔrɔbɔla ka anu dɛ bogoya ma telen tɔ.

Aiseya 25:8

Ma Tigi Mari si tɔn sigi sayɛ la burubukai! A si bɛɛ ya-yi firan a ya-denkɛ rɔ. Ata mɔgɛnu bara yarabiyi min bɛɛ sɔrɔn duninya rɔ, a si miliyɛ wo bɔ anu yɛ la. Mari nyɛrɛ kuman-kan le kɛ la.

Aiseya 9:16

Wonu minnu bɛnta ka kila-telennɛ yira mɔgɛnu na, anu ma wo ma fɔ ka kila-radunɛ yira anu na alako ka mɔgɛnu kɔndɔfili pirikali!

Yɛrɛmaya 19:8

A ko a si so-karantan kɛ rade dogbe! So-karantan kɛ si ma yɛlɛnma-fan la mɔgɛnu ye. Mɔgɛnu tenbi tenbila, anu si anu kunyɛ firifiri. Anu ba so-karantan kɛ tinya-bole mafɛlɛn, anu si kawa.

Yɛrɛmaya 25:18

N ya do di wole, Yerusalɛm kɛnu ma anubɛ Yuda nyamanita-mɔgɛ toenu, a mansa wo, a mɔgɔ-ba wo. N ya wo ma le alako yan kasaranɛ ni to. Mɔgɛnu ba anu tinya-bole mafɛlɛn, anu kuma si tɛgɛ. Wo si a ma, mɔgɛnu ni anu mamɔɛn ka anu tɔgɛ ratɛgɛ dankali-kɛ-tinɛ, ado a ye wo nya na le ha bi.

Yɛrɛmaya 25:9

a si kantɔ-mɔgɛ bɛɛ kele wo kan ma katarala Babilɔn Mansa Nɛbukanasa ma, ata wɔli-kɛlɛ, kɔni. A ko mansɛ wo si na wole Yuda nyamanita-mɔgɛ bɛɛ kɛlɛ anubɛ wo dan-masa-nyɔgɛnu. Anu ba ban wo kɛlɛla, anu si wola nyamanɛ kasaranɛ to. Mɔgɛ min ba nyɔ yen, wo kuma si tɛgɛ.

Yɛrɛmaya 29:18

A ko a si kɛlɛ anubɛ kɔnkɛ anubɛ kirayɛ ma anu gben-fan la, ado sibolo-gbɛrɛnu ba anu yen tumɛ min, anu kuma si tɛgɛ wao! Mɔgɛnu si anu manyini ka anu tɔgɛ ma dankali-kɛ-fan la.

Yɛrɛmaya 51:51

Hali wo ye a fɔla ko wo ara yarabi bawo sibolo-gbɛrɛnu bara Bato-Bon-sɛnima-tinɛnu bi anu nyɛrɛ ye, wo ta tun.”

Yɛrɛmaya 7:24

Kɔnɔ a ko wo benbanu ma sɔn anu tole masɔla a la. Anu tole gbɛlɛ nun. Anu taranta anu nyɛrɛ diyana-koenu denu mala. Anu ma to tala yarɔ fɔ ka to sɛgila anu kɔma.

Nimisa Koe 5:1

E, Mari, i miri ma ara tɔrɔ nya min nun, i kolan layigi ma yarabi-nya ma ma yogenu bolo.

Isikiyɛli 39:26

Anu ya anu ban n na min kɛ, n ya anu namiliya wola ko la. Anu ba ban sigila tun anuna nyamanɛ rɔ yisi-kimɛ la, ado mɔgɔ sa anu tɔrɔla tun, anu na si nyina anuna miliyɛ wo la.

Daniyɛli 9:16

Kebi fɔlɔ, ile le ya ma latanka. Hali i fonde ma ma gboya Yerusalɛm soe ma bawo i halalɛ le wo la, ita kɔnkɔ-sɛnimɛ, kɔni. Ka a tɛgɛ ma benbanu anubɛ maleta hakɛ ma, sibolo-gbɛrɛ minnu bi mala foolɛ rɔ, wonu yoonɛ ma ma.

Hoseya 12:14

Kɔnɔ wole Isirɛla mɔgɛnu ya a ma, Mari fonde bɔra wo kan ma dɔgɔma-ma-de! A ko a bɛnta nun, wo dama ni faga ka a tɛgɛ wola karagbɛlɛyɛla ko ma. Mari ko a si wo tɔrɔ a kilɛ fɛ bawo wo ara a lamiliya.

Hoseya 5:11

Wole Isirɛla mɔgɛnu ya wo tui ka ta dɛnbɛni-nyini-tinɛ bɛsɛ wonu denu bara minnu ti ke wo dɛnbɛna. Wo le ya a ma, wole Isirɛla mɔgɛnu bara tɔrɔyɛ sɔrɔn Yuda kɛnu bolo. Anu bara bui wo ma ka wo halala-dugi bi wo bolo.

Maika 2:6

“Mɔgɛnu bi kumala n ma ko n kana kuma-su kɛnu fɔ anu ye. Anu ko, ‘Alla si male lamiliya, wa?’ Anu bi n manyinikala ko,

Maika 6:13

Woletɔ Mari ko a ara wuli wole, Isirɛla mɔgɛnu tɔrɔyala ka wo halaki wola hakɛnuna ko la.

Lankɛnimayɛ 2:20

Kɔnɔ min bi n kɔntɔ wo kan ma, wo le kɛ la. Wo ye sɔnna musi dola koenu ma, Yɛsɛbɛli, kɔni, min bi a nyɛrɛ kelela ko Allata kilayɛ. A ye mɔgɛnu karanna ka nna wɔli-kɛlɛnu nasama alako anu ni don yɛlɛnyɛ rɔ. A ye anu karanna bɛsi-kɔ-fannu dɔn-koe ma fanan.