Maika 5:5 - ALLALA KUMƐ

⁵ Ata mansayɛ si yisi-kimɛ lana Isirɛla mɔgɛnu tɛma. Asiriya kɛnu ba na bui mala nyamanɛ kɛ ma tumɛ min ka mala soenu tarɛ-dɛ keri, ma si mala kɛlɛ-kurugbɛnu nata anu kɛlɛ tinɛ.

Maika 5:5 ပူးပေါင်းရင်းမြစ်များ

Yobu 5:19

Mɔgɔ wa gbalo sɔrɔn tumɛ min, Alla si to a kunyɛ bɔla wo rɔ.

Yaburi 72:7

Alamɛ telenbagayɛ tora koloyala a siyi-tele-bɛɛ kɔrɔ. Fananta karɛ ye gbɛla, alamɛ ala mɔgɛnu tora ko-nyimɛ sɔrɔnna.

Hɛnkilimaya-Kumɛnu 30:18

Ko nani bi nyɔ min makawara, ado anu kɔrɛ-lɔn-koe gbɛlɛ.

Hɛnkilimaya-Kumɛnu 30:29

Nima-fen nani ye nyɔ min tagama-nya mafɛlɛn di.

Hɛnkilimaya-Kumɛnu 6:16

Ko-yogoma wɔrɔnfila ye nyɔ Mari ti ke a munyuna minnu kɔrɔ, 1. wasinteyɛ 2. foninya-fɔɛ 3. mɔgɔ-fagɛ min ma ko tinya 4. minnu miriya bɛnnɛ ko-yogomɛ ma tolon 5. minnu nakala ko-yogomɛ ma tinɛ 6. sereyɛ minnu bi foninyɛnu sala anu nyɔgɔn kuma 7. nafigi minnu bi na-kelen-nyɔgɛnu kunyɛ tugula anu nyɔgɔn na.

Makawandili Kumɛnu 11:2

I ni ila wodi lamara kan-tina-siyaman tɔ bawo i ma a lɔn kasarɛ ye bɔla kan bara la.

Aiseya 14:25

A ko a si Asiriyanu nunku ata kɔnkɛnu ma a tontɛ kɔrɔ Isirɛla nyamanɛ rɔ. A si ata mɔgɛnu bɔ kun-gbaran rɔ Asiriyanu bolo. Anu kunyɛ si bɔ dunu madunɛ kɔrɔ.

Aiseya 44:28

A ko a si a fɔ Babilɔn Mansa Sairasi ye ko a ni ma mansɛ la ale ye, wo ni a sako bɛɛ kɛ. A ko Yerusalɛm soe ni sɔ a kurɛ la tun. A ko fanan, Bato-Bɔn kuru ni kɛ tun.

Aiseya 59:19

Wo si a ma, tele-yigi warala-mɔgɛnu ni kilan Mari la. Tele-bɔɛ-warala-mɔgɛnu ni a gbiliya. Mari si na tiriya iko bɛ fanɛ ye yigila a burila nya min, ado Mari karata fɔnyɔ le ye a mala, bɛ ye yigila fanka la wo nya na.

Aiseya 65:8

Mari ko fananta nɔnbɔ-gbɔ-yi ye a gbɔɛ rɔ, mɔgɛ ti anu tinya bawo anu ya a lɔn ko tɔnɛ ye nɔnbɔ-gbɔɛ wo rɔ. A ko ala wɔli-kɛlɛnu fanan bi wo nya na le. A ti anu nato.

Aiseya 7:14

Woletɔ Mari nyɛrɛ ko a si tamasere yira i la. Sunkurun-nasɔlɔnɛ si buyi bi ka den-kei sɔrɔn. Wo si a tɔgɔ sa Imanuwɛli.

Yɛrɛmaya 33:15

Wo wati rɔ, a si Mansa Dawuda kegeyɛ do ma mansa-latelennɛ la. Wo si to ko-telennɛ kɛla nyamanɛ wo kan tinɛ bɛɛ rɔ.

Emɔsi 1:3

Emɔsi ya Mari kuman-kan latenbi ko, “Wole Damasika kɛnu, wo ara hakɛ dan-natenbi, ado a ko a si wo tɔrɔ, yɔ! Wo ara Kaliyadi nyamanita-mɔgɛnu bira boloko-yogomɛ-kɛ.

Emɔsi 1:6

“Mari ko wole Kesa kɛnu, wo ara hakɛ dan-natenbi, ado a si wo tɔrɔ, yɔ! Wo ara ta so-kun-siyaman mɔgɛnu bira boloko-yogomɛ-kɛ ka anu mayira Idɔm nyamanita-mɔgɛnu ma min kɛ, woletɔ Mari ko

Sakaraya 10:11

Ala mɔgɛnu ba wuli tɔrɔya-yi tɛgɛla, Nayɛli bɛ ye tugi min kɛla a rɔ anu kan ma, a ko ale nyɛrɛ si bɛ wo bira a rɔ a daga rɔ. A ni gbala todo! Asiriya min wasinɛ, a si wonu makimɛ. Iyipiti min kolo gbɛlɛ, a si wonu fanka latɛgɛ.

Sakaraya 10:3

Mari ko minnu bi ala mɔgɛnu kun na mansayɛ la, a fonde tɔrɔnɛ a ma wonuna ko la. A ko fɔ a wa kun-tigi wonu tɔrɔ. Mari Sɛnbɛ-Bɛɛ-Tigi ko atɛ le Yuda mɔgɛnu na. A ko anu kumafɛlɛnnɛ le ale la. A ko a si anu ma mɔgɔ-makilannɛnu na iko soee-kɛlɛ-tatalɛnu.

Sakaraya 12:6

Wo wati wa ke, a ko a si Yuda bɔnsɔn-kun-tiginu ma iko tɛ wa na a labɔ sɔgɔ-ladɛnnɛ ma. Ni wo ma, a ko anu si ma iko kala-mɛlan wa a kun nabɔ bin-gbalɛ ma. Sibole minnu bi ala foolɛ rɔ, a ko Yuda kɛnu si wonu halaki kɔnɔ anu Yerusalɛm kɛnu si to anu gbɛ rɔ yiri!

Sakaraya 9:10

Mari ko ale mansɛ si kɛlɛ-kɛ-kirindinu wara-koe ka-a-la Isirɛla nyamanɛ rɔ. A mako ti taran soeenu na min tabɛnnɛ kɛlɛ-kɛ-koe la Yerusalɛm. A si kalabɛn-kalɛnu takerikeri. A si yisi-kimɛ lana sibolenu tɛma. Ka a bi kɔgɔ-yi-dan doi ma ka a sigi a dan doi la, a si mansayɛ kɛ wo dama rɔ. Ala mansayɛ dan da si bira Yufereti bɛ ma ha duninya dan.

Sakaraya 9:13

A ko a si wole Yuda mɔgɛnu ma ata kalɛ la. A ko wole Isirɛla mɔgɛnu si ma kalɛ wo bɛn la. A ko a si wole Yerusalɛm mɔgɛnu nawɔli ka wo ma kɛlɛ-den-kɛndɛ la Kirikinu kan ma.

Luka 2:14

“Gbiliyɛ ni ke Alla ye san-kole rɔ pon! Minnu ya Alla hɛnɛ, yisi-kimɛ ni to wonu fɛ!”

Yɔni 14:27

“N bi yisi-kimɛ tola wo fɛ. N bi nta yisi-kimɛ min dila wo ma, n sa a dila wo ma iko duninya ye a mala nya min. Wo yisi kana tinya. Wo kana kilan.

Yɔni 16:33

N bara kɛ fɔ wo ye woletɔ wo si yisi-kimɛ sɔrɔn nde baraka rɔ. Duninya-mɔgɛnu si wo tɔrɔ kɔnɔ wo ni wo wakila! N bara anu nɔ!”

Lankɛnimayɛ 17:14

Wonu si saga-dan kɛlɛ. Kɔnɔ saga-dan anubɛ ata mɔgɛnu si anu nɔ. A ya mɔgɛ wonu kele ka anu yabɔ anuta lanayɛla ko la. Saga-dan si anu nɔ bawo marinuta Mari le ale la anubɛ mansɛnuta Mansɛ.”

Lankɛnimayɛ 19:14

Arinyɛnitɔ-kɛlɛ-dannu bilanɛ a fɛ. Anu siginɛ so-gbɛmɛnu kuma. Anu fɛrɛya-bɔnɛ linɛn-kura-gbɛmɛ-sɛninyanɛ la.