Maika 5:13 - ALLALA KUMƐ

¹³ Wo ye bɛsɛ minnu kɔla, a si wonu kasara. Woletɔ wo si fan minnu nadan wo nyɛrɛ bole la, wo ti wonu kɔ tun!

Maika 5:13 ပူးပေါင်းရင်းမြစ်များ

Aiseya 2:8

Anuna nyamanɛ lafanɛ bɛsɛnu na, anu ya min nadan anu bole la, kɔni. Anu bi wonu kɔla.

Aiseya 27:9

Alla-lɔnbɛlɛnuna saraka-mintan-tinɛnu ba ma gbangban la tumɛ min Isirɛla mɔgɛnu bolo, Mari si Isirɛla mɔgɛnu makoto anu hakɛ la wo wati le tɔ. A ti anu makoto fɔ wusura mintan tinɛnu ba ban. A sa nyinina fenfen-lɛsɛni ma tun iko anuna bɛsi-musumɛ Asura manɛ nya min.

Isikiyɛli 16:41

Anu si ila bɔnnu mintan gburr, ado i tɔrɛ kɛ si kɛ musi siyaman yala. N si a ma, i ni yɛlɛnyɛ boloka feufeu! N si a ma, i ni fara kemini-san la.

Isikiyɛli 36:25

N si yi-sɛnimɛ purupuru anu ma alako anu ni sɛninya bɛsi-kɔ-koe anubɛ anu kɛ-nya-yogomɛ bɛɛ ma min bara anu natinya.

Isikiyɛli 37:23

Anu ti anu nyɛrɛ latinya kisimiriya-bɛsɛ wonu fɛ. Anu ti bila hakɛ rɔ. Anu duruta hakɛ subolo-siyamɛ min bɛɛ kɛla, n si anu bɔ wonu tɔ. N si anu sɛninya alako anu ni ma nta mɔgɛnu na. Nde fanan ni ma anuta Alla la.

Isikiyɛli 6:9

Minnu si to biralɛ rɔ nyɔ rɔ, wonu si anu miri n ma. Anu si a lɔn yati, ko nde le ya anu tɔrɔ ka anu nayarabi bawo bɛsi-kɔ-koe diyara anu ye nde bato koe ko, ado anu bara anu kan-kɔ sɔ nde la. Anu si tɛgɛ anu nyɔgɔn tɔ kasikasi, ka a tɛgɛ anuna wunduyogoyɛ anubɛ kisimiriya-koenu ma.

Hoseya 10:2

Yanfante-kɔrɛnu de wole la. Fɔ wo wa tɔrɔ wo hakɛla ko la. Mari si wola saraka-mintan-tinɛnu anubɛ kuru-malɛsɛnɛnu tinya feufeu!

Hoseya 14:3

Wo kɔma, wo ni a fɔ ko, “Asiriyanu ti ke ma lakisila. Mala kɛlɛ-kɛ-soeenu ti ke ma lakisila. Ma ti a fɔ tun ko bɛsɛ le mata Alla la.” Wo ni a fɔ ko, “E, Mari, i ni ma dɛnbɛ bawo ma mani de iko kelennɛ minnu bi dɛnbɛnɛ sɔrɔnna ile le bolo.”

Hoseya 14:8

Wole Isirɛla mɔgɛnu ti wo bolo bila bɛsɛ ko rɔ tun. N si wola madiyalɛnu yabi ka wo fɛ-bira a kila-bɛrɛbɛrɛ fɛ. Wo kuma-tuwalɛ le nde la iko kɔlɔma min nɔrɔnnɛ yabu-yabu bawo wola duwa-kunyɛ mumɛ bɛɛ le nde la.”

Nehami 1:14

Mari ara ban kɛ latɛgɛla wole Asiriya kɛnuna ko la. A ko wo ti kegeya-wo-kegeya sɔrɔn minnu si to wo kɔmɛ lasabatila. A ko bɛsɛ minnu bi wola kɔ tinɛnu tɔ, a si wonu kasara pɔ! A ko a ye wole Asiriyanu kaburu-sinyɛ kun na kaka! Wo wunduyogo kati!

Sɛfanaya 1:4

Mari ko a si a kɔɛn lata wole Yuda nyamanita-mɔgɛnu anubɛ Yerusalɛm so-burɔ-mɔgɛnu kan ma ka wo tɔrɔ. A ko a si Beyali bɛsi-kɔlɛnu ban yan fegba! Hali Beyalita saraka-masɔlɛnu tɔgɛ si tunu mɔgɛnu tɛma.

Sakaraya 13:2

Wo wati rɔ, bɛsɛnu tɔgɛ si tunu nyamanɛ wo rɔ yen! Mɔgɔ-wo-mɔgɔ ti a miri anu ma tun! A ko a si foninya-nɛbinu wara-koe ka-a-la nyamanɛ wo rɔ. Hali bɛsi-kɔ-miriya si bɔ mɔgɛnu burɔ.

Lankɛnimayɛ 9:20

Mɔgɛnu ya bɛsɛ minnu nadan anu bole la, anu ma tubi ka fara wonu kɔɛ la. Mɔgɔ-toe wonu ma faga fitina sawɛ wonu kɔrɔ. Anu ma fara nyina-kɔɛ la. Bɛsɛ minnu nadannɛ sɛnɛ anubɛ wodi-gbɛ la wo, bɛsɛ minnu nadannɛ silɛɛ anubɛ kuri la wo, bɛsɛ minnu nadannɛ kɔlɔma la wo, anu ma fara wonu fanan kɔɛ la. Bɛsɛ wonu ti ke fen yenna. Anu ti ke ko lamɔɛnna. Anu ti ke tagamana. Anu ti ke fenfen mala.

Kɛlɛ-Kurugbɛnu 18:17

Ko-lakɔrɔsila mɔgɔ loli wonu donta bɔn la ka ta saraka-masɔya-fɔlɔnfalan wo bi anubɛ kɔlɔma-malɛsɛnɛ wodi-gbɛ leenɛ min ma. Anu ya bɛsɛ doi wonu fanan bi. Kɔnɔ saraka-masɔlɛ wo tora sɔni kɛlɛ-den-mabɛnni mɔgɔ kɛmɛ wɔrɛ wonu tɛma. A ya bɛsɛ wonu yen anu bolo la tumɛ min, a ya anu manyinika, a ko, “Wo ye nfen kun na wo la?”