Maika 4:12 - ALLALA KUMƐ

¹² Kɔnɔ mɔgɛ kɛnu ma a lɔn Mari ara min tabɛn anu kan ma. Anu ma a lɔn ko Mari ara anu nadɛn anu gbesi koe la iko sɛni-salɛ wa fui-fan ladɛn gbere ma a gbesi-koe la.

Maika 4:12 ပူးပေါင်းရင်းမြစ်များ

Yaburi 147:19

A ye ala sarakanɛnu natala ala mɔgɛnu ma. A ye ala tɔnnu anubɛ ala sereyanu dila Isirɛla mɔgɛnu ma.

Yaburi 147:20

A ma wonu fenfen di sibolo-gbɛrɛnu ma. Wonu ma ala sereya do-wo-do lɔn. Ma ni Mari tanto!

Aiseya 10:7

Mari ko karagbɛlɛyɛ rabɛnnɛ Asiriya mansɛ nyɛrɛ bolo sibolo-gbɛrɛnu kan ma. A ara a wakila ka anu siyaman kasara.

Aiseya 21:10

Nta Isirɛla mɔgɛnu, Babilɔn bu-koe kɛ ara wo mankulan bɔ wo ma. Wo ara gbesi iko fui-fan kɔnɔ n bara kuma-nyimɛ lamɔɛn Isirɛlata Mari Alla Sɛnbɛ-Bɛɛ-Tigi la.

Aiseya 29:7

Sibolo-gbɛrɛ kɛlɛ-dan minnu bi Yerusalɛm soe kɛlɛla, wonu si tunu yen, iko ko-rayirɛ suyi rɔ. Anuna kɛlɛ-miran bɛɛ si tunu anu ma yen!

Aiseya 55:8

Mari ko wo miriya anubɛ ale miriya kelen ma anu na. Wo kɛ-nya anubɛ aletɛ, kelen ma anu na.

Yɛrɛmaya 29:11

Ale le kelen pe ya a miriya lɔn wola ko la. A miriya ye wo la yarɔma-ta-koe le ma, kasarɛ ma de! A ye a fɛ, wo ni yigi-bɛrɛbɛrɛ sɔrɔn yarɔma.

Yɛrɛmaya 51:20

Mari ko, “Ile Babilɔn, nta kundu-wɛ le ile la. Nta kɛlɛ-kɛ-fan le ile la. N si ile bi alako ka sibolenu anubɛ nyamanɛnu kasara.

Yɛrɛmaya 51:33

Babilɔn yogenu si anu tatɛgɛtɛgɛ ka anu tɛn iko fui-fan min tenbi gbere-kole ma, ado wo sa mɛla tun. Ale Mari Sɛnbɛ-Bɛɛ-Tigi Isirɛlata Alla kan le kɛ la.

Yowɛli 3:2

A ko a si sibole bɛɛ kundɛn lɛɛ do rɔ min tɔgɛ Kiti Sa Lɛɛ. A ko a si anu kiti nyɔ rɔ ka a tɛgɛ anu bara min ma wole, ata mɔgɛnu na. A ko anu bara wole, Isirɛla mɔgɛnu tanyɛnsɛn duninya-tonko-nanɛ bɛɛ rɔ ka wola nyamanɛ tala anu nyɔgɔn na.

Luka 3:17

Ala fɛrɛ ye a bolo ka ala fui-fan funfan alako a si anu sa ala birɛ rɔ nya min. Kɔnɔ a si a fofenu mintan ta-dufenbɛlɛ la!”