Maika 4:11 - ALLALA KUMƐ

¹¹ “Nyamani-siyamɛ-mɔgɛnu si anu kun nayigi wole, Isirɛla mɔgɛnu kɛlɛ-koe ma. Anu si belenna a fɔla ko, ‘Fɔ ma wa Yerusalɛm soe kɛ tinya pɔ! Fananta ma ma soe kɛ tinyanɛ yen, ma yisi ti kimɛ.’

Maika 4:11 ပူးပေါင်းရင်းမြစ်များ

Yaburi 129:5

Yerusalɛm-gboyana-mɔgɛnu, alamɛ ma ya nɔ-ko sɔrɔn wonu ma ka anu gben sɛgila.

Yaburi 83:5

Anu bi kan kelen tɔ anuna gbundi wo rɔ. Anu bi dunbɛ kirila wo kan ma.

Aiseya 10:7

Mari ko karagbɛlɛyɛ rabɛnnɛ Asiriya mansɛ nyɛrɛ bolo sibolo-gbɛrɛnu kan ma. A ara a wakila ka anu siyaman kasara.

Aiseya 17:12

Sibolo-gbɛrɛ fanka-tiginu si tugun anu nyɔgɛnu na iko kɔgɔ-yi ye sɔnkɔla a rɔ nya min.

Aiseya 29:7

Sibolo-gbɛrɛ kɛlɛ-dan minnu bi Yerusalɛm soe kɛlɛla, wonu si tunu yen, iko ko-rayirɛ suyi rɔ. Anuna kɛlɛ-miran bɛɛ si tunu anu ma yen!

Yɛrɛmaya 52:4

Wo le ya a ma, Nɛbukanasa nara ala kɛlɛ-dannu na ka bui Yerusalɛm soe ma. Wo mara Mansa Sɛdɛkayala mansayɛ san kɔnɔntɔ, a karɛ tan, a tele tan nyɔgɛ ma. Anu ya anu daga makɛ nun Yerusalɛm soe tarɛ kɔma. Anu ya bɔnkɛ ladɛn a nyɔgɔn kuma tala tarɛ kɔma alako anu ni ke kilɛ sɔrɔnna so-burɔ-mɔgɛnu ma.

Isikiyɛli 26:3

“Woletɔ nde, wo Tigi Mari ko ale Taya kɛnu yoge le nde la. N si sibolo-gbɛrɛkɛ donu nana anu kan ma. Wonu si to tugula anu kuma iko kɔgɔ-yi min bi tugula a rɔ.

Isikiyɛli 38:17

A ko a ya a fɔ Isirɛla nɛbinu ye nun ko wati ye nala, a si a ma, mɔgɛ do ni na bui ata mɔgɛnu ma. A ko nba, mɔgɛ wo le ale Mansa Kɔgi kɛ la, yɔ! N Tigi Mari kan le kɛ la.

Hɔbadaya 1:12

Wo yɛlɛnta wo na-kelen-nyɔgɛnu ma wo tumɛ anu bi nanparan rɔ, ado wo ma kin. Wo sewara wo tumɛ anu bi kasarɛ rɔ, ado wo ma kin. Wo ya sarandɛ ratii wo tumɛ wo na-kelen-nyɔgɛnu bi tɔrɔyɛ rɔ, ado wo fanan ma kin mumɛ!

Maika 7:10

Ma yogenu ba a yen, Mari ara ma dɛnbɛn tun ka ma lasɔ, anu si miliya ka a tɛgɛ anu darɔ-kan ma. Anu denu denu ya ma manyini ko, “Mata Mari Alla wo ye mintɔ?” Kɔnɔ ma si ma yoge wonu tinyanɛ yen. Anu si ma iko bore, mɔgɛnu bi minnu tatɛntɛnna.

Sakaraya 12:3

Kɔnɔ wo wati wa ke, a ko a si Yerusalɛm ma iko kuru-gbilimɛ. Sibolo-wo-sibolo ya a nyɛrɛ ma kuru wo kɔrɔbilɛ la, a ko wo si dumɛ sɔrɔn. Woletɔ sibole bɛɛ si anu kundɛn Isirɛla kan ma.