Maika 3:12 - ALLALA KUMƐ

¹² “Woletɔ mɔgɛ kɛnu bara-koe le ye a mala, sibolo-gbɛrɛkɛ-mɔgɛnu ni Yerusalɛm ma tonbɔn la. Anu si so-karantan kɛ rasin ka a ma sɛnɛ la. Wo kɔma, hali Marita Bon-Sɛnimɛ sɔnɛ kɔnkɛ min kuma, wo fanan si ma anuna sangban la.”

Maika 3:12 ပူးပေါင်းရင်းမြစ်များ

Yaburi 79:1

E, Alla, minnu ma i lɔn, wonu buira ita nyamanita-mɔgɛnu ma ha anu ya ila Bato-Bɔn latinya. Anu bara Yerusalɛm-mayɛlɛnnɛ to iko sundu-kunyɛ.

Aiseya 32:14

Hali mansɛla bolon-rakolonyanɛ si to, ado wola so-karantan fanan si ma wo nya. Mɔgɛnu siginɛ bɔn minnu na anubɛ anuna kila-mafɛlɛn-bɔnnu si ma tonbɔn la. Bintɔ-sofɛlɛnu anubɛ kolo-fannu dɔrɔn si to anu de-nyinina nyɔ.

Yɛrɛmaya 17:3

Mari ko bɛsi-kɔ-tinɛ minnu bi kɔnkɛnu ma wo, anubɛ wola nɔnfuli anubɛ wola fen-kolomɛnu wo, a ko a si wonu toronde wo la ka wonu natenbi wo yogenu ma bawo wo ara hakɛ kɛ ka a dan-natenbi wola nyamanɛ bɛɛ rɔ.

Yɛrɛmaya 22:5

Kɔnɔ a ko ni wo ma ala kumɛ bira, Mari ya a keli ko wola bolɔn kɛ si ma sundu-kunyɛ la. Ale Mari kan le kɛ la.

Yɛrɛmaya 22:6

Mari ko Yuda mansɛla bolɔnta kinyɛ manɛ iko Kaliyadi nyamanɛ anubɛ Lɛbanan kɔnkɛnuna kinyɛ. Kɔnɔ a ko hali wo, a si a tinya ka a ma tonbɔn la.

Yɛrɛmaya 26:18

“Mansa Hɛsakaya ye Yuda nyamanɛ kun na tumɛ min, Mɔrɔsɛti kɛ, Nɛbi Maika ya a fɔ Yuda kɛnu ye wati wo rɔ ko Mari Sɛnbɛ-Bɛɛ-Tigi ko, ‘Yerusalɛm ma si nunku iko sɛnɛ. A si to kasarala, ado tɔ-a-la, Bato-Bɔn sɔ-tinɛ si ma gbɔngbɔn la.’

Yɛrɛmaya 35:17

Woletɔ ale Mari Sɛnbɛ-Bɛɛ-Tigi Isirɛlata Alla ko a ara kasarɛ min bɛɛ rabɛn wole, Yerusalɛm kɛnu anubɛ Yuda mɔgɛ toenu kan ma, a si wo bɛɛ lana wo kuma. A ko a ye wo mala le bawo a wa kuma, wo ti a kan bira. A wa wo rakele, wo ti a denkun.

Yɛrɛmaya 44:2

Mari Sɛnbɛ-Bɛɛ-Tigi Isirɛlata Alla ko a ara kasarɛ min lana Yerusalɛm anubɛ Yuda soenu ma, a ko wo ara wo rayen, ado ha bi, soe wonu tinyanɛ nyɔ. Mɔgɔ-wo-mɔgɔ sigini sa anu tɔ tun

Yɛrɛmaya 52:13

Anubɛ ala kɛlɛ-dannu ya tɛ tugu Mari Bato-Bɔn la anubɛ mansɛla bolɔn la anubɛ mɔgɔ-banuna bɔnnu na.

Yɛrɛmaya 9:10

Nde, Yɛrɛmaya si di biribiri kɔnkɛnuna ko la. N si saya-sigi sa dugu-da-rakolɔnla ko la. Wola wɔli-kɛ-tinɛnu bara tinya. Hali mɔgɛ, a sa tenbila nyɔ. Hali ninki kan la sa mɔɛnna nyɔ. Konanu bara anu gban ka ta pon! Sogo bɛɛ ara tunu nyɔ yen!

Yɛrɛmaya 9:11

Mari ko a si Yerusalɛm soe ma iko sundu-kunyɛ. Nyɔ si ma fira-wulinu barɛ la. A ko a si soenu bunden Yuda nyamanɛ rɔ ha mɔgɔ ti sigi nyɔ tun.

Maika 1:6

Maika ya Mari kuman-kan latenbi mɔgɛnu ma ko a si Samariya soe ma tonbon-kole la. Nyɔ si ma fen-ki-tinɛnu na. Mari ko a si bon-kerinɛ wonu mirannu nakɛ a rɔ fole la, fɔ bon-gbɛnu, wonu denu bi tola.

Matiyu 24:2

A ko, “Wo ni bɔn kɛ bɛɛ mafɛlɛn bɛrɛkɛ! Wo ni wo hɛnkili to kɛ ko! Kuri kɛnu, hali kelen bɛrɛn ti to a gbɛ rɔ. A bɛɛ si wayan.”