Maika 1:16 - ALLALA KUMƐ

¹⁶ “Wole Yerusalɛm so-burɔ-mɔgɛnu, wo ni wo kunyɛ gbana di-kɛ-tinɛ iko dogɛ ka a tɛgɛ wola dannuna ko ma, kɛlɛ ye tala minnu na.”

Maika 1:16 ပူးပေါင်းရင်းမြစ်များ

2 Mansɛnu 17:6

Kɔnɔ Hoseyala mansayɛ san kɔnɔntɔ nyɔgɛ ma, Asiriya mansɛ wo ya Isirɛla mɔgɛnu nɔ ka ta anu na birɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

Yobu 1:20

Yobu ya wonu namɔɛn tumɛ min, a ya ala duruki rafara yisi-tinya bolo. A ya a kunyɛ sii. A ya a laburun dugu ma ka Alla bato.

Aiseya 15:2

Dibon so-burɔ-mɔgɛnu ye tala anuna bɛsi-kɔ-tinɛ kɔnkɛ kuma kesi-koe la. Mohabu kɛnu ya Nibɔ anubɛ Midaba so-tinyanɛ yen min kɛ, anu donta anu sɔnsɔn rɔ diyi-kɛ bolo. Anu ya anu kunyɛ gbanna ka anu dɛ masii ka a yira ko anu yisi tinyanɛ.

Aiseya 22:12

Wo wati rɔ, ma Tigi Mari Sɛnbɛ-Bɛɛ-Tigi ya a fɔ wo ye ko wo ni wo kunyɛnu gbana ka kasa-durukinu bila wo kan na di-kɛ-tinɛ

Yɛrɛmaya 16:6

A mɔgɔ-ba wo, a mɔgɔ-ni wo, wo dama si faga Yuda nyamanɛ rɔ. Mɔgɔ ti wo togon hali ka di wola ko la. Mɔgɔ ti a nyɛrɛ matanban, ni wo ma, ka anu kunyɛ gbana wolela ko la di-kɛ-tinɛ.

Yɛrɛmaya 4:8

Wo ni kasa-kurɛ bila wo kan na. Wo ni di biribiri, ka wo dɛ sa-a-rɔ bawo Marita diminyɛ ma a kan-kɔ sɔ wɛ wo la.

Yɛrɛmaya 47:5

Kinikinɛ si na Kesa so-burɔ-mɔgɛnu ma. Asikilɔn kɛnu ti ke kumala tɔrɔyɛ bolo tun. Filisitinu si to diyi kɛ kun na ha wati nyamintan?

Yɛrɛmaya 6:26

Mari ko wole, ata mɔgɛnu ni kasa-kurɛ kɛ wo ma. Wo ni wo nyɛrɛ maforongban gbangban rɔ yisi-tinyala ko la. Minnu bara lakiraya, wo ni wo dɛ sa-a-rɔ wonuna ko la. Wo ni wo dɛ bolobɔ iko mɔgɔla den kelan wa bɔ a bolo. Wo ni wo bɛɛ ma bawo kasarɛ sa mɛla kɛla wo ma.

Yɛrɛmaya 7:29

Mari ko wole, Yuda kɛnu ni wo kunyɛ gbana ka wo kun-sigi lakɛ a rɔ. A ko wo ni ta kɔnkɔ-makolɔn kun tɛma ka saya-sigi sa. Wo ni wo ma bawo ale Mari nyɛrɛ ara a ban wole la. A ko a ara a kan-kɔ sɔ wo la. A ye wo tɔrɔla ata fondo-bɔɛ la.

Nimisa Koe 2:19

Ile Yerusalɛm soe ni to i lasɔla suyi rɔ ka di n Tigi Mari dala i dɛnbɛn-koe rɔ. I sɔndɔmɛ lagbɛ Mari ye ka a madiya alako a ni kinikini ila dannu ma. Ila dannu bi fagala kɔnkɛ bolo lu-kole ma belenna soe burɔ.

Emɔsi 7:11

A ye belenna a fɔla ko ile mansɛ ye tola kɛlɛ rɔ. A ye a fɔla fanan ko kɛlɛ si Isirɛla mɔgɛnu bira ka anu ma yɔɔnnu na.”

Emɔsi 7:17

Nba, ile Saraka-Masɔla-Kun-Tigi-Wɛ Hamasa, i ni i tole masɔ Mari ye nala min fɔla i wara-koe rɔ. Mari ko ila musi si ma yɛlan la ka to yilan-yilanna keinu kuma. Ila dannu si to kɛlɛ rɔ. Wo yogenu si na wola nyamanɛ kɛ bi wo bolo ka a tala anu nyɔgɔn na. Anu si ta Isirɛla mɔgɛnu na ka anu ma yɔɔnnu na nyamani-gbɛrɛ rɔ. Ile Hamasa nyɛrɛ-nyɛrɛ si faga nyamani-gbɛrɛ rɔ.”

Emɔsi 8:10

Wo si wo kundɛn wola sewa-tele minnu ma, Mari si tele wonu ma di-kɛ-tele la. Mari ko a si wola sewa-siginu yɛlɛma yisi-magboya-siginu na. A si a ma, wo ni wo kunyɛ gbana ka kasa-kurɛnu don wo kan na. A si kunaya wole, Isirɛla mɔgɛnu kuma iko mɔgɔ-kɔrɔyanɛla den kelan wa sa. A si gbɛlɛya wo kuma ha wola tɔrɔya-wati da ni fa.

Tɔn-Fɔɛ-Fila-Nyɔgɛ 28:41

Dannu si taran wo bolo kɔnɔ wo si foo anu na bawo wo yogenu si wonu bira yɔɔnyɛ rɔ.