Maika 1:13 - ALLALA KUMƐ

¹³ “Lesi soe wo tɔgɔ-kɔrɛ mani de iko ‘so-kurɔn min si kirindi sagan.’ Wole Lesi mɔgɛnu, wo ni wola soeenu kiri wola kirindinu na alako wo buri-koela ko la. Wo ya wo sanka Isirɛla nyamanita-mɔgɛnu ma hakɛ-kɛ-koe rɔ ka na wo la Yuda nyamanɛ rɔ. Wo ara a ma, Yerusalɛm mɔgɛnu bara anu sanka wole fanan ma hakɛ-kɛ-koe rɔ.

Maika 1:13 ပူးပေါင်းရင်းမြစ်များ

Ko-Dabirɛnu 19:17

Melika wonu tara anu nabɔ soe kɔma tumɛ min, melika doi ya a fɔ anu ye ko, “Wo ni wo buri yɛlɛla kɔnkɛ kuma alako wo ni kisi. Kɔnɔ wo kana wo yɛ lasɛgi wo kɔma ka mɛ lɛɛ rɔ.”

1 Mansɛnu 14:16

Mari ko bawo Mansa Yɛrabowami ara mɔgɛnu bɔ ale wara la ka anu nadon hakɛ rɔ, a si a ban Isirɛla mɔgɛnu na.”

1 Mansɛnu 16:31

A ya hakɛ min kɛ iko Mansa Yɛrabowamitɛ, wo ma a wasa. A sɛgira tala Saidon Mansa Ɛtibeyalila dunmusi furula. Musi wo tɔgɛ le Yɛsɛbɛli. Wo kɔma, a ya bɛsɛ do kɔ min tɔgɛ Beyali.

1 Mansɛnu 4:28

Mɔgɔ-ba wonu tora nala fui-fan donu anubɛ a fɔrɔnnu na mansɛla soee wonu ye fanan.

2 Mansɛnu 18:17

Asiriya mansɛ wo ya ala kɛlɛ-den-kun sawa bi ka ala kɛlɛ-den-siyaman bila wonu fɛ Lesi soe burɔ ka wonu nata Hɛsakaya bira tinɛ Yerusalɛm soe burɔ. Wonu ke Yerusalɛm, anu danta kura ku tinɛ dafɛ. Yi min madɛnnɛ kɔnkɛ kun tɛma, wo worɔn ye yigila ha kura ku tinɛ wo dafɛ.

2 Mansɛnu 8:18

Isirɛla Mansa Ehabu min lakirayara, wola dunmusi le tora Mansa Yɛhoram ye Yuda nyamanɛ rɔ. Ale mansɛ kɛ ya a biran-kei sɔn-yogomɛ bi iko Isirɛla mansɛnu fanan bi nya min. A ya hakɛ kɛ Mari la

2 Ko-Kɔrɔta-Karan 11:9

Adorayim wo, Lesi wo, Asika wo,

2 Ko-Kɔrɔta-Karan 32:9

Wati tenbinɛ, wo tumɛ Mansa Sɛnakaribu anubɛ ala kɛlɛ-dannu bi Lesi soe kurunna, a ya kilayɛ lata Mansa Hɛsakaya anubɛ Yuda nyamanita-mɔgɛnu ma minnu bi Yerusalɛm soe burɔ.

Yobu 39:10

Ile si ke wo yili birala, a ni dugi rasin i ye? Ile si ke a mala, a ni sara-dɛɛ sagan i ye?

Bɔ-Koe-Iyipiti 32:21

Musa ya a fɔ Aruna ye ko, “Mɔgɛ kɛnu ya nfen ma i la ha i wara anu nadon hakɛ sufa kɛ rɔ?”

Aiseya 10:31

Wole Madimɛna kɛnu anubɛ Kebim kɛnu, wo ye wo burila wo niyila ko la.

Aiseya 36:2

A ya a fɔ ala kandɛ ye ko a ni bɔ Lesi soe burɔ ka ta kɛlɛ-den-siyaman na a bolo Yerusalɛm soe burɔ. Wo si a fɔ a ye ko fɔ Mansa Hɛsakaya ni dɛgɛ min a ye. Kandɛ wo danta kura ku tinɛ dafɛ. Yi min siginɛ a rɔ kɔnkɛ kun tɛma, wo worɔn ye yigila ha kura ku tinɛ wo dafɛ.

Aiseya 37:8

Asiriya mansɛla kandɛ wo ya a lamɔɛn ko anuna mansɛ ara bɔ Lesi soe burɔ ka ta Libina kɛnu kɛlɛ tinɛ. Kandɛ wo tara a manyinika tinɛ.

Yɛrɛmaya 3:8

Isirɛla nyɛrɛ ya a lɔn ko n bara a boloka nun ka a tɛgɛ ala yɛlɛnyɛ ma iko kei si ala musi boloka nya min. Kɔnɔ hali wo, wo ma a na-kelen-nyɔgɛ Yuda lakilan. Wo fanan tara anu sa bɛsɛnu kɔrɔ,

Yɛrɛmaya 4:29

A ko so-burɔ-mɔgɛnu si so-laburilɛnu anubɛ kalabɛn-kan lamɔɛn tumɛ min, anu si soe raka sɔi! Donu si anu nagbesi fɔgbɛ la. Donu si yɛlɛ fara-kolo-wɛnu ma. Yuda so-mɛsɛ bɛɛ ra si kolonya. Wonu si ma tonbɔn la.

Isikiyɛli 23:11

“Hali wo bɛɛ ara ke a dɔgɔ-musu Oholiba yala, Yerusalɛm, kɔni, wo kei-koyara ka tenbi a kɔrɔ-musi la yɛlɛnyɛ rɔ, Samariya soe, kɔni.

Maika 1:5

“Min bi a tola, kɛ dama ye nala mala bawo Isirɛla mɔgɛnu anubɛ Yuda mɔgɛnu bara hakɛ kɛ. Nfen sufa hakɛ le wonu na? Bawo anu bara bɛsi-kɔ-koe anubɛ karagbɛlɛyɛ dan-natenbi, hali anuna mansa-soenu tɔ, Yerusalɛm anubɛ Samariya.

Yasowa 10:3

Mansa Sɛdiki min bi Yerusalɛm, wo ya kilayɛ lata mansɛ kɛnu ma, Hiburɔn mansɛ min tɔgɛ Hoham, Yaramuti mansɛ min tɔgɛ Piram, Lesi mansɛ min tɔgɛ Yafaya, anubɛ Ɛkilɔn mansɛ min tɔgɛ Debiri.

Yasowa 15:39

Lesi, Bɔsikati, Ɛkilɔn,

Lankɛnimayɛ 2:14

Kɔnɔ minnu bi n kɔntɔ wo kan ma, wo le kɛ la. Donu bi wola chɔchi burɔ nyɔ minnu bara bila Belamta karan fɛ. Dɔn-fan min dinɛ bɛsɛnu ma, Balaki ya a ma, Isirɛla mɔgɛnu ya wo dɔn. Belamta karan le ya a ma, Balaki ya kɛ ma. Min tenbira wo bɛɛ la, a ya anu karan yɛlɛnyɛ la.

Lankɛnimayɛ 2:20

Kɔnɔ min bi n kɔntɔ wo kan ma, wo le kɛ la. Wo ye sɔnna musi dola koenu ma, Yɛsɛbɛli, kɔni, min bi a nyɛrɛ kelela ko Allata kilayɛ. A ye mɔgɛnu karanna ka nna wɔli-kɛlɛnu nasama alako anu ni don yɛlɛnyɛ rɔ. A ye anu karanna bɛsi-kɔ-fannu dɔn-koe ma fanan.