Luka 9:42 - ALLALA KUMƐ

⁴² Anu bi nala dennɛ la tumɛ min, nyinɛ ya a layɛrɛyɛrɛn ka a labui. Yisa ya a fɔ nyina-yogomɛ wo ye ko a ni bɔ a fɛ. A ya denni-lakɛndɛyanɛ don a fa bolo tun.

Luka 9:42 ပူးပေါင်းရင်းမြစ်များ

1 Mansɛnu 17:23

Nɛbi Ilaya ya dan wo bi ka ta a la a na wara. A ya a fɔ a ye ko, “I ma ila dan yen? A ara kɛndɛya.”

2 Mansɛnu 4:36

Nɛbi Ilaisa ya Kɛhasi rakele ko a ni ta dan wo na kele a ye. Kɛhasi tara ale musi kele. Musi wo ke bɔn burɔ, nɛbi ko, “Hɔn, i ma ila dan yen.”

Maraka 9:20

Anu nara a la Yisa wara. Nyinɛ ya Yisa yen nya min wo, a ya dan wo lasɔngbɔn. A buira ka a makuru-kurun dugi ma. A da-kanfɛ ye bɔla.

Luka 7:15

Furi wo ya a lasɔ ka wuli kumala. Yisa ya a don a na bolo tun.

Luka 9:39

Nyinɛ si a labui. A si a ma, a ni wɔrɔndɔ wɛ-kɛ ka yɛrɛyɛrɛn ha a da-kanfɛ ni bɔ. A ti a boloka yona fɔ a wa a tɔrɔ.

Luka 9:41

Yisa ya a fɔ anu ye ko, “Wole fanan. Dɛnkɛninyɛ sa wo bolo, ado wo ma ko-latelennɛ lɔn! N ni to wo fɛ ha tumɛ nyamintan? N si n munyu wo kɔrɔ ha tumɛ nyamintan?” A ya a fɔ kei wo ye ko, “Na ila dan la yan.”

Luka 9:43

Mɔgɛ bɛɛ kawara Allala sɛnbɛ ma. Yisa ye kabana-koe min bɛɛ mala, mɔgɛnu tora kawala wo bɛɛ ma. A ya a fɔ ala karan-dannu ye ko,

Yɔni 6:19

Nba, ala karan-dannu bara ta iko mɛli sawa, ha mɛli nani, anu tɛrɛnara Yisa la tagamana yi kuma kulɔn magbenna. Anu kilanta bɛrɛkɛ!

Kɛwɔlɛnu 9:41

Pita ya a bole bira ka a dɛnbɛ a lasɔla. Wo kɔma, a ya dɛnkɛninya-mɔgɛnu anubɛ kɛɛ-musinu kele ka a yira anu na, a kɛndɛ.

Lankɛnimayɛ 12:12

Woletɔ san-kole anubɛ wole min bɛɛ siginɛ nyɔ, wo ni sewa bɛrɛkɛ! Kɔnɔ gbalo ye dugu-kole anubɛ kɔgɔ-yi kuma bawo Setanɛ ara yigi wonu ma. A yisi bɔnɛ kati, bawo a ya a lɔn ko wati-kundu-ni dɔrɔn de tonɛ ale ye.”