Luka 9:39 - ALLALA KUMƐ

³⁹ Nyinɛ si a labui. A si a ma, a ni wɔrɔndɔ wɛ-kɛ ka yɛrɛyɛrɛn ha a da-kanfɛ ni bɔ. A ti a boloka yona fɔ a wa a tɔrɔ.

Luka 9:39 ပူးပေါင်းရင်းမြစ်များ

Maraka 9:18

Nyinɛ wa wuli a la tuma-wo-tuma, a si a labui dugi ma. A da-kanfɛ si bɔ. A si a nyin makinkin. A fɛrɛ bɛɛ si sɔngbɔn. N ya ila karan-dannu madiya ko anu ni nyinɛ wo gben kɔnɔ anu ma ke a gbenna.”

Maraka 9:20

Anu nara a la Yisa wara. Nyinɛ ya Yisa yen nya min wo, a ya dan wo lasɔngbɔn. A buira ka a makuru-kurun dugi ma. A da-kanfɛ ye bɔla.

Maraka 9:26

Nyinɛ ye bɔla a fɛ tumɛ min, a gbele-gbelenta ka dan wo lasɔngbɔn bɛrɛkɛ! Dan wo mara iko mɔgɔ-faganɛ, wo le ya a to, mɔgɛ bɛɛ ko, “E, a ara faga!”

Luka 4:35

Yisa ya nyinɛ makuma, a ko, “A sigi-a-la! Bɔ a fɛ!” Nyinɛ ya kei labui anu dama yala. A bɔra a fɛ. A ma a madumɛ hali doni!

Luka 8:29

A ya kɛ fɔ bawo Yisa ya a fɔ nyina-yogomɛ ye ko a ni bɔ kei wo fɛ. Nyinɛ wo ara wuli a la nun iko siyaman. Hali mɔgɛnu ya a bira ka a bolenu anubɛ a kiannu kiri yɔlɔkɛnu na, a si yɔlɔkɛ wonu tɛgɛ ka ta wulɛ rɔ nyinɛ bolo.

Luka 9:38

Kei do gbele-gbelenta nyama tɛma, a ko, “Karan-mɔgɔ, n bi i madiyala, i ni nna den kelen pe mafɛlɛn!

Luka 9:40

N ya ila karan-dannu madiya ko anu ni a gben, a ni bɔ a fɛ kɔnɔ anu ma a nɔ.”

Yɔni 8:44

Wo fa Setanɛla dannu le wole la. Nba, wo ye a fɛ ka wo fa diyana-koenu kɛ. Kebi fɔlɔ, mɔgɔ-fagalɛ le ale la. A ma sɔn tonyɛ ma bawo tonyɛ sa ale rɔ. A wa foninya fɔ, wo ye a yirala a ye nya min. Foninya-fɔlɛ le ale la, ado ale Setanɛ, foninya-fɔlɛ bɛɛ fa le ale la.

1 Pita 5:8

Wo ni wo yɛ laka, ado wo yɛ lakanɛ ni to dɛɛ! Wo yoge, Setanɛ ye wo manɛgɛnna iko yarɛ min bi borondo-borondola. A ye mɔgɛ nyinina, a si min dɔn.

Lankɛnimayɛ 9:11

Mansɛ min bi anu kun na, melika le wo la min bi kun-tigiyɛ kɛla denka-dan-yenbɛlɛ kun na. Ale tɔgɛ Hiburu-kan rɔ ko, “Abadon.” A tɔgɛ le Kiriki-kan rɔ ko, “Apɔliyɔn.” Wonu kɔrɛ le ko, “Halakilɛ.”