Luka 9:38 - ALLALA KUMƐ

³⁸ Kei do gbele-gbelenta nyama tɛma, a ko, “Karan-mɔgɔ, n bi i madiyala, i ni nna den kelen pe mafɛlɛn!

Luka 9:38 ပူးပေါင်းရင်းမြစ်များ

Ko-Dabirɛnu 44:20

Ma ya a fɔ i ye ko ma fa-kɛmɔgɛ ye nyɔ. Ma ya a fɔ tun ko ma dɔgɔ-kei ye nyɔ, ma fala kɛmɔgɔ-dan, kɔni. Ma ya a fɔ i ye fanan ko ma dɔgɛ, wo kɔrɔ-keminɛ ara faga. Ale kelen pe le tonɛ gbɛ a na buyi rɔ, ado a di ma fa ye kati!

Sakaraya 12:10

A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.

Matiyu 15:22

Musi do ye nyamanɛ wo rɔ, Kenan kɛ le wo la. A nara Yisa wara. A gbele-gbelenta ko, “N fa, Mansa Dawudala dan, kinikini n ma! Nyinɛ ye nna dunmusi fɛ. A tɔrɔnɛ kati!”

Luka 7:12

Anu kera so-tarɛ-don-dɛ la tumɛ min, anu ya a taran, mɔgɛnu bi tala furi do la a togon tinɛ, ado kɛɛ-musila den-kei kelen pe, wo le fagara. Nyɔ-mɔgɔ siyaman bilanɛ musi wo fɛ.

Luka 9:37

Wo banda kɛ, Yisa anubɛ ala karan-den sawɛ yigira ka bɔ kɔnkɛ kuma. Nyama-belebele ya Yisa labɛn.

Luka 9:39

Nyinɛ si a labui. A si a ma, a ni wɔrɔndɔ wɛ-kɛ ka yɛrɛyɛrɛn ha a da-kanfɛ ni bɔ. A ti a boloka yona fɔ a wa a tɔrɔ.

Yɔni 4:47

Ala dan ye faga-koe rɔ tumɛ min, a ya a lamɔɛn ko Yisa ara bɔ Yudiya nyamanɛ rɔ ka na Kalili sigisɔn rɔ. Mɔgɔ-ba-sɛbɛnɛ wo tara Yisa wara. A ya a madiya ko a ni ta Kapaniyam ka ala dan lakɛndɛya.