Luka 8:8 - ALLALA KUMƐ

⁸ Sugi do buira bɔnku-lamonɛ rɔ. A fɛrɛnta ka a kole kɛ. A kelen-kelennamɛ-bɛɛ ya kɛmɛ-kɛmɛ sɔrɔn.” Yisa ya kumɛ wo kundon, a ko, “Nba, ni min si ko nya-yen, a ni a tole masɔ wo la!”

Luka 8:8 ပူးပေါင်းရင်းမြစ်များ

Ko-Dabirɛnu 26:12

San wo la, Isiyaka ya sɛnɛ sa nyɔ. A ya sugi min nyɔgɔn fui, Marita duwɛ yigira a kuma. A ya wo nyɔgɔn kɛmɛ sɔrɔn.

Hɛnkilimaya-Kumɛnu 20:12

Mari ya tole di ma ma alako ma ni ko lamɔɛn. A ya yɛ fanan di ma ma alako ma ni fen yen.

Hɛnkilimaya-Kumɛnu 8:1

Wo ye kan-bo-kan, wo ni wo tole masɔ. Hɛnkilimayɛ ye wo rakelela. Wo taranta kila la wo, wo taranta kɔnkɔ kuma wo, wo taranta kiti-fɔ-tina wo, wo tole masɔnɛ ni to.

Yɛrɛmaya 13:15

Nde, Yɛrɛmaya ko wole, Yuda mɔgɛnu ni wo tole masɔ Marita kumɛ la. Wo kana wasi bawo ale le ya kɛ fɔ wo ye.

Yɛrɛmaya 25:4

Hali Mari ye tola ala wɔli-kɛlɛnu nanala wo ma minnu bi nɛbiya-wɔli kɛla, wo ma wo tole masɔ wonu na, ado wo bɔrɔ ma taran wo ye.

Matiyu 11:15

Nba, ni min si ko nya-yen, a ni a tole masɔ!

Matiyu 13:23

Sugi min buira dugu-lamonɛ rɔ, wo mani de iko mɔgɛ min bi kumɛ lamɔɛnna ka a nya-yen. A si gbɔ. Do si kɛmɛ kelen bɔ, do bi-wɔrɔ, do bi-sawa.”

Maraka 4:20

Sugi min buira dugu-lamonɛ rɔ, wo mani de iko mɔgɛ min bi kumɛ lamɔɛnna. A si kumɛ lamɔɛn ka a bira. A si gbɔ, do bi-sawa, do bi-wɔrɔ, do kɛmɛ.”

Maraka 4:23

Nba, ni min si ko nya-yen, a ni a tole masɔ!”

Maraka 4:8

Kɔnɔ do buira dugu-lamonɛ rɔ. A fɛrɛnta ka a kole don, do kolo bi-sawa, do bi-wɔrɔ, do kɛmɛ.”

Maraka 7:16

Ni min si ko nya-yen, a ni a tole masɔ!”]

Luka 14:35

A ti dugi lamo, a ti a ma, ninki-nyɛ ni dugi lasabati, fɔ ka a lakɛ a rɔ. Ni min si ko nya-yen, a ni a tole masɔ kumɛ kɛ la!”

Luka 8:15

Sugi min buira dugu-lamonɛ rɔ, wo mani de iko mɔgɛ min bara Allala kumɛ lamɔɛn ka a lamara a yisi-nyimɛ rɔ. A si to ala kumɛ birala ha a si gbɔ.

Luka 8:7

Sugi do buira wɔnɛnu tɛma. Anubɛ wɔnɛnu yɛlɛta anu nyɔgɔn fɛ kɔnɔ tɔ-a-la, wɔnɛnu ya a dɔn.

Ɛfɛsa 2:10

Alla nyɛrɛ le ya ma dan. A ya ma dan ko-nyimɛ kɛ-koe le la. Ma tenbi Yisa Kirasiti rɔ, ma si to ko-nyimɛ kɛla bawo ale nyɛrɛ ara ban wonu tabɛnna ma ye, bi ko ma!

Kɔlɔsi 1:10

Ni wo mara, wo si ke ko ladanna iko Mari ye a fɛ, wo ni ko ladan nya min. Wo si a hɛnɛ koe bɛɛ rɔ tumɛ bɛɛ. Wo kɔma, wo si to ko-nyimɛ kɛla mɔgɛnu ye. Wo bɛɛ rɔ, wo si to koloyala Alla-lɔn-koe rɔ.

Lankɛnimayɛ 13:9

Nba, ni min si ko nya-yen, a ni a tole masɔ.

Lankɛnimayɛ 2:11

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu ba nɔlɛ kɛ, sayɛ fila nyɔgɛ ti ke wonu ma.’

Lankɛnimayɛ 2:7

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu bara nɔlɛ kɛ, n si sarati di wonu ma alako anu ni nimaya-kɔlɔma-gbɔɛ dɔn min bi Allata nakɔɛ rɔ.’

Lankɛnimayɛ 3:13

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la!’

Lankɛnimayɛ 3:6

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la!’